2Kor 6:4 - MKPAMAṄ AMVOE Nouveau Testament en langue Ewondo 2012

⁴ dzam da bialëdë bia bëben anë bësye bë Zamba, ai abui fin, a mindzug, a mëyaṅan, a wòṅ,

2Kor 6:4 Iomraidhean Croise

Lk 21:19

Miayi kyëbë ai enyiṅ dzan a mban a yob.

Yohannes 16:33

Mëngakad mina e mam ma asu yë na mibi mvoè abë ma. Mibëlë mintye a si-ndon. Dzam da, vaan koa, mëngatègè ya si-ndon.

Bisye bi Apostel 2:22

A bod ya Israel, vogolan e bibug bi; E Yesus man Nazaret ya Zamba angatele mina a zaṅ ai mimboan mi ngul, ai biyëṅ bi mam, ai e mëndëm Zamba angabò a mò moe a zaṅ dzaan, akyaè ya mina bëben miayëm,

Bisye bi Apostel 20:34

Mina bëben miayëm na e mò mama ma mëngasye asu mëyaṅan mama ai e ma më e bod bëngabë ai ma fufulu.

Bisye bi Apostel 9:16

Amu mayi nyè lëdë e mam mësë ayi dzugi asu dzoe dama.

Roma 14:18

Amu e mod asye Kristus hala, anyëb Zamba a nnëm, bod bëkama fë nyè.

Roma 16:10

Sugan Apelès, ya angabi mindzug abë Kristus. Sugan bod ya nda-bod Aristobolus.

Roma 3:5

Ngë abe-nnëm daan lalëdë afu-nnëm Zamba a ngëëṅ, bidzo hm ya? Yë Zamba anë mbë-nnëm eyòṅ olun woe wadzimbi bia? (Makòbò hm fò a nkoṅ mod).

Roma 5:8

Ndò hm Zamba angalëdë ediṅ a diṅ bia na, bia bitoa bësëm minsëm, ndò Kristus angawu asu daan.

1Kor 3:5

Apollos ṅnyè anë dze? Paulus ki ṅnyè anë dze? Bënë bëbò-bisye ya bëngavë mina ṅyëbë, anë mod akyaè ya Nti angavë nyè.

1Kor 4:1

Asu te bod bayean bia nòṅan ë bësye bë Kristus ai bëbaala bë ndimba mam më Zamba.

1Kor 9:11

Ngë bingamias mam më Nsisim abë mina, yë eyëṅ dzam anë ete na bifumi mam më nyòl abë mina?

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

2Kor 11:27

esye, tuṅ, abui biyòṅ hë evie, a zie ai ekode, abui biyòṅ a eki-bidi, a avëb, a nsò.

2Kor 11:9

ndò fë ntye mëngabë ai mina, tò mëngaku a mëyaṅan, mandzëki ndëgëlë mod ziṅ. Amu e babëdzaṅ bësòò a Masedonia bëngadzala miṅyian miama, ndò mandzëki bò mod ziṅ adid mbëgë tò kan ziṅ, a maangabò ki tò eyòṅ.

2Kor 12:10

Asu te mawog mintag a atëg, a mam më ebyandi, a mëyaṅan, a baluman ai ma, a mindzug, asu Kristus. Amu, eyòṅ mënë ntëgan, abog te mënë ngul.

2Kor 12:12

Mëndëm më man apostel mëngalëdëban a zaṅ dzan, ai fin, mëndëm, ai biyëṅ bi mam, ai mam më ngul.

2Kor 2:17

Amu biasëki anë abui bod bakuan ai ebug Zamba, bia biasye a tëtëlë, biakòbò a nloman Zamba, a mis më Zamba, abë Kristus.

2Kor 3:6

ṅnyè angatele bia na bibò bësye bë mkpamaṅ elad, së ki elad enë ntilan, edzi Nsisim. Amu ekanga ekanga ya kalara yawoe, Nsisim wavë enyiṅ.

2Kor 4:17

Amu e man zëzë ndzug ya etoa dzi akomëzan bia mod olugu kole,

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

2Kor 4:8

Bibëlë mindzug a dzam asë, dzam da tègè fidi, fëg edzaṅa bia, bia tègè dzò dzèè esë,

2Kor 7:11

E mëliṅan ma, anë Zamba ayi, masò ai mina akyaè osësa te, së hm ki hë nala, masò fë ai mina mbol miakaman ai mina bëben ai sosoo olun, ai wòṅ, ṅyian du, mvam, bivudëga. A dzam asë, lëdëgan na minë a saaṅ e dzam di.

Kolosi 1:11

avë mina ngul kan esë, anë ngul duma die asu kan fin esë ai afu-nnëm. Ai mintag a nnëm

Kolosi 1:24

Etoa dzi, matag a mindzug misë asu daan, ndò fë madzala a minson miama, e dzom yadzëman a mindzug mi Kristus asu nyòl dzie ya enë nda Zamba.

1Tes 3:7

ndò biyen evòli ete, a babëdzaṅ, asu daan a mësis ai mindzug mian, etòm ṅyëbë mibëlë,

1Tes 5:14

A babëdzaṅ, biakogëlan ai mina, lëban e bod bënë ndunduman, miwonòṅo eba bënë wòṅ, mivòligi eba bënë ntëgan, mibòò afu-nnëm ai bod bësë.

1Tim 2:15

Dzam da ayi kodeban ai mbyean bòn, ngë alaṅan atoa a ṅyëbë, ai ediṅ, ai mfuban, ai dzin.

1Tim 4:6

Ngë oyëgëlë babëdzaṅ e mam ma, wayi bò mbëmbë mbò-esye Kristus Yesus a bënganèè ai bibug bi ṅyëbë, ai mbëmbë ayëgëlë ya ongënë obiege a zut ana.

1Tim 6:11

Mfag woe, a mod Zamba, tubu e mam ma. Biege mëkyëbë a zut, ai olugu Zamba, ai ṅyëbë, azombo, afu-nnëm.

2Tim 1:8

Të hm wawog osòn ai mbòòlan Nti waan ngë ki ai ma, man mimbog woe, dzam da nòṅò ngab mintye dzoe a mbëmbë foe ai ngul Zamba

2Tim 2:24

Mbò-esye Nti ayean ki bò bitòm, ayean bò evovoe ai bësë, ayëmëṅë yëgëlë, adzibigi,

2Tim 4:5

Mfag woe, osaala mam mësë, obëlëgë mintye, obò esye nkada mbëmbë foe, odzala esye dzoe.

Ebrea 12:1

Nala ontoa hm na, bia fë bibëlë mod nkunda bëwusnèt a bënë bia a nyòl edinga; ntaman hm dzoge mbëgë osë, ai nsëm walad a nyòl ai fin, bikë mbil e ndum enë bia osu nyi,

Ekuli-mam 1:9

Mamen Yohannes, manyaṅ waan, a mëngabi ngab fufulu ai mina a mindzug ai a edzoe, ai a azombo abë Yesus, mëngabë a elon baloe na Patmos, etòm ebug Zamba ai mbòòlan ya mabòòlò Yesus.

Ekuli-mam 3:10

Amu ongabaala ebug fin dzama ndò fë ma mayi wa kala a awola mëbobëla layi sò a si esë, na babobolo e bod bëtoa a si.