2Kor 4:4 - MKPAMAṄ AMVOE Nouveau Testament en langue Ewondo 2012

⁴ Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

2Kor 4:4 Iomraidhean Croise

Mt 13:22

E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma.

Yohannes 1:14

Ndò ebugu anganòṅ nyòl, aloṅo abëmba die abë bia, ndò biayen duma die, duma anë e di mbaṅ mòn obëlë abë esya; anë ndzian ai maa, ai sosoo.

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 12:31

Eyòṅ dzi, ntol e si nyi wazu tsigëban; etoa dzi, ndzoe ya e si nyi azu woaban a nsëṅ.

Yohannes 12:35

Yesus nyè ai bò na: Mfyè ongënë ai mina man eban. Wulugan ntye mibëlë mfyè, asu yë na të dibi ladilan mina. Ndò, e nyò awulu a dibi, ayëm ki mfag akë.

Yohannes 12:40

Angakub bò ndim a mis, Amana bò yëm minnëm, asu yë na të bayen ai mis, bò të wog ai nnëm, asu yë na bëzaa vëṅan, mësye bò.

Yohannes 12:45

ndò fë e nyò ayen ma, ayen e nyò angalom ma.

Yohannes 14:30

Mayi ki mina bad kad abui mam, amu ndzoe si-ndon azu. Abëlë ki ngul a nyòl dzama.

Yohannes 15:24

Ngë mëbò të bò mimboan ya mod mfë abë ya ki bò, ngë babëlë ki nsëm. Ndò hm, bò bëngayen, bësiṅi ai mamen, ai Tara.

Yohannes 16:11

Asu nkat, mbol ndzoe e si-ndon nyi atsigëban ya ntol.

Yohannes 8:12

Ndò Yesus adugan dzo ai bò na: Ma mënë mfyè si. E mod abye ma, ayi ki wulu a dibi.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.

Bisye bi Apostel 26:23

na Kristus ayean bëlë mintye, abò fë e mod osu akui a sòṅ bëkon, ayedan nnam ai bëhaiden mfyè.

1Kor 10:20

Ma na, e byem batuni, batuni ki biè Zamba, batuni biè bësatan. Ndò hm mayi ki na mikalan dzom ziṅ ai bësatan.

2Kor 2:11

asu yë na të Satan ayen bia si-etëgë-bikòn. Amu biayëgan ki mintsogan mie.

2Kor 2:12

Mbol hm mëngakui a Troas na mayedan mbëmbë foe Kristus, mbè oyaaban fë ma we abë Nti,

2Kor 3:11

Amu ngë dzom ndon ebëlë abim duma di, biyòṅ taṅ ya e dzi enë kole yayi tòbò a duma!

2Kor 3:14

Fëg dzaban engabò ya ndim. Amu, azaag kui amos ya ana, eyie te enë eyòṅ balaṅ nnomo elad, tègè bò kuli na emana ya sole abë Kristus.

2Kor 3:18

Bia bësë, tègè ai eyie a mësu, biayen duma Nti, bitsende, bintoa evëgëlë dzie, bisòò a duma bikëlë a duma, amu Nti ya anë Nsisim ṅnyè abò dò.

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

Galati 1:4

ya angakab emen asu minsëm mian, asu ye na akode bia a mbë si-ndon bitoa nyi, a ṅyian Zamba esya waan,

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Ef 6:12

Amu esëki ndum awu, enë ndum ya mialuman ai bidzoe, ai mingungul, ai bëdzoe bë e si dibi nyi, ai bëbe minsisim ya yob.

Filipi 2:6

ṅnyè atoa nyòl Zamba, andzëki yen na nala te wakyëbë ai nyè na ban Zamba bëbò nkoṅ,

Kolosi 1:15

Anë nsisim e Zamba ya bayen ki, Ntol bikokoma bisë,

Kolosi 1:27

mmiè Zamba angayi na miyëm akyaè akuma duma ya e ndimba nyi a zaṅ bëhaiden, endzò enë Kristus abë mina, afidi duma.

1Tim 1:11

ya onë anë mbëmbë foe mvomvòm Zamba ayi, ṅnyè bëngakalan ma.

Titus 2:13

biyanga mvomvòm afidi ai asò-lë duma Zamba nen ai nkode waan Yesus Kristus

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 6:4

Amu lasëki dzam bòban na e bod ya mfyè ongafyè ya eyòṅ dzia, bëyëmë fë efaè ya yob, bëbii fë ngab abë Mfufub Nsisim,

Petrus bèè 1:19

Ndò fë bibëlë ebug nkòbò profèt a yadaṅdaṅ fò ete. Miayi bò mbëṅ ngë mivogolo dzò anë alamba ya lafyè a e hom onë dibi, akëlë kui anë kidi yalende, otitie kidi otye mina a minnëm;

1Yoh 2:11

E nyò asiṅ manyaṅ anë a dibi, ndò awulu a dibi, ndò fë ayëm ki mfag ake amu dibi lakub ya nyè ndim a mis.

1Yoh 2:8

Ndò fë matil mina mkpamaṅ mvende, e dzi enë bëbëla abë nyè ai abë mina, mbol dibi lalod, bëbëla mfyè angafyè ya.

1Yoh 5:19

Biayëm na biasò abë Zamba, ndò si-ndon esë enara a nsëm.