2Kor 12:21 - MKPAMAṄ AMVOE Nouveau Testament en langue Ewondo 2012

²¹ Mambara na eyòṅ mayi dugan sò, Zamba wama adzòdi ma a mis maan, ai na mëbò a mëlunga asu abui bod ya bakë ai minsëm miaban osu, bò të tsende mbë enyiṅ, ai bisog, ai ebamba bëngabë bëbòòg.

2Kor 12:21 Iomraidhean Croise

Roma 13:13

Wulugan tëtëlë anë biawulu ai amos, tègè ai abui ndian ngë mënyu, tègè ai adzo bibòn ngë ebamba, tègè ai zuṅa ngë mëkomga,

Roma 9:2

na nnëm onë ma ndzugulan abui, ndò fë mintye minë ma a nnëm kòm esë.

1Kor 5:1

Badzo dzo na bisog binë abë mina, e kan bisog esë së ki a zaṅ bëhaiden, na mod ziṅ atoa ai mininga esya.

2Kor 10:6

ndò binë a ngomëzan na biandëgëlë mod mëlò osë, eyòṅ mëwog maan mayi bò ntud.

2Kor 12:7

etòm abui bikuli-mam. Asu te, asu yë na të madaṅ bò mëbun, ndò bëngalum ma eyò a nyòl, englès Satan, asu yë na ayit ma, na mëzaa bò mëbun.

2Kor 13:2

Mëngatari ya kad eyòṅ mëngabë we eyòṅ bèè, ndò fë matari kad etoa mënë mu dzi, madzo ai e bod bakë ai minsëm miaban osu ai e ba bësë bëvòg na, ngë mësò eyòṅ efë, mayi ki fë dzu.

2Kor 8:24

A mis mënda më Zamba, milëdëgë hm ndëm ediṅ dzaan ai enguṅ bingabò mina a mis maban.

Galati 5:19

Mimboan mi nyòl miayene a ngëëṅ, mmiè minë na: bisog, fulu mvit, tègè ai akomdo,

Kolosi 3:5

Woean hm bidzo ya si, bisog, enyiṅ mvit, bëbe mintsogan, bëbe miṅyian, ndòg akuma, nala onë olugu bëzamba,

Ebrea 13:4

Alug abòò adzo olugu a bod bësë, enòṅ alug etòbò tègè ai atòn, amu Zamba abò bod bë ebamba ai e bod bandaman mëlug nkat.

Petrus bèè 2:18

Amu, eyòṅ bakòbò bivoe bi mam bi akud, ai miṅyian mi ebamba miaban ya nyòl fë, basòṅ bod ya bëndëm fò tub eba banyiṅ a ndimi.

Yudas 1:23

mikode e ba bëvòg, mivaaga bò mfag bënë a ndoan; Yënan e ba bëvòg ngòl ai wòṅ osë, mifëmë tò eyie ya nyòl enë mvit.

Yudas 1:7

Hë anë Sodoma ai Gomorra ai e bëtisòn bë ngòdò hala a bëngabë fë hë ebamba dzam dëda, bëvomdan mbol wayean ki, balëdë mvulna endëgëlë ndoan kòm.

Ekuli-mam 21:8

Mfag miṅwowòṅ a i e ba bayëbë ki, e ba babò bëbe bë mam, bëwoe bë bod, bod bë ebamba, bod mëbiaṅ ai e ba balugu bëzamba ai e ba bësë babò minnal, ngab dzaban enë etëtag yadig ndoan ai sulfur; awu bèè dili.

Ekuli-mam 22:15

Bayi ligi a nsëṅ na: mvu, bod mëbiaṅ, bod bë ebamba, bëwoe bë bod, e ba balugu bëzamba, e nyò osë adiṅ minnal, abòò fë minnal.

Ekuli-mam 22:20

E nyò abòòlò e mam ma adzo na: Owe, vologo zu. Amen. Zaag, a Nti Yesus.