2Kor 7:7 - MKPAMAṄ AMVOE Nouveau Testament en langue Ewondo 2012

⁷ së ki hë asò-lë die, dzam da fë a evòli mingavòli nyè, amu angalèè bia miṅyian mian ai ṅyon waan ai mvam dzaan asu dama, mëngafëdan wog mintag.

2Kor 7:7 Iomraidhean Croise

Mt 26:75

Petrus adugan hm tsog ebug Yesus angakad nyè na: «osusua yë na nnom kub alòṅ, wayi ma sie biyòṅ bilè». Ndò angakui a nsëṅ, angayon eyëgan.

Mt 5:4

Bësombòg mvòm, e ba bënë a mëlunga, Amu bayi bò vòli nnëm.

Lk 22:44

Mbol wòṅ ongabi nyè, angafëdan kogëlan. Edudug dzie entoa hë anë bibaṅ mëki, ekpaa a si.

Bisye bi Apostel 11:23

Ṅnyie anë angakui, ayënë ntotomamaa Zamba, ndò angatag, angayin fë bò bësë na bëyëm minnëm, bëlad ai Nti,

Roma 1:12

nala watyan na ma mëbi fë awonòṅ abë mina asu ṅyëbë ya mëbëlë fufulu ai mina.

1Kor 5:2

Ndò minë hë enguṅ! Nga miayean bò mëyëb asu yë na e mod ahë bò dzam te akodo abë mina?

2Kor 1:14

anë mingayëm bia hë etun, na binë dzom enguṅ dzaan, anë mina fë asu daan a amos Nti waan Yesus.

2Kor 1:4

ṅnyè awone bia a ndzug osë ai awone ya Zamba angawone bia,

2Kor 2:9

Amu asu te fë mëhë til, asu yë na mëyëm mfaṅ fulu waan, ngë minë mëwog a mam mësë.

2Kor 5:2

Ndò hm bibëlë mintye, biyii du na biabëlan ai etòbògò dzaan yasò a yob,

2Kor 7:6

Ndò e Zamba avòli e bod bënë edzòdi nyòl angavòli bia ai asò-lë Titus,

2Kor 7:8

Ngë mabò a kalara na miliṅan, masingi ki dò. Ngë mëngasingi dò, mayen na kalara te angabò na miliṅan etun abog;

2Kor 8:16

Ngaṅ ai Zamba ya avë Titus osësa asu daan a nnëm,

Filipi 1:20

mbol mayanga abui, mëfidigi fë na mayi ki sama a dzom ziṅ, dzam da, na, ai fim esë, anë abog asë ai etoa dzi, Kristus ayi bi olugu a nyòl dzama, tò mëwu, tò ki mënyiṅ.

Kolosi 2:5

Tò hm të mënë mò mò ai nyòl, mënë ai mina a nsisim, mëtala, mëyënë enyiṅ tëtëlë dzaan ai mbol ṅyëbë miayëbë Kristus oyëmë a kpiim.

1Tes 3:6

Etoa dzi hm a Timoteus adugan abë bia, asòòg mfag minë, mbol akad bia abëṅ foe ṅyëbë waan ai ediṅ dzaan, ai na miatsog bia mbëṅ kòm esë na miyii fë du na miayen bia, anë biayi na biayen mina,

1Tes 3:8

amu etoa dzi, binganyiṅ ya ngë mitelë a kpiim abë Nti.

Ebrea 2:1

Asu te biayean toan baala e mam bingawog, asu yë na biza kë a elëlëb.

Yakobus 5:17

Elias angabë mod anë bia, ndò angakogëlan ai ngul na të mvëṅ yanòṅ, ndò mvëṅ engakanga tègè nòṅ mimbu milè ai ngòn esaman.

2Yoh 1:4

Mëngatag abui mbol mëngayen na bòn boe bëziṅ bawulu a bëbëla, e kan bingabi mvende esòò abë tara.

Yudas 1:3

A mindindiṅ miama, mbol fò mayag na matil mina adzo akode anë bia fufulu, ndò mëyen na mayean mina til, mëkad mina na midzëṅ ṅyëbë bëngavë mimfufub evëvëë.