1Yoh 3:2 - MKPAMAṄ AMVOE Nouveau Testament en langue Ewondo 2012

² A mindindiṅ miama, etoa dzi, binë bòn bë Zamba, hë da e dzom biayi bò yabë ki kulan. Biayëm na eyòn yayi kulëban, biayi bò anë nyè, amu biayi nyè yen akyaè anë.

1Yoh 3:2 Iomraidhean Croise

Mt 5:8

Bësombòg mvòm, e ba bënë nnëm mfuban, Amu bayi yen Zamba.

Lk 17:30

Nala ngò fë wayi bò amos ya mòn mod ayi kulan.

Lk 20:36

Amu basëki fë dzam dugan wu, amu bënë anë benglès; mbol bënë bòn bë akui-lë sòṅ, bënë bòn bë Zamba.

Yohannes 1:12

Eba bësë ya bëngasoan ai nyè, a bëngayëbë a dzoe die, angavë bò ngul ya avëṅan bòn bë Zamba,

Yohannes 11:52

së hm ki hë asu mëyòṅ; asu fë yë na, e bòn bë Zamba bënë ntsaman, akoan bò dzom dzia.

Yohannes 17:24

A Tara, e dzi ongavë ma, mayi na, e hom mënë, bò fë bëtòbò ai ma, asu yë na bëyen e duma dama ya ongavë ma, amu ongadiṅ ma osusua akomo-lë-yob ai si.

Roma 8:16

Nsisim te oben ngò wabòòlò a nnëm waan na binë bòn bë Zamba.

Roma 8:18

Mayen na mintye ya abog binë di miavëgan ki ai e duma layi kulan a ngëëṅ a bë bia.

Roma 8:19

Amu bikokoma bisë biayanga abui na biayen anë bòn bë Zamba bayene a ngëëṅ.

Roma 8:29

Amu e ba angatari yëm osusua, atele fë bò na bëfulan ai mòn woe, asu yë na abò ntol mòn a zaṅa bui babënyaṅ.

1Kor 13:12

Etoa dzi, mayëm hë etun; a mvus mayi toan yëm akyaè ya Zamba ayëm ma.

1Kor 15:49

E kan ya bingabëgë evëgëlë mbòdòg, nala ngò fë biayi bëge evëgëlë ya yob.

1Kor 2:9

Dzam da, hë mbol anë ntilan na: E mam ya dis andzëki yen, alò të wog, e dzi yabë ki lod mod a nlo, e bi ya Zamba angakomëzan e ba badiṅ nyè.

2Kor 3:18

Bia bësë, tègè ai eyie a mësu, biayen duma Nti, bitsende, bintoa evëgëlë dzie, bisòò a duma bikëlë a duma, amu Nti ya anë Nsisim ṅnyè abò dò.

2Kor 4:17

Amu e man zëzë ndzug ya etoa dzi akomëzan bia mod olugu kole,

Galati 3:26

Amu mina bësë minë bòn bë Zamba asu ṅyëbë ya abë Kristus Yesus.

Galati 4:6

Asu te minë bòn; Zamba angalom Nsisim mòn woe a minnëm mian, a wadzo na Abba, a Tara.

Filipi 3:21

ṅnyè ayi tsende obobòd nyòl vi na ofulan ai nyòl duma dzie, ai e ngul abëlë na atëgë byem bisë.

Kolosi 3:4

Eyòṅ Kristus ayi kui a ngëëṅ, ṅnyè anë enyiṅ dzaan, abog te mina fë miayi kui a ngëëṅ ai nyè a duma.

Ebrea 9:28

nala ngò fë Kristus ya bëngatuni eyòṅ dzidzia ayi sò eyòṅ bèè, asu yë na avaè minsëm mi abui bod, së ki asu adzo minsëm; azu asu yë na akode e ba ya bayanga nyè mfaṅ.

Petrus bèè 1:4

etere ngò mimfaṅ mi ngaga ya minë mfi abui mingavëëban bia, asu yë na, etere, mibi ngab a azamba, mitub eboe enë a si-ndon etòm bëbe miṅyian.

1Yoh 2:28

Etoa dzi hm a bòngò, laṅan abë nyè asu yë na, eyòṅ ayi kulëban, bibëlë azombo, bibò te bi osama a asò-lë die.

1Yoh 2:7

A mindindiṅ miama, matil ki mina mkpamaṅ mvende, matil mina nnomo mvende ya miakad ya sòṅ miabi atarigi a mëtari. Nnomo mvende onë ebug ya mingawog.

1Yoh 3:1

Yënan e kan ediṅ tara angavë bia, na bëloe bia na bòn bë Zamba, ndò fë binë bòn bë Zamba nala bëbëla. Asu te si-ndon yayëm ki bia, amu yandzëki nyè yëm.

1Yoh 3:10

Bòn bë Zamba ai bòn bë Satan basëlan e dzam di na: E mod osë abò ki sosoo asò ki abë Zamba, tò fë e nyò adiṅ ki manyaṅ.

1Yoh 3:21

A mindindiṅ miama, ngë minnëm mian miandzëki bia kpèè a nkat, bibëlë afidi abë Zamba,

1Yoh 5:1

E mod ose ayëbë na Yesus anë Kristus anë mbyalan abë Zamba, ndò fë e mod osë adiṅ mbonde adiṅ fë e nyò angabyali abë nyè.

Ekuli-mam 2:28

akyaè ya mamen mënganòṅ abë tara, ndò mayi nyè vë otitie kidi.

Ekuli-mam 22:4

abog te bayi yen asu die, dzoe die atoa bò a mvòm-asu.