2Tim 1:12 - MKPAMAṄ AMVOE Nouveau Testament en langue Ewondo 2012

¹² etòm te endzò madzugi e mam ma. Dzam da mawog ki osòn, amu mayëm e mod mëngafudi afidi dama abë nyè, ndò fë mayëm mbëṅ mbëṅ na abëlë ngul ya akala e dzi ya angavë ma asu amos te.

2Tim 1:12 Iomraidhean Croise

Mt 12:21

Mëyòṅ mayi bi afidi a dzoe die.

Mt 24:36

Mfa amos te ai awola te, tò mod ziṅ ayëyëm; tò benglès ya yob, tò mòn, hë Tara etam.

Mt 7:22

Abui dzam layi dzo ai ma amos te na: A Nti, a Nti, së a dzoe doe ngò bingabò abui biyëṅ bi mam a?

Lk 10:12

Makad mina na, amos te, Sodoma ayi bi ovëves alodo tisòn te.

Lk 23:46

Ndò Yesus adzo a yob ete na, a tara, mavë nsisim wama a mò moe. Adzo angadzo nala, ndò asuu ṅhëbë.

Yohannes 17:15

Makogëlan ki na ovaè bò a si-ndon, dzam da, asu yë na okaman ai bò abë Mbe.

Yohannes 6:44

Mod ziṅ asëki dzam sòṅ a bë ma, ngë e Tara angalom ma andzëki nyè dudu; ma mayi nyè kuli a sòṅ a amos mvua.

Bisye bi Apostel 13:46

Paulus ai Barnabas bëngakòbò ha ai azombo asë, bò na: Mina bihë yean tari kad ebug Zamba. Ndò hm mbol miatëb dzò, miyënë fë na miakyëbë ki ai enyiṅ kòm, ndò hm biakë a bëhaiden bënë.

Bisye bi Apostel 13:50

Yuden bëngasogolo e mimfaṅ mi bininga midiṅi ngogëlan, ai bëdzoe bë tisòn, ndò bëngatsag efëma ha a nyòl Paulus ai Barnabas, ndò batsidan bò a si dzaban.

Bisye bi Apostel 21:13

Paulus nyè na: Dze ndzò miabò a miayon na, midzugulu ma nnëm ha? Amu, hë ma ma, mënë a ngomëzan së ki hë na bëfaṅ ma ngadag, mënë fë a ngomëzan na mëwu a Yerusalem asu dzoe Nti Yesus.

Bisye bi Apostel 7:59

A bëwoe Stefanus ai ngòg ha, nyè avëë kiṅ, nyè na: A Nti Yesus, nòṅò nsisim wama.

Bisye bi Apostel 9:16

Amu mayi nyè lëdë e mam mësë ayi dzugi asu dzoe dama.

Roma 1:16

Amu mawog ki osòn asu mbëmbë foe, amu anë ngul Zamba asu akode e mod osë ayëbë, atarigi ai man Yuden, a mvus hala, man Grek.

Roma 9:33

akyaè anë ntilan na: Yënë sik, matele ekòli obag ai akòg lasòṅ bod a nsëm a Sion; e mod ayi dò yëbë, angasama ki.

1Kor 1:8

Ṅnyè hm ayi mina wone abui a mëmana, mintoa tègè ai akalëga a amos Nti waan Yesus Kristus.

1Kor 3:13

esye mod osë yayi kui a ngëëṅ, amu biayi kuban a ndoan. Amu, e kan esë esye mod enë, ndoan yayi dzò fial.

Filipi 1:20

mbol mayanga abui, mëfidigi fë na mayi ki sama a dzom ziṅ, dzam da, na, ai fim esë, anë abog asë ai etoa dzi, Kristus ayi bi olugu a nyòl dzama, tò mëwu, tò ki mënyiṅ.

Filipi 3:10

na mëyëm nyè, mëyëm fë ngul akui-lë sòṅ die ai anòṅ ngab a mintye mie, na mëfulan fë ai nyè a awu die,

Filipi 3:21

ṅnyè ayi tsende obobòd nyòl vi na ofulan ai nyòl duma dzie, ai e ngul abëlë na atëgë byem bisë.

Filipi 3:8

Ndò mëngayen yen na mam mësë mënë ma edzèè abog etòm ayëmë-lë Kristus Yesus Nti wama, ya anë mbëṅ ya walod bisë, asu die ngò dzom esë yavëṅan zëzë, mëyënë na enë hë akun, asu yë na mëdò ai Kristus,

1Tes 2:16

bëkaman ai bia na bilèè ai bëhaiden asu yë na bëkodeban, asu te badzala taṅ minsëm dzaban kòm esë. Olun osò ya bò a nyòl ntud ntud.

1Tes 5:4

Mfag waan, a babëdzaṅ, miasëki a dibi, asu yë na amos odilan mina anë ṅwuwub.

1Tim 6:20

A Timoteus, obaala e dzom bëngavë wa, osaala e bod bayëm ki Zamba, a bënë dzëdzaa nkòbò ai bisoo bi ṅyëman mvol;

2Tim 1:14

Obaala mbëmbë dòkten asu Mfufub Nsisim ya atoa abë bia.

2Tim 1:16

Zamba ayënë nda-bod Onesiforus ngòl amu angavòli ma abui biyòṅ, ndò fë andzëki wog mësuṅ mama osòn,

2Tim 1:18

Zamba avaa nyè na ayen ngòl abë Nti amos te. Ndò fë wayëm mbëṅ alodo ma abim bisye angavòli bò a Efesi.

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

2Tim 2:9

asu te madzugi mintye, mëbëgë ben mësuṅ anë ezilngan dzam da, ebug Zamba etii ki a mësuṅ.

2Tim 4:8

Atarigi etoa dzi, bënyie ya ma ekat duma mëkyëbë, a Nti ya anë sosoo ntsigi ntol ayi ma vë amos te; së ki hë ma etam ayi dzò vë, ayi fë dzò vë e bod bësë bëngadiṅ asò-lë die.

Titus 3:8

Ebug enë bëbëla; Mayi na matoan wa baala e mam ma, na e bod bëngafudi afidi daban abë Zamba bëdzëṅ na bëmvaman ai mimbëmbë mi mam. Mam mëte mënë mbëṅ, mëtoa fë ai mfi asu bod.

Ebrea 12:2

bibëbë abë Yesus, ṅnyè angatye ṅyëbë hi, abò fë wa a saaṅ, ṅnyè angadzibi mintye ya klos asu e mintag mingabë nyè osu, abyandi osòn, ndò angatòbò a mbo-nnomo etoa-ati Zamba.

Ebrea 2:18

Ndò hm, mbol emen angabi mëbobëla, abii mintye, ndò abëlë ngul ya avòli e bod bëbëlë mëbobëla.

Ebrea 7:25

Antoa hm na anë dzam kode e bod bakë abë Zamba bëlodo abë nyè nguma nguma, amu anyiṅ kòm esë na akogëlan asu daban.

Petrus osu 1:5

mina ya babaala a ngul Zamba ai ṅyëbë asu akode ya anë a ngomëzan na lakulëban a abog mvua.

Petrus osu 4:16

Ngë abëlë hm mintye mbol anë kristen, të awog osòn, aluugu Zamba a dzoe te.

Petrus osu 4:19

E bod hm badzugi mintye a ṅyian Zamba bëvaa hm minnëm miaban ai mboan mbëṅ abë nkomo ya anë mod-afidi.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,