1Yoh 4:9 - MKPAMAṄ AMVOE Nouveau Testament en langue Ewondo 2012

⁹ Ediṅ Zamba engakulan abë bia na Zamba angalom mbaṅ mòn woe a si-ndon na bibi enyiṅ abë nyè.

1Yoh 4:9 Iomraidhean Croise

Mk 12:6

Hala aligi ya va hë ai mbòg, hë mbaṅ mòn woe. Ndò akëan nyè bò lom, adzoo na: Bayi kòn mòn wama wòṅ.

Lk 4:18

Nsisim Nti onë ai ma, amu angawòbò ma mbòn na mëkad mimbubua mbëmbë foe; angalom ma na mëbende mimbog na basoeban, ai mindidim na bayen, mësoe bò fili,

Yohannes 10:10

Ṅwuwub wazu hë asu yë na wadzib, owoe, ondaman fë. Ma mëngasò asu yë na bëbi enyiṅ, bëbi dzò ntud ntud.

Yohannes 14:6

Yesus nyè ai nyè na: Ma mënë zen, mëtoa bëbëla, mëtoa enyiṅ. Mod ziṅ azu ki abë Tara së na alod abë ma.

Yohannes 3:16

Amu yë na, Zamba angadiṅ si-ndon e kan yë na avëë mbaṅ mòn woe, asu yë na e nyò osë ayebë nyè, abë kë a ndzaṅ, hë da abëlë enyiṅ kòm.

Yohannes 3:18

E nyò ayëbë nyè, atëbë ki a nkat. E nyò ayëbë ki nyè, atëbë ya a nkat, amu andzëki ṅyëbë dzoe mbaṅ mòn Zamba.

Yohannes 5:23

asu yë na bod bësë bëkam mòn anë bakam esya. E mod akam ki mòn, akam ki tò esya ya angalom nyè.

Yohannes 6:29

Yesus nyè ai bò na: Esye Zamba enë na, miyëbë e nyò emen angalom.

Yohannes 6:51

Ma mënë mbaṅëla avëë ya asò a yob. Ngë mod adi mbaṅëla te, ayi nyiṅ kole, ndò fë mbaṅëla mayi vë anë nyòl dzama asu enyiṅ si-ndon.

Yohannes 6:57

E kan e Tara ya avëë angalom ma, ma mënyiṅi fë hë etòm Tara, e mod adi ma, ṅnyè ayi nyiṅ etòm dzama.

Yohannes 8:29

Ndò fë, e mod angalom ma anë ai ma; andzëki ma lig etam, amu mabò e dzi yanyëb nyè a nnëm kòm esë.

Yohannes 8:42

Yesus nyè ai bò na: Ngë Zamba atoa esya waan, ngë miadiṅ ma, amu mëngasò abë Zamba, ndò fë madugan we. Amu, mandzëki sòṅ ai mamen, ṅnyè angalom ma.

Yohannes 9:3

Yesus nyè na: tò nyè, tò bëbonde boe, mod andzëki sëm; anë fò hë asu yë na mimboan mi Zamba mikulan a ngëëṅ a bë nyè.

Roma 8:32

Emen nyè andzëki kaman ai mòn woe emen, ndò angakab kab nyè asu bia bësë. Eyë ayi bia bò të vë byem bisë abë nyè ya?

Ebrea 1:5

Za ya a benglès Zamba angadzo ya ai nyè na: Wa, onë mòn wama, mamen mëhë bye wa ana? ai na: Mayi bò esya woe, wa obò fë mòn wama?

1Yoh 3:16

Eyë hm bingayëm ediṅ na: Angavë enyiṅ dzie asu daan. Ndò bia biayean vë enyiṅ dzaan asu babëdzan.

1Yoh 4:10

Ediṅ yasëki na bingadiṅ Zamba. Dzam da na ṅnyè angadiṅ bia, ndò angalom mòn woe na abò metunëṅa asu minsëm mian.

1Yoh 4:16

Bia bingayëm dò, ndò fë bingayebe ediṅ ya Zamba abëlë asu daan. Zamba anë ediṅ, ndò e nyò atoa a ediṅ, atoa abë Zamba ndò fë Zamba atoa abë nyè.

1Yoh 5:11

Ndò mbòòlan onë na Zamba angavë bia enyiṅ kòm, ndò enyiṅ te enë abë mòn woe.

1Yoh 5:13

Matil mina e mam ma asu yë na miyëm na mibëlë enyiṅ kòm, mina ya miayëbë dzoe mòn Zamba.