2Kor 7:1 - MKPAMAṄ AMVOE Nouveau Testament en langue Ewondo 2012

¹ A mindindiṅ miama, mbol bibëlë e ngaga esë nyi, mfubugan bia bëben ai mvit ya nyòl ai a nsisim, bibò na mfuban waan obò ntud a wòṅ Zamba.

2Kor 7:1 Iomraidhean Croise

Mt 12:33

Ngë ele enë mbëṅ, bibuma bie binë mbëṅ; ngë enë abe, bibuma bie binë fë abe. Amu bayëm ele a bibuma bie.

Mt 5:48

Tòbëgan a saaṅ anë mbol Tara waan ya yob anë a saaṅ.

Mt 5:8

Bësombòg mvòm, e ba bënë nnëm mfuban, Amu bayi yen Zamba.

Bisye bi Apostel 9:31

Ekoan nda-Zamba engabë a saaṅ a Yudea asë, ai a Galilea ai a Samaria, eloṅëban, ewulugu, ekama Nti, ebuguban ai nkëan Mfufub Nsisim.

Roma 5:20

Mvende engasò asu yë na nsëm obui. E hom ki nsëm obui, maa nyè fë angafuguzan,

1Kor 6:20

Bëngakus mina abui mòni. Vaan hm Zamba duma a nyòl dzan.

2Kor 1:20

Amu ngaga Zamba esë enë 'Owe' abë nyè. Asu te biadzo ai Zamba na 'Amen' asu olugu Zamba a dzoe die.

Ef 2:3

A zaṅ dzaban, bia bësë fë binganyiṅ okoba ai miṅyian mi nyòl mian, bibò ṅyian nyòl ai nsisim, bia fë bingabë hë bòn bë olun anë e ba bëvòg a enyiṅ dzaan.

1Tes 3:13

asu yë na ayëm mina minnëm a kpiim, mibò të ai atòn a enyiṅ mimfufub a mis më Zamba, esya waan, eyòṅ Nti waan Yesus ayi sò ai mimfufub mie misë. Amen.

1Tes 4:7

Amu Zamba andzëki bia loe asu mam më mvit, angaloe bia asu mam më mfuban.

1Tes 5:23

Zamba mvoè emen afubugu mina ntud ntud; Akalëga fë mina nsisim ai nnëm ai nyòl na bibò a saaṅ a asò-lë Nti waan Yesus Kristus.

Ebrea 12:23

a ekoan mintol mi bòn a bënë ntilan a kalara a yob, abë Zamba ya atsig bësë ntol, ai a minsisim bësosoo bë bod bënë a saaṅ,

Ebrea 12:28

Asu te mvaan ngaṅ mbol bingabi edzoe yatigëdan ki, endzò biasye Zamba ete mbëṅ, ai olugu, ai wòṅ.

Ebrea 4:1

Ndò hm, ntye ya e ngaga dzie enë na bod bayi nyian a awaè die engënë ete, mboan okala na të mod ziṅ ya abë mina akë sòṅ mvumvua.

Ebrea 6:9

A babëdzaṅ, mfag ya abë mina, biayëm mbëṅ mbëṅ e mam mënë mbëṅ asu akode, tò anë biakòbò akyaè di.

Yakobus 4:8

Suban Zamba babi, abog te ayi mina subu babi. A bod minsëm, soban mò, mimana fubu minnëm mian, a e bod minë minnëm mibè.

Petrus osu 1:15

dzam da, akyaè ya e nyò angaloe mina anë mfufub, mina fë boan mimfufub nala a enyiṅ dzaan,

Petrus osu 1:17

Ndò hm ngë mialoe e nyò atsig ntol hë a mboan mod osë, tègè ai ebom-kama, na tara, nyiṅan ai wòṅ ntye ya minë a mëkaban.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus osu 2:11

A mindindiṅ miama, makogëlan ai mina anë bëdzin ai batòbò nnam na, misaala miṅyian mi nyòl a mialuman ai nsisim waan.

Petrus osu 5:10

Zamba maa asë ya angaloe mina a duma kole die abë Yesus Kristus ayi mina dugan tone eyòṅ midzugi ya mintye man etun abog, awone mina, avëë mina ngul, atele mina a kpiim.

1Yoh 1:7

Ngë biawulu a mfyè akyaè ya anë a mfyè, bibëlë ngab bia bia, ndò fë mëki më mòn woe Yesus mavaè bia mvit ya nsëm osë a nyòl.

1Yoh 1:9

Ngë biamëm minsëm mian, nyè anë sosoo, atoa fë ayëman, ayi bia vaè minsëm, afubu fë bia a nkòt osë.

1Yoh 3:3

Ndò e mod ose abëlë afidi abë nyè afubu emen, akyaè emen anë mfuban.