2Kor 3:6 - MKPAMAṄ AMVOE Nouveau Testament en langue Ewondo 2012

⁶ ṅnyè angatele bia na bibò bësye bë mkpamaṅ elad, së ki elad enë ntilan, edzi Nsisim. Amu ekanga ekanga ya kalara yawoe, Nsisim wavë enyiṅ.

2Kor 3:6 Iomraidhean Croise

Mt 13:52

Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo.

Mt 26:28

amu mëki më elad mama ma, a mayi soeban a si asu abui bod na mavaè minsëm.

Mk 14:24

Ndò adzo ai bò na: E dzi enë mëki mama ya mkpamaṅ elad, mayi soeban asu abui bod.

Lk 22:20

Ndò fë dzam dëda ai kòb a mvus bidi, nyè na: E kòb nyi enë mkpamaṅ elad a mëki mama ya masoeban asu dan.

Yohannes 5:21

Amu, e kan ya esya ahëlë mimbim, avaa enyiṅ, nala ngò fë mòn avë e nyò osë ayi na avë enyiṅ.

Yohannes 6:63

Nsisim ngò wavë enyiṅ; nyòl esëki ai mfi. E bibug mëkad mina binë nsisim, bitoa fë enyiṅ.

Roma 1:5

Abë nyè ngò binganòṅ ntotomamaa ai esye apostel asu yë na, a dzoe die, biyëgëlë abò mëwog a ṅyëbë a zaṅ bëhaiden bësë.

Roma 3:20

Asu te mod ziṅ akyëbë ki ai afu-nnëm a mis më Zamba ai mimboan ya mvende, amu yë na biayëm nsëm hë a zaṅ mvende.

Roma 4:15

Mvende dzò yazu hm ai olun. Ngë mvende ebò mò mò hom ziṅ, mod ziṅ tègè dzò daṅ.

Roma 4:17

akyaè anë ntilan na: Mëngatele wa esya abui mëyòṅ, a mis më e Zamba angayëbë, a avë bëwu enyiṅ, abò na e dzom yasëki ebò.

Roma 7:6

Etoa dzi hm, bikodeban ya a mvende, ai awu bingawu abë e nyò angabë atègè bia, bintoa hm dzam sye a mkpamaṅ nsisim, së ki a nnomo ekaṅa kaba.

Roma 8:2

Amu mvende nsisim enyiṅ abë Kristus Yesus engakode wa a mvende nsëm ai awu.

1Kor 11:25

Dzam dëda, a mvus bidi, ndò anòṅ kòb, nyè na: E kòb nyi enë mkpamaṅ elad a mëki mama. Eyòṅ esë miayi dzò nyu, boan dò na mitsog ma.

1Kor 12:28

Ndò hm Zamba angatele bod bëvòg a nda-Zamba, atari na apostel, akalan na bëprofèt, e di lala bëyëgëlë, a mvus hala mësimba, a mvus hala bifaè bi akab ya alëdë akòn, avòli bod, alëb bod, akòbò abui minkòbò.

1Kor 15:45

Akyaè ya anë ntilan na: Adam, e mod osu, ambëlë enyiṅ, e Adam mvua nyè abò ya hm nsisim wavë enyiṅ.

1Kor 3:10

Ai e maa Zamba bëngavë ma, ndò mëngamana fag bibe, mëtari mëloṅ anë mfëfëg nloṅo-mënda, mod mfë angazu kë ai mëloṅ osu. Mod osë abò okala akyaè abò mëloṅ.

1Kor 3:5

Apollos ṅnyè anë dze? Paulus ki ṅnyè anë dze? Bënë bëbò-bisye ya bëngavë mina ṅyëbë, anë mod akyaè ya Nti angavë nyè.

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

2Kor 3:14

Fëg dzaban engabò ya ndim. Amu, azaag kui amos ya ana, eyie te enë eyòṅ balaṅ nnomo elad, tègè bò kuli na emana ya sole abë Kristus.

2Kor 3:3

amu mialëdë na minë kalara Kristus a bingatil, asëki ntilan ai tinte, anë ntilan ai Nsisim Zamba ya avëë, së hm ki a mëbam mëkòg, anë ntilan a mëbam më nnëm nyòl.

2Kor 3:7

Ngë esye awu engabë ntilan a kalara mëkòg engavëṅan adzo duma, e kan ya na bòn bë Israel bëngabë ki dzam bëbë Moses a asu etòm mfyè duma ongabë nyè a mvòm asu, a ongabë fë na wamana,

2Kor 3:9

Ngë duma anë asu esye ya nkat, biyòṅ taṅ ya esye afu-nnëm sosoo yayi fuguzu ai duma!

Galati 3:21

Ndò hm, yë mvende yaluman ai ngaga Zamba? Tègè ai dzom! Amu bëngavë bia mvende ya enë dzam vë enyiṅ, mëkyëbë mëngatye fë a mvende.

Ef 2:1

Ndò fë avëlë mina ya mingabë ṅwuan a bivus ai minsëm mian,

Ef 2:5

ai mbol fë bingabë ṅwuan a bivus, ndò angadugan bia vë enyiṅ ai Kristus, -minë nkodan a akab a yob-

Ef 3:7

Mbëmbë foe te ṅnyè mëngasye, akyaè ya efaè maa Zamba bëngavë ma yasye a ngul dzie.

1Tim 4:6

Ngë oyëgëlë babëdzaṅ e mam ma, wayi bò mbëmbë mbò-esye Kristus Yesus a bënganèè ai bibug bi ṅyëbë, ai mbëmbë ayëgëlë ya ongënë obiege a zut ana.

2Tim 1:11

Mbëmbë foe te ṅnyè bëngatele ma na mëyedan nyè, mëtoa fë man apostel ai ṅyëgëlë,

Ebrea 12:24

ai abë Yesus ntëbë-zaṅ mkpamaṅ amvoe, ai a mëki bamiam; mëki mëte makòbò mbëṅ alodo e ma më Abel.

Ebrea 13:20

Zamba mvoè ya azu ai Nti waan Yesus Kristus, mod nnòni mintomba, a bëkon a mëki më amvoe kole,

Ebrea 7:22

Nala ngò hm Yesus anë eban amvoe ya lanyëb abui.

Ebrea 8:13

Eyòṅ adzo na mkpamaṅ, kë nala onë na e di osu abò ya nnomo! Ndò hm e dzi yayombo, evëṅan nnomo-dzom, entoa ya babi adzaṅ.

Petrus osu 3:18

Amu Kristus emen angabi mintye asu minsëm hë eyòṅ dzia, sosoo mod asu bod bë nkòt, asu yë na akë ai bia abë Zamba; bëngawoe nyè a nyòl, adugan bëlë enyiṅ a nsisim.

1Yoh 1:1

E dzi ya engabë atarigi a mëtari , e dzi bingawog, e dzi bingayen ai mis maan, e dzi bingafòmbò, e dzi mò maan mënganamba a ebug enyiṅ