2Kor 8:7 - MKPAMAṄ AMVOE Nouveau Testament en langue Ewondo 2012

⁷ Ndò mbol ya miafuguzu a dzom esë, a ṅyebë, a nkòbò, a ṅyëman ai a osësa osë, ai a ediṅ bibëlë asu daan, fuguzan fë a esye akab dzi.

2Kor 8:7 Iomraidhean Croise

Mt 25:22

E nyò angabi minsaṅ mibè asòò, nyè na: a nti, ongavë ma minsaṅ mibè, madugan bede mifë mibè a yob.

Roma 15:14

A babëdzaṅ, mamen mayëm fò mbëṅ mbëṅ na, mfa waan, midzie ya ai abëṅ nnëm a tuud, mintoa ntud ai ṅyëman osë, ndò fë mibëlë ngul ya avean mëlëbëga.

1Kor 1:5

amu abë nyè ngò miabi kan akuma esë, a nkòbò osë ai a ṅyëman osë,

1Kor 12:13

Amu bia bësë bingaduuban abë Nsisim mbòg na binë nyòl dzia, tò Yuden, tò Grek, tò bëlò, tò fili bod, ndò fë bia bisë binganyu Nsisim mbòg.

1Kor 12:8

Amu, e mod nyòlò, Nsisim ovë nyè nkòbò fëg, e nyò mbòg, hë Nsisim te ovëë nkòbò ṅyëman;

1Kor 13:2

Ngë mëbëlë ngul ya abò profèt, mëyëmë mam më ndimba mësë, ai ṅyëman osë, ngë mëbëlë ṅyëbë osë na mabodo minkol a si, ma ha tègè ai ediṅ, masëki dzom ziṅ.

1Kor 13:8

Ediṅ enë mvende të dzëman. Mfa esye profèt, yayi sole! Minkòbò ki, miayi man! Ṅyëman fë wayi sole!

1Kor 14:12

Dzam dëda hm asu daan, ngë miayag ai bifaè bi Nsisim, dzëṅan biè abui asu yë na nda-Zamba ewonëban.

1Kor 4:7

Za akad wa na wasëki anë e bod bëvòg? Dze obëlë, a bandzëki wa ve? Ndò hm, ngë bëngavë wa, dze wabò enguṅ anë bandzëki wa vë?

2Kor 7:7

së ki hë asò-lë die, dzam da fë a evòli mingavòli nyè, amu angalèè bia miṅyian mian ai ṅyon waan ai mvam dzaan asu dama, mëngafëdan wog mintag.

2Kor 8:6

asu te bingakogëlan ai Titus na, akyaè ya angatari dò, azu mana kom esye akab te abë mina.

2Kor 9:14

ndò bakogëlan asu daan, bëyii na bayen mina asu abui maa Zamba anë abë mina.

2Kor 9:8

Zamba abëlë ngul ya abulu maa osë abë mina, asu yë na mibëlë e dzom esë miayaṅan ai dzò, a dzam asë ai kòm esë, mibulu hm bò e dzom enë mbëṅ,

Ef 4:29

Të mbë nkòbò akui mina a anyu, hë ebug yavòli e hom onë ai mfi, asu yë na evë e bod bawog dzò maa.

Filipi 1:11

Mitoa hë ndzalan ai bibuma mëkyëbë a nyòl Kristus Yesus asu duma ai olugu Zamba.

Filipi 1:9

Ndò makogëlan na ediṅ dzaan ebui hë mbuan, na miyëm, miyen fë,

2Tes 1:3

A babëdzaṅ, biayean kaṅ Zamba kòm esë asu daan mbol wayean, amu ṅyëbë waan wasam, ediṅ mod osë ya abë mina asu e ba bëvòg enaṅa fë,

2Tim 2:1

Mfag woe, a mòn wama, bò nkanga a maa ya anë abë Kristus Yesus.

Ebrea 12:28

Asu te mvaan ngaṅ mbol bingabi edzoe yatigëdan ki, endzò biasye Zamba ete mbëṅ, ai olugu, ai wòṅ.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus bèè 3:18

Naṅan a maa ai a ṅyëman Nti waan ai nkode waan Yesus Kristus. Duma abòò ai nyè ana ai a amos kole. Amen.

Ekuli-mam 3:17

Mbol wadzo na: Mëbëlë akuma, ndò fë mazuzu ya mabò nkukuma, mayaṅan ki ai dzom ziṅ, dzam da wayëm ki na wa onë dzëdzaa, mbubua, ndindim ai nsò.