1Yoh 3:8 - MKPAMAṄ AMVOE Nouveau Testament en langue Ewondo 2012

⁸ E nyò abò nsëm asò abë Satan, amu Satan azuzu ya asëm atarigi a mëtari. Asu te mòn Zamba angakulëban, na asole mimboan mi Satan.

1Yoh 3:8 Iomraidhean Croise

Mt 12:28

Hë da, ngë matsidan minsisim ai nsisim Zamba, edzoe Zamba ekui ya abë mina.

Mt 13:38

Afub anë si ndon; mbëmbë mvòṅ anë bòn bë edzoe. Mbë elòg anë bòn bë mbë nsisim.

Mt 4:3

Ndò mbobëlo azu dzo ai nyè na: Ngë onë mòn Zamba, dzoo na e ngòg nyi evëṅan bëmbaṅëla.

Mk 1:24

nyè na: Dze enë a zaṅ bia wa, a Yesus man Nazaret? Yë wasò na wazu bia mana? Mayëm wa, onë mfufubu ya abë Zamba.

Lk 10:18

Nyè ai bò na: Mëngayen anë Satan asòdan a yob anë zayaṅ.

Yohannes 12:31

Eyòṅ dzi, ntol e si nyi wazu tsigëban; etoa dzi, ndzoe ya e si nyi azu woaban a nsëṅ.

Yohannes 16:11

Asu nkat, mbol ndzoe e si-ndon nyi atsigëban ya ntol.

Yohannes 8:44

Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Roma 16:20

Zamba mvoè ayi fid Satan a mëkol man a si avol. Maa Nti waan Yesus abòòg ai mina.

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Kolosi 2:15

Angafadi mintomba ai bidzoe bikpëlë biaban, atele bò a ngëëṅ, ai azombo asë, atëgë bò a klos dzie.

1Tim 3:16

Ndimba olugu Zamba enë hm fò anen bëbëla: Akulan a ngëëṅ a minson, abii mëkyëbë a nsisim, ayene benglès, bëyedan nyè a bëhaiden, bëyëbë nyè a si-ndon, akëlë a yob a duma ete.

Ebrea 2:14

Mbol hm bòn bëbëlë ngab a mëki ai a minson, nyè fë angabi ngab ai bò dzam dëda, asu yë na, ai awu, andaman e nyò abëlë ngul awu, nala watyan na andaman Satan,

Ebrea 9:26

Ngë nala, ngë angabë ayean dzugi mintye abui biyòṅ, atarigi a mëtari më yob ai si. Ndò hm etoa dzi, akui a ngëëṅ eyòṅ dzidzia a zuli metin na avaè minsëm ai mëtunëṅa moe.

Petrus bèè 2:4

Amu ngë Zamba andzëki kaman ai benglès eyòṅ bëngasëm, dzam da ndò angawoa bò a ndoan kòm, avëë bò na bëbi bò a ebe ndoan akëlë kui a nkat,

1Yoh 1:2

-ndò enyiṅ engakulëban, ndò bingayen dzò; ndò hm biabòòlò bibendëge fë mina enyiṅ kòm ya engabë abë esya ndò engakulëban bia-

1Yoh 3:10

Bòn bë Zamba ai bòn bë Satan basëlan e dzam di na: E mod osë abò ki sosoo asò ki abë Zamba, tò fë e nyò adiṅ ki manyaṅ.

1Yoh 3:5

Ndò miayëm na e nyòlò te angakulëban asu yë na avaè minsëm, ndò nsëm osëki abë nyè.

1Yoh 5:19

Biayëm na biasò abë Zamba, ndò si-ndon esë enara a nsëm.

Yudas 1:6

E benglès ya bandzëki baala e hom edzoe waban, bëkodo a etòbògò dzaban, anganyie bò a ebe ndoan a si, asu nkat ya amos nen, bëtii a mësuṅ më kole.

Ekuli-mam 20:10

Ndò e Satan angadug bò angawoaban a etëtag ndoan ai sulfur e hom tsit afan ai profèt minnal bënë, bëngatibili bò tò ai alu, tò ai amos a bisëb bisëb.

Ekuli-mam 20:15

Ngë bandzëki kòb mod atoa ntilan a kalara enyiṅ, bawoa nyè a etëtag ndoan.