2Kor 6:16 - MKPAMAṄ AMVOE Nouveau Testament en langue Ewondo 2012

¹⁶ Oyili mfe onë a zaṅ tempel Zamba ai tempel bëzëzë bëzamba? Bia bëben binë tempel Zamba ya avëë, akyaè ya Zamba adzo na: Mayi tòbò abë bò, mëwulugu bò a zaṅ, Mayi bò Zamba waban, Bò bëbò ayòṅ dama.

2Kor 6:16 Iomraidhean Croise

Mt 16:16

Ndò Simun Petrus angayalan nyè na: Onë Kristus, mòn e Zamba avëë.

Mt 6:24

Mod asësye bëti bëbè. Amu ngë abò të siṅ mbòg, adiṅi e nyò mbòg, ayi lad ai mbòg, angabyandi e nyò mbòg. Miasëki dzam sye ai Zamba ai Mamona.

Lk 5:36

Ndò aku bò nkana na: Mod ziṅ asëki dzam tsig abaag ya mkpamaṅ eyie, afudi dò a nnomo eyie; ngë ahë bò dò, mkpamaṅ eyie wayi nyabi, abaag ya mkpamaṅ eyie të yëan ai nnomo.

Yohannes 14:23

Yesus nyè ai nyè na: Ngë mod ziṅ adiṅ ma, ayi baala ebug dzama, ndò Tara ayi nyè diṅ, ndò biayi sò abë nyè, bikomo etoa abë nyè.

Yohannes 6:56

E nyò adi nyòl dzama, anyaag fë mëki mama, atoa abë ma, ma fë abë nyè.

Roma 8:11

Ngë nsisim e mod angakuli Yesus a bëkon otoa abë mina, e mod angahëlë Kristus a bëkon nyè fë ayi vë biwuwu bi nyòl bian enyiṅ mbol nsisim woe otoa abë bia.

Roma 8:9

Mina, miasëki bod bë nyòl, minë bod ya nsisim ngë nsisim Zamba otoa abë mina. Ngë mod ziṅ abëlë ki nsisim Kristus, e nyòlò te awoge ki ai nyè.

Roma 9:26

Ndò hm layi bò na, e hom bëngakad bò na: Miasëki ayòṅ dama, Etere ngò bayi bò loe na: Bòn bë e Zamba ya avëë.

1Kor 10:21

Miasëki dzam bò na minyaa kòb Nti, minyaa fë kòb bësatan; miasëki dzam nòṅ ngab a tëbëlë Nti ai a tëbëlë bësatan.

1Kor 6:19

Nga miayëm na nyòl dzaan enë tempel Mfufub Nsisim ya atoa abë mina, a Zamba angavë mina, ndò miawoge ki ai mina bëben?

Ef 2:20

amu e nda minë, engaloṅëban a apostel ai bëprofèt a yob, Yesus Kristus ṅnyè anë nnom andie ya mëloṅ mëte,

Ef 2:22

abë nyè ngò fë mina mingaloṅëban ai bia na mibò etòbògò Zamba a nsisim.

Ef 3:17

na, asu ṅyëbë, Kristus atòbò a minnëm mian, milada minkaṅ, miyëmë fë a ediṅ,

1Tim 3:15

Ngë mëtëgëlan, oyëm hm mbol wayean bò a nda-Zamba, endzò enë nda e Zamba avëë, nnom andie ai tin bëbëla.

2Tim 1:14

Obaala mbëmbë dòkten asu Mfufub Nsisim ya atoa abë bia.

Ebrea 3:6

Kristus nyè angabë hm mod afidi a nda dzie a etye mòn. Bia hm binë nda dzie, ngë bibëlë azombo ai enguṅ a fidi daan.

Ebrea 8:10

Amu amvoe di ndò mayi lad ai nda Israel a mvus mënda mëte, Nti ṅnyè akòbò nala. Mayi bò fudi mëmvende mama a nnëm, mëtil mò a minnëm miaban, abog te mayi bò Zamba waban, bò bëbò fë ayòṅ dama.

Yakobus 4:5

Yë miatsog hm ki na ntilan wakòbò a zëzë na: Abò aban ai nsisim angatoe bia a nyòl,

Petrus osu 2:5

mina bëben, mbol minë bëvëvë mëkòg, boan na bëloṅ mina anë nda ya nsisim, asu yë na mivëṅan mfufub ayòṅ bëfada, mituni Zamba mëtunëṅa më nsisim ya ayëbë asu Yesus Kristus.

1Yoh 4:12

Mod ziṅ abë ya ki yen Zamba. Ngë biadiṅan bia bia, Zamba alaṅan abë bia, ndò fë ediṅ dzie enë fò abë bia mfaṅ.

1Yoh 4:15

E nyò amëm na Yesus anë mon Zamba, Zamba atoa abë mod te, nyè fë abë Zamba.

Ekuli-mam 2:1

Tili englès ya nda-Zamba ya Efesi na: E mod abëlë atitie zamgbal a mbo-nnomo woe akòbò e mam ma, ṅnyè awulu a zaṅ bitelëge mëlamba bi mvòt zamgbal.

Ekuli-mam 21:3

Ndò mawog kiṅ esòò a etoa-ati na: Ebëm Zamba ai bod dzi, ayi tòbò ai bò, bayi bò bod boe, ndò fë Zamba emen ayi bò ai bò.

Ekuli-mam 21:7

Zingi yayi nòṅ mam mëte anë ngab-elig; mayi bò Zamba woe, nyè fë abò ma mòn.