2Kor 1:22 - MKPAMAṄ AMVOE Nouveau Testament en langue Ewondo 2012

²² ṅnyè abò bia tiga, avëë bia eban Nsisim a minnëm.

2Kor 1:22 Iomraidhean Croise

Yohannes 3:33

E nyò ayëbë mbòòlan woe, amëm na Zamba anë sosoo.

Yohannes 6:27

Syean e mbaṅëla andaman kig, hë atòbògò fò akui a enyiṅ kòm, a mòn mod ayi mina vë. Amu yë na, ṅnyè esya angakomodo.

Roma 4:11

Ndò hm anganòṅ ndëm akële anë tiga mëkyëbë ai ṅyëbë osusua akële, asu yë na nyè abò esya e ba bësë bayëbë, bëtoa tegè ai nkëlan, asu yë na nala olaṅëban fë bò na bakyëbë,

Roma 8:23

Së hm ki hë nala, dzam da, bia bëben bibëlë bifaè bi osu ya abë Mfufub Nsisim, bia bëben biatad a minnëm etere biyanga na bibò bòn bë Zamba, ai akode nyòl dzaan.

Roma 8:9

Mina, miasëki bod bë nyòl, minë bod ya nsisim ngë nsisim Zamba otoa abë mina. Ngë mod ziṅ abëlë ki nsisim Kristus, e nyòlò te awoge ki ai nyè.

2Kor 5:5

E nyò angakomëzan bia asu dzam te anë Zamba, ṅnyè avë bia eban Nsisim.

Ef 4:30

Ndò fë të miabò na Mfufub Nsisim Zamba owog olun, abë nyè ngò bëngalig mina ndëm a nyòl asu amos akode.

1Tes 4:8

Asu te, e mod abyandi dò, së ki mod ṅnyè abyandi, abyandi e Zamba ya avë bia Mfufub Nsisim woe.

2Tim 2:19

Tò të nala, ngul ya tin mfim Zamba etëlë, ebëlë e ndëm nyi na: Nti ayëm e bod boe, ai na e mod osë aloe dzoe Nti asaala nkòt.

Ekuli-mam 2:17

E nyò abëlë mëlò, awogo e dzam Nsisim wakad mënda më Zamba. Mayi vë zingi e manna asòlò, mayi fë nyè vë man ngòg afumu, mkpamaṅ dzoe ya mod ziṅ mfë ayëm ki, sësala hë e nyò anòṅ dzò, atoa ntilan a man ngòg te.

Ekuli-mam 7:3

nyè na: Të miabò tò si, tò maṅ tò ele abe, akëlë kui anë biayi fudi bësye bë Zamba waan ndëm a mvòm asu.

Ekuli-mam 9:4

Ndò bëngakad bò na të babò kye ngë elòg ngë ele ziṅ abe, bëbò hë e bod babëlë ki ndëm Zamba a mvòm asu abe.