1Yoh 4:7 - MKPAMAṄ AMVOE Nouveau Testament en langue Ewondo 2012

⁷ A mindindiṅ miama, ṅdiṅan bia bia, amu ediṅ yasò abë Zamba, ndò e mod osë adiṅ anë mbyalan abë Zamba ndò fë adiṅ Zamba.

1Yoh 4:7 Iomraidhean Croise

Yohannes 13:34

Mavë mina mkpamaṅ mvende, na midiṅan mina mina, akyaè ya mëngadiṅ mina, asu yë na mina midiṅan fë mina mina.

Yohannes 17:3

Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

1Kor 8:3

Ngë mod ziṅ adiṅ Zamba, Zamba ayëm mod te.

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

Galati 4:9

Eyòṅ dzi hm, miyëm ya Zamba, abadan, afëdan, Zamba ayëm ya mina; eyë miadugan kë a byem binë tègè ai ngul, hë mëbua, na miadugan biè sye eyòṅ efë ya?

Galati 5:22

Bibuma bi nsisim binë na: ediṅ, mintag, mvoè, fin, abëṅ-nnëm, afu-nnëm, ṅyëbë,

2Tim 1:7

Amu Zamba andzëki bia vë Nsisim wòṅ, angavë bia Nsisim ngul, ai ediṅ a i otëtëg.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

1Yoh 2:10

E nyò adiṅ manyaṅ anë a mfyè, ndò fë asëki dzam bò na mod mfë asëm.

1Yoh 2:29

Ngë miayëm na anë sosoo, miayëm fë na e nyò osë abò sosoo anë mbyalan abë nyè.

1Yoh 2:3

Na hm ngò biayëm na bingayëm nyè: ngë biabaala mëmvende moe.

1Yoh 2:4

E nyò adzo na: 'mëngayëm nyè', dzam da të baala mëmvende moe, anë mod-minnal, ndò fë bëbëla asëki abë e nyòlò te.

1Yoh 2:7

A mindindiṅ miama, matil ki mina mkpamaṅ mvende, matil mina nnomo mvende ya miakad ya sòṅ miabi atarigi a mëtari. Nnomo mvende onë ebug ya mingawog.

1Yoh 3:9

E nyò osë angabyali abë Zamba abò ki nsëm, amu mvòṅ dzie etoa abë nyè, ndò asëki dzam sëm, amu angabyali abë Zamba.

1Yoh 4:11

A mindindiṅ miama, ngë Zamba angadiṅ bia e kan nyi, bia fë biayean diṅan bia bia.

1Yoh 4:12

Mod ziṅ abë ya ki yen Zamba. Ngë biadiṅan bia bia, Zamba alaṅan abë bia, ndò fë ediṅ dzie enë fò abë bia mfaṅ.

1Yoh 4:16

Bia bingayëm dò, ndò fë bingayebe ediṅ ya Zamba abëlë asu daan. Zamba anë ediṅ, ndò e nyò atoa a ediṅ, atoa abë Zamba ndò fë Zamba atoa abë nyè.

1Yoh 4:20

Ngë mod ziṅ adzo na «Madiṅ Zamba», dzam da asiṅi manyaṅ, mod te anë mod-minnal. Amu e nyòb adiṅ ki e manyaṅ woe ya ayen asëki dzam diṅ e Zamba ya andzëki yen.

1Yoh 4:8

E nyò adiṅ ki andzëki yëm Zamba, amu Zamba anë ediṅ.

1Yoh 5:1

E mod ose ayëbë na Yesus anë Kristus anë mbyalan abë Zamba, ndò fë e mod osë adiṅ mbonde adiṅ fë e nyò angabyali abë nyè.

2Yoh 1:5

Ndò hm etoa dzi, masili wa, a mininga, matil ki wa mkpamaṅ mvende, matil wa e mvende bingabi atarigi a mëtari na bidiṅan bia bia.