1Yoh 4:6 - MKPAMAṄ AMVOE Nouveau Testament en langue Ewondo 2012

⁶ Bia biawoge ai Zamba; e nyò ayëm Zamba awog bia. E nyò awoge ki ai Zamba awog ki bia. Nala ngò biayëm Nsisim bëbëla ai nsisim mëdugan.

1Yoh 4:6 Iomraidhean Croise

Lk 10:22

Tara angavë ma dzom esë, ndò fë mod ziṅ ayëm ki mòn, ngë së ki esya; mod ziṅ ayëm ki tara, ngë së ki mòn ai e mod mòn ayi na akulan dò.

Yohannes 10:16

Ndò fë mëbëlë mintomba mifë ya miasëki a efòg dzi. Mayean wulu ai e mili mite, miayi wog kiṅ dzama, ndò miayi bò esamba dzia, ṅnòni mbòg.

Yohannes 10:27

Mintomba miama miawog kiṅ dzama; mayëm miè, ndò fë miabie ma,

Yohannes 10:3

Mbaala mbè ayaè nyè, mintomba miawog kiṅ dzie, ndò aloe mintomba mie a dzoe, angalëdë miè zen a nsëṅ.

Yohannes 13:20

Makad mina bëbëla na, e mod abëlan ai e nyò malom, ma abëlan ai nyè; e nyò hm abëlan ai ma, abëlan ai e nyò angalom ma.

Yohannes 14:17

nsisim bëbëla, a si-ndon yasëki dzam nòṅ, amu yayen ki nyè, të nyè yëm. Mina miayëm nyè, amu alaṅan abë mina, ndò fë ayi tòbò ai mina.

Yohannes 15:26

Eyòṅ nkè ya mayi mina lom abë tara ayi sò, nsisim bëbëla ya wayi sò abë tara, e nyòlò te ayi ma bòòlò.

Yohannes 16:13

Eyòṅ hm e nyòli ayi sò, nsisim bëbëla, ayi mina lëdë zen a bëbëla osë. Amu ayi ki kòbò ai emen, dzam da, e ma mësë ayi wog, ayi mò kòbò, ndò fë ayi mina bende e mam mayi sò.

Yohannes 18:37

Pilatus nyè ai nyè na: Ndë onë hm nkukuma a? Yesus nyè na: Ndò wadzo dili na mënë nkukuma. Mëngabyali etòm te, ndò fë mëngasò a si asu yë na mabòòlò bëbëla. Enyò osë asò a bëbëla awog kiṅ dzama.

Yohannes 20:21

Yesus adugan dzo ai bò na: Mvoè ai mina. E kan tara angalom ma, nala ngò hm fë malom mina.

Yohannes 8:19

Ndò bakad nyè na: Esoa anë ve? Yesus nyè na: Tò ma, tò Tara, miayëm ki. Ngë miyëmë ma, ngë miayëm fë Tara.

Yohannes 8:23

Nyè ai bò na: Mina, minë bod ya si, ma, mod ya yob. Mina, minë bod ya e si-ndon nyi, ma, masëki mod ya e si-ndon nyi.

Roma 1:1

Ma , Paulus, olò Yesus Kristus, mëloeban na mëbò man apostel, mëtòbëban asu mbëmbë foe Zamba,

Roma 11:8

akyaè anë ntilan na: Zamba angavë bò nsisim oyò, avëë bò mis asu yë na të bayen, mëlò asu yë na të bawog, azaag kui a mos di.

1Kor 14:37

Ngë mod atsog na anë profet, ngë ki na abëlë bifaè bi Nsisim, alaṅa e mam matil mina, amu mënë mvende Nti.

2Kor 10:7

Bëbëgan e dzi etële mina osu. Ngë mod ziṅ ayëm na awoge ai Kristus, atoan hm bindi na, akyaè ya awoge ai Kristus, nala ngò fë bia biawoge ai Kristus.

2Tes 1:8

a nkabag ndoan, avaa e bod bayëm ki Zamba endëgëlë, ai e ba fë bandzëki bò mbëmbë foe Nti waan Yesus mëwog,

1Tim 4:1

Nsisim watoan ma kad na, a mëbog më mvua, bod bëvòg bayi ku a ṅyëbë, bëngabie minsisim mëdugan ai ayëgëlë bësatan,

Petrus bèè 3:2

asu yë na mitsog e mam mimfufub bëprofèt bëngatari kad ai mvende Nti, ai nkode waan a anyu apostel ban.

1Yoh 4:1

A mindidiṅ miama, te miayëbë nsisim osë, dzam da tsasan minsisim, miyëm ngë miasò abë Zamba; abui bëprofèt mëdugan bëngasò ya a si-ndon;

1Yoh 4:4

Mina miasò abë Zamba, a bòngò, ndò mingatègè bò amu e nyò anë abë mina alod e nyò anë a si-ndon.

1Yoh 4:8

E nyò adiṅ ki andzëki yëm Zamba, amu Zamba anë ediṅ.

1Yoh 5:19

Biayëm na biasò abë Zamba, ndò si-ndon esë enara a nsëm.

Yudas 1:17

Mfag waan, a mindindiṅ miama, miayean tsog e mam apostel bë Nti waan Yesus Kristus bëngatari kad.