2Kor 10:7 - MKPAMAṄ AMVOE Nouveau Testament en langue Ewondo 2012

⁷ Bëbëgan e dzi etële mina osu. Ngë mod ziṅ ayëm na awoge ai Kristus, atoan hm bindi na, akyaè ya awoge ai Kristus, nala ngò fë bia biawoge ai Kristus.

2Kor 10:7 Iomraidhean Croise

Mt 23:5

Mimboan miaban misë minë asu yë na bod bëyen bò. Banene e bifus bi mvende bëbëgë a mësu, bëbòò fë biyie biaban mënen,

Lk 16:15

Nyè ai bò na: Mina mialëdë a mis më bod e kan minë sosoo, ndë Zamba nyè ayëm mina minnëm. Amu e dzi ya bod bakam enë zëzë a mis më Zamba.

Yohannes 7:24

Të miabëbë bod a asu eyòṅ miatsig ntol; mitsigi ntol sosoo.

1Kor 1:12

Makòbò adzo di amu mod osë ya abë mina adzo na: «Ma, mënë a ngam Paulus, ma e nyi Apollos, ma e nyi Kefas, ma e nyi Kristus».

1Kor 14:37

Ngë mod atsog na anë profet, ngë ki na abëlë bifaè bi Nsisim, alaṅa e mam matil mina, amu mënë mvende Nti.

1Kor 15:23

Mod osë hm a etye dzie: Kristus anë ntol, a mvus hala, e bod bayi tòbò ai Kristus eyòṅ adugan sò,

1Kor 3:23

mina miawoge ai Kristus, Kristus awoge ai Zamba.

1Kor 9:1

Nga mënë fili? Nga mënë man apostel? Nga mëngayen Yesus, Nti waan? Nga minë wò-esye wama abë Nti?

2Kor 10:1

Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 11:18

Mbol abui bod babò enguṅ a kyaè ya nyòl, ma fë mayi bò enguṅ.

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

2Kor 11:4

Amu ngë mod asò mina yedan Yesus mfë alodo anë enyò bingayedan, ngë ki na bëvë mina nsisim mfë ya miandzëki bi, ngë ki na mbëmbë foe mfë ya miandzëki yëbë, mingayëbë dò mbëṅ.

2Kor 12:11

Mëngabò akud, mina miabò ma nala. Amu mina mingabë yean ma taman. Amu mimfaṅ mi apostel mialod ki ma hom, tò anë masëki dzom ziṅ.

2Kor 13:3

Mbol miadzëṅ ndëm ya na Kristus akòbò abë ma, mbol asëki ntëgan ai mina, anë ngul abë mina.

2Kor 5:12

Biadugan ki lëdë bia bëben abë mina, biavë mina hë afola yë na mibò enguṅ ai bia, asu yë na mibò enguṅ te abë e bod babò enguṅ hë a miṅyene, tègè dzò bò a nnëm.

Galati 3:29

Ngë miawoge ai Kristus, kë minë hm mvòṅ Abraham, bòn bë elig, anë ngaga yayi.

1Yoh 4:6

Bia biawoge ai Zamba; e nyò ayëm Zamba awog bia. E nyò awoge ki ai Zamba awog ki bia. Nala ngò biayëm Nsisim bëbëla ai nsisim mëdugan.