1Yoh 3:5 - MKPAMAṄ AMVOE Nouveau Testament en langue Ewondo 2012

⁵ Ndò miayëm na e nyòlò te angakulëban asu yë na avaè minsëm, ndò nsëm osëki abë nyè.

1Yoh 3:5 Iomraidhean Croise

Mt 1:21

Ayi bye mòn, oyolëge nyè dzoe na Yesus. Amu ṅnyè ayi kode ayòṅ die a minsëm miaban.

Lk 23:41

Mfa waan, biakyëbë ai akyaè di, amu biabi maan ya e mam bingabò. Nyè andzëki bò abe ziṅ.

Lk 23:47

Ayen ndzoe ntèd bëzimbi angayen e dzam angabò di, angalugu Zamba, nyè na: E mod nyò angabë fò sosoo mod bëbëla.

Yohannes 1:29

E kidi lende ya hala, ndò ayen Yesus azaag abë nyè, nyè na: Yënë ntomba Zamba ya wavaè minsëm ya si ndon.

Yohannes 1:31

Mamen mëmbë yëmë ki nyè, dzam da mëngazu du bod a mëndim asu yë na akulëban a Israel.

Yohannes 14:30

Mayi ki mina bad kad abui mam, amu ndzoe si-ndon azu. Abëlë ki ngul a nyòl dzama.

Yohannes 8:46

Za ya abë mina ayi ma tam sama etòm nsëm? Ngë makòbò bëbëla, asu dze miayëbë ki ma?

2Kor 5:21

E nyò angabë ayëmë ki nsëm, angabòban nsëm asu daan, asu yë na bia bivëṅan mëkyëbë më Zamba abë nyè.

1Tim 1:15

Ebug enë bëbëla, ndò fë yakyëbë ai na biyëbë dzò, na Kristus angasò a si-ndon na akode bësëm; ma mënë mod osu ya ete.

1Tim 3:16

Ndimba olugu Zamba enë hm fò anen bëbëla: Akulan a ngëëṅ a minson, abii mëkyëbë a nsisim, ayene benglès, bëyedan nyè a bëhaiden, bëyëbë nyè a si-ndon, akëlë a yob a duma ete.

Titus 2:14

ya angakaban asu daan, asu yë na akode bia a nkòt osë, ai na afubu nyè emen akyaè ayòṅ etam, a lamvaman ai mimbëmbë mi mam.

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 4:15

Amu biabëlë ki e fada-nen ya asëki dzam nòṅ ngab mintye a atëg daan, ṅnyie anë emen angayen mëbobëla anë bia, sësala hë a nsëm.

Ebrea 7:26

Amu e kan fada-nen nyi endzò fò bingabë kyëbëgë ai dzò: mod ngogëlan tègè ai mëdugan, tègè ai mvit a nyòl, tègè kalan dzom ai bësëm, amana lod yob asë.

Ebrea 9:26

Ngë nala, ngë angabë ayean dzugi mintye abui biyòṅ, atarigi a mëtari më yob ai si. Ndò hm etoa dzi, akui a ngëëṅ eyòṅ dzidzia a zuli metin na avaè minsëm ai mëtunëṅa moe.

Ebrea 9:28

nala ngò fë Kristus ya bëngatuni eyòṅ dzidzia ayi sò eyòṅ bèè, asu yë na avaè minsëm mi abui bod, së ki asu adzo minsëm; azu asu yë na akode e ba ya bayanga nyè mfaṅ.

Petrus osu 1:18

Miayëm na miandzëki kodeban a e zëzë enyiṅ mingabyali ai dzò, ai e byem biandaman, silba ai mvòt:

Petrus osu 1:20

Bëngatele nyè nala osusua akomo-lë yob ai si, dzam da angakulan a abog mvua asu daan.

Petrus osu 2:22

nyè andzëki bò nsëm, ndò fë bandzëki sòm mëdugan a anyu die,

Petrus osu 2:24

Emen ṅnyè angabëgë minsëm mian a nyòl dzie a ele, asu yë na biwu a minsëm, binyiṅ a mëkyëbë; A mëvëṅ moe ngò mingabò mvoè.

Petrus osu 3:18

Amu Kristus emen angabi mintye asu minsëm hë eyòṅ dzia, sosoo mod asu bod bë nkòt, asu yë na akë ai bia abë Zamba; bëngawoe nyè a nyòl, adugan bëlë enyiṅ a nsisim.

1Yoh 1:2

-ndò enyiṅ engakulëban, ndò bingayen dzò; ndò hm biabòòlò bibendëge fë mina enyiṅ kòm ya engabë abë esya ndò engakulëban bia-

1Yoh 1:7

Ngë biawulu a mfyè akyaè ya anë a mfyè, bibëlë ngab bia bia, ndò fë mëki më mòn woe Yesus mavaè bia mvit ya nsëm osë a nyòl.

1Yoh 2:1

A ban bòn bama, matil mina e mam ma asu yë na të miabad sëm. Ndò ki ngë mod ziṅ asëm, abëlë nkè abë esya; nkè te anë e Yesus Kristus ya anë sosoo.

1Yoh 2:2

Anë mëtunëṅa asu minsëm mian, së hm ki hë asu emian etam, anë fë mëtunëṅa asu minsëm mi si-ndon esë.

1Yoh 2:29

Ngë miayëm na anë sosoo, miayëm fë na e nyò osë abò sosoo anë mbyalan abë nyè.

1Yoh 3:8

E nyò abò nsëm asò abë Satan, amu Satan azuzu ya asëm atarigi a mëtari. Asu te mòn Zamba angakulëban, na asole mimboan mi Satan.

Ekuli-mam 1:5

ai abë Yesus Kristus, wusnèt, mod-afidi, ntol bëwu ai ndzoe minkukuma ya si. E mod angadiṅ mina, atii mina a minsëm mian ai mëki moe,