2Kor 10:1 - MKPAMAṄ AMVOE Nouveau Testament en langue Ewondo 2012

¹ Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 10:1 Iomraidhean Croise

Mt 11:29

Bëëgan efanga dzama, miyègè fë abë ma na mënë evovoe ai edzòdi nyòl, eyòṅ te miayi bi awaè asu enyiṅ dzaan.

Mt 21:5

Kadan ngòn Sion na: Yënë, nkukuma woe azu wa a zen, anë edzòdi nyòl, abëdë ozele ai mòn a mvus, tsid mimbëgë.

Bisye bi Apostel 8:32

Aboda ntilan angabë alaṅa angabë na: Bëngakë ai nyè hë anë ntomba ya bakë tsig; anë evol anë e man ntomba atëlë e mod atsig nyè mimvòd osu; nala, nyè të yaè anyu die. Amu enyiṅ dzie evaaban ya a si.

Roma 10:20

Isaias nyè akë kë osu, nyè na: E bod bambë dzëṅë ki ma bëyen ya ma, E ba basiligi ki ma, mëkuli bò mamen a ngëëṅ.

Roma 12:1

A babëdzaṅ, makogëlan ai mina, a ngòl Zamba, na mituni Zamba nyòl dzaan anë abëṅ mëtunëṅa mëvëë; olugu waan ya nsisim nyòlò.

Roma 15:15

Dzam da, mëtil mina ai kiṅ mvam a mëboda mëziṅ na mëdugan mina dò tsog, ai e maa Zamba angavë ma

1Kor 2:3

Mfag wama, mëngasò abë mina mëtoa ntëgan, mëkònò wòṅ, mënyaman fë abui,

1Kor 4:10

Bia binë mëkud asu Kristus, mina mitoa mimfëfëg abë Kristus. Bia binë ndëtëg bod, mina biwolo, mina ha mimfaṅ mi bod, bia zëzë bod.

1Kor 4:21

Dze hm miayi? Yë mëzu ai nkas, yë mëzu ai nnëm ediṅ a i evovoe?

2Kor 10:10

Amu bod bëziṅ badzo na: 'Bëkalara boe bënë ai fim, ai ngul, eyòṅ emen atëlë bia a mis, hë ntëgan ntëgan, nkòbò woe tègè ai ndòṅ.'

2Kor 10:2

Makogëlan ai mina na eyòṅ mayi sò, të mabò ayòg akyaè mayi bò ai bod bëziṅ ya badzo na bianyiṅ të hë enyiṅ si.

2Kor 10:7

Bëbëgan e dzi etële mina osu. Ngë mod ziṅ ayëm na awoge ai Kristus, atoan hm bindi na, akyaè ya awoge ai Kristus, nala ngò fë bia biawoge ai Kristus.

2Kor 11:21

Madzo dò mëwogo osòn, amu bia bingabò atëg. Ngë mod anë dzam lëdë nyòl, matam fò kòbò anë akud, ma fë mabò dò enguṅ.

2Kor 11:30

Ngë mayean bò enguṅ, mayean bò enguṅ ai eyòṅ mëngabë ntëgan.

2Kor 12:5

Mabò enguṅ a su mod te, mabò ki enguṅ a su mamen, ngë së ki a bivus biama.

2Kor 3:12

Mbol hm bibëlë kan afidi te, ndò bianyiṅ ai abui azombo,

2Kor 5:20

Ndò hm binë bëbëgë bë foe asu Kristus, Zamba akòbògò a anyu daan. Biakogëlan ai mina a dzoe Kristus: ladan ai Zamba.

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

2Kor 7:4

Mëbëlë abui afidi ai mina, mëbòò fë enguṅ ai mina. Mëngadzie ya ai evòli, mëfuguzu ai mintag a ndzug waan osë.

Galati 4:13

Miayëm na mëngakad mina mbëmbë foe eyòṅ osu etòm okòn.

Galati 5:2

Ma Paulus, makad mina na ngë bëkele mina, Kristus ayi ki bò ai mina mfi ziṅ.

Ef 3:1

Asu te, ma Paulus, man mimbog Kristus Yesus asu mina bëhaiden,

Ef 4:1

Makogëlan hm ai mina, ma, man mimbog, abë Nti, na minyiṅ ai dzin nloe bëngaloe mina,

Filipi 4:5

Bod bësë bayean yëm fin dzaan. Nti antoa ya babi.

Kolosi 1:23

ngë milaṅan a kpiim a ṅyëbë tègè tigibi, tègè fëṅëlan a afidi mbëmbë foe mingawog, a bëngakad a ekokoma esë ya enë a si, mbëmbë foe te hm ma Paulus masye.

2Tes 3:17

Mësugan mënë ntilan ai wò wama, ma Paulus. Ndëm ya e kalara osë matil nyi. Na ngò matil.

Filemon 1:19

Mamen Paulus, a matil ai wò wama, ma mayi wa yaan. Mayi ki laṅ hala na obëlë ma ekola ya enë wamen.

Filemon 1:9

mazombo kogëlan ai wa, asu ediṅ, akyaè mënë nnom di, ma Paulus, mëtoa man mimbog Kristus Yesus.

Petrus osu 2:11

A mindindiṅ miama, makogëlan ai mina anë bëdzin ai batòbò nnam na, misaala miṅyian mi nyòl a mialuman ai nsisim waan.

Ekuli-mam 1:9

Mamen Yohannes, manyaṅ waan, a mëngabi ngab fufulu ai mina a mindzug ai a edzoe, ai a azombo abë Yesus, mëngabë a elon baloe na Patmos, etòm ebug Zamba ai mbòòlan ya mabòòlò Yesus.