2Tes 3:4 - MKPAMAṄ AMVOE Nouveau Testament en langue Ewondo 2012

⁴ Bibëlë afidi abë Nti asu daan, amu miabò e mam bingabende, ndò fë miayi kë ai nala osu.

2Tes 3:4 Iomraidhean Croise

Mt 28:20

miyëgëlë bò na bëbaala e mam mësë mëngabende mina. Ndò fë, mamen mënë ai mina mëmos mësë, akëlë kui a amana si.

Roma 15:14

A babëdzaṅ, mamen mayëm fò mbëṅ mbëṅ na, mfa waan, midzie ya ai abëṅ nnëm a tuud, mintoa ntud ai ṅyëman osë, ndò fë mibëlë ngul ya avean mëlëbëga.

Roma 15:18

Amu mabëlë ki e dzom mënë dzam laṅ, a Kristus andzëki bò a mò mama, asu yë na bëhaiden bëbò mëwog, tò a nkòbò, tò a mboan,

Roma 2:7

E ba bandzëki ku sòm, bësye mbëṅ, bëdzëṅë hë duma, ai olugu, ai enyiṅ kole, mbò ayi vë enyiṅ kòm,

1Kor 14:37

Ngë mod atsog na anë profet, ngë ki na abëlë bifaè bi Nsisim, alaṅa e mam matil mina, amu mënë mvende Nti.

1Kor 7:19

Adzo yë na mod anë nkëban, ndò asëki nkëban, asëki dzam! Hë mbaalan mëmvende më Zamba ngò onë ai mfi.

2Kor 2:3

Mëngatil mina e dzam di, asu yë na, eyòṅ makë sò, të mawog olun ai e bod bayean ma vë mintag, mëbëlë afidi ai mina bësë na mintag miama minë mintag mi mina bësë.

2Kor 2:9

Amu asu te fë mëhë til, asu yë na mëyëm mfaṅ fulu waan, ngë minë mëwog a mam mësë.

2Kor 8:22

Bialom mina madzaṅ ya biayen ya na anë osësa a abui mam, etoa dzi ben anë osësa abui mbol abëlë abui afidi abë mina.

Galati 5:10

Ma mayëm fò na abë Nti, mina miatsog ki dzom efë. E mod andëgëlë mina ambëgë ya mëku moe, tò anë za.

Filipi 1:6

mëyëmë fò mbëṅ na e mod angatari abëṅ esye di abë mina ayi dzò dzala akui a amos Kristus Yesus.

Filipi 2:12

A mindidiṅ miama, antoa hm na, akyaè ya miakad ya sòṅ miabò mëwog, -së ki hë eyòṅ mënë ai mina, tò fë etoa dzi a masëki hala,- syean ai ngul asu akode daan ai wòṅ, ai mësis.

1Tes 4:10

ndò fë miabò dò asu babëdzaṅ bësë ya bënë a Masedonia osë. Makogëlan ai mina a babëdzaṅ, Kaṅan ai nala osu!

2Tes 3:12

Kan bod te endzò biabende, bilëbë fë bò abë Nti Yesus Kristus na bësye a miëëṅ, bëdi mbaṅëla ya bò bëben basye.

2Tes 3:6

A babëdzaṅ, biabende mina a dzoe Nti waan Yesus Kristus na misaala e madzaṅ osë awulu ki tëtëlë, tègè bie e tum bingavë bò.

Filemon 1:21

Mbol mayëm mëwog moe ndò matil wa, mëyëmë na wayi bò e mam madzo.