2Tes 3:8 - MKPAMAṄ AMVOE Nouveau Testament en langue Ewondo 2012

⁸ tò ki na bingadi mbaṅëla a zëzë abë mod ziṅ; Dzam da, a mindzug, ai a mëtug ete, ai alu, ai amos, bisye fò asu yë na të biandëgëlë mod ziṅ ya abë mina.

2Tes 3:8 Iomraidhean Croise

Mt 6:11

Vaa bia ana e bidi bian biayaṅan ai biè.

Bisye bi Apostel 18:3

mbol hm bò bësë bëngabë bëyëmë asu esye da, ndò angatòbò abë bò, angasye. Bëngabë bëloṅo bëtende.

Bisye bi Apostel 20:34

Mina bëben miayëm na e mò mama ma mëngasye asu mëyaṅan mama ai e ma më e bod bëngabë ai ma fufulu.

1Kor 4:12

ndò biawu esye, bisye ai mò maan. Eyòṅ bakag bia, bia bikubu bò ntotomamaa, bëfëmë bia, bidzibigi,

1Kor 9:4

Nga bibëlë ngul ya adi ai anyu?

2Kor 11:27

esye, tuṅ, abui biyòṅ hë evie, a zie ai ekode, abui biyòṅ a eki-bidi, a avëb, a nsò.

2Kor 11:9

ndò fë ntye mëngabë ai mina, tò mëngaku a mëyaṅan, mandzëki ndëgëlë mod ziṅ. Amu e babëdzaṅ bësòò a Masedonia bëngadzala miṅyian miama, ndò mandzëki bò mod ziṅ adid mbëgë tò kan ziṅ, a maangabò ki tò eyòṅ.

Ef 4:28

Të ṅwuwub wabad dzib, anòṅò nòṅò ndzug ya asye ai mò moe, abò mbëṅ, asu yë na eyòṅ ambëlë ya ai mò, avë e mod anë a mëyaṅan.

1Tes 2:9

Amu, a babëdzaṅ, tsogan tuṅ dzaan ai abui esye daan. Bisye ai alu, ai amos, asu yë na biza woe ai mod ziṅ ya abë mina ai ndzug, bingayedan hm mina mbëmbë foe Zamba.

1Tes 4:11

Midzëṅë na minyiṅ evovoe, mibò e mam mabëbë mina, misye fë ai mò maan, anë bingabende mina,

2Tes 3:12

Kan bod te endzò biabende, bilëbë fë bò abë Nti Yesus Kristus na bësye a miëëṅ, bëdi mbaṅëla ya bò bëben basye.