2Kor 3:5 - MKPAMAṄ AMVOE Nouveau Testament en langue Ewondo 2012

⁵ Së ki na biadaṅ yëm abui, na bikë dzo na dzom ziṅ yatye abe bia; Zamba emen ṅnyè avë bia ngul te,

2Kor 3:5 Iomraidhean Croise

Lk 21:15

Amu mamen mayi mina vë anyu ai fëg a tò mod ziṅ ayi ki bi ngul ya afèd, ngë ki na mod atoe mina biboṅ.

Lk 24:49

Ndò hm malom mina ekaa Tara. Mfa waan, tòbògan a tisòn ha ntye miabë ki bi ngul ya yob.

Yohannes 15:5

Ma mënë ele wayn, mina ki mintëm. E nyò alaṅan abë ma, ma fë abë nyè, awum abui bibuma, amu tègè ai ma, miasëki dzam bò dzom.

Roma 15:18

Amu mabëlë ki e dzom mënë dzam laṅ, a Kristus andzëki bò a mò mama, asu yë na bëhaiden bëbò mëwog, tò a nkòbò, tò a mboan,

1Kor 15:10

Mënë e dzom mënë ai maa Zamba ndò e maa woe angavë ma andzëki kanga evoe, hë da, mëngawu esye alodo bò bësë, së hm ki ma, e maa Zamba anë ai ma.

1Kor 3:10

Ai e maa Zamba bëngavë ma, ndò mëngamana fag bibe, mëtari mëloṅ anë mfëfëg nloṅo-mënda, mod mfë angazu kë ai mëloṅ osu. Mod osë abò okala akyaè abò mëloṅ.

1Kor 3:6

Ma mëngabè, Apollos awòdan mëndim, dzam da Zamba ṅnyè angabò na enaṅ.

2Kor 12:9

Ndò angadzo ai ma na: Maa wama ayean ai wa, amu ngul enë ntud a atëg. Mayi hm bulu bò enguṅ ai mintag a atëg dama, asu yë na ngul Kristus etòbò abë ma.

2Kor 2:16

asu e ba, binë enyum yasò a awu ekëlë a awu, asu bevòg, enyum yasò a enyiṅ, ekëlë a enyiṅ. Za akyëbë ai e mam ma?

2Kor 4:7

Bibëgë hm mod akuma te a mëmvie më si, asu yë na abui ngul Zamba lëwoge ai Zamba, lasò ki abë bia.

Filipi 2:13

Amu Zamba ṅnyè asye abë mina, ndò fë ayi sye asu mbëmbë ṅyian.

Filipi 4:13

Mënë dzam bò mësë abë e nyò avë ma ngul.

2Tim 2:2

Ndò fë, e mam ya ongawog abë ma a mis më abui bëwusnèt, vaa mò bod bë afidi, mbò bayi bò nkoṅ ya ayëgëlë e bod bëvòg.

Yakobus 1:17

Efaè esë enë mbëṅ, ekaè esë enë ntud, yasò a yob abë esya mfyè ya atsende ki, ndò fë dzom ziṅ yafòlan ki nyè a nyòl.