1Tim 6:9 - MKPAMAṄ AMVOE Nouveau Testament en langue Ewondo 2012

⁹ E bod bayi na bakag akuma, baku a mëbobëla ai mëlam, bëntoa tègè fë ai nnëm a abum, bënë bëbò bë abe etòm abui miṅyian daban; mam mëte matindi bod a ndzaṅ ai a amala.

1Tim 6:9 Iomraidhean Croise

Mt 13:22

E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma.

Mt 19:22

Awog ndoman mod engawog nkòbò vi, ndò angakë ai olun a nnëm, amu angabë nkukuma mod.

Mt 26:15

nyè na: Miayi ma vë dze, asu yë na mëkuan ai mina nyè? Ndò bëngayili minsaṅ mi mòni mëwom mëlè.

Mt 6:19

Të miakoan akuma a si-ndon, mfa bibibian ai miëngëlë biandaman biè, ai mfa miṅwuwub miabug, midzibi.

Mk 4:19

bëngasaṅan ai mam më si, ndòg akuma ai mëyaṅan mësë mëvòg bidzie bò a nnëm, ebug të wum bibuma.

Lk 12:21

Nala ngò anë ai e nyò osë akag akuma asu die emen, të dò kag abë Zamba.

Lk 21:35

hë anë olam. Amu wayi ku e bod bësë bëtoa a si-ndon esë a yob.

Bisye bi Apostel 8:20

Petrus nyè ai nyè na: Ai wamen ai mòni woe, mimana ki ana, mbol wadzo na wakus efaè Zamba ai mòni!

Ef 4:22

na mivaè nnomo modo ya enyiṅ dzaan ya okoba, nnomo modo ya anë ṅwuan a mintsogan mi nsëm,

1Tim 1:9

Mbol biayëm mbëṅ na mvende esëki hala asu sosoo mod, enë asu bod bë nkòt, bod mëlò, eba balugu ki Zamba, ai bësëm, eba bayëm ki adzo Zamba ngë edi latyan ai nyè, a bawoe besya baban ai bënyia baban, bëwoe bë bod,

1Tim 3:7

Bod ya nsëṅ bayean tsig na akyëbë ai dò, azaa ku a bidzo biaban, nala onë na, a mëlam më Satan.

1Tim 6:10

Tin abe asë enë ediṅ mòni, bod bëvòg ya bënë ete bëngalum ya ṅyëbë mvus, bëmana fë babi mëvëṅ eyëgan.

1Tim 6:17

Bendëge e bod bënë minkukuma e si-ndon nyi na të babò mëbun, ngë ki na bëfudi afidi daban a akuma ndon, bëfudigi dò abë Zamba ya avë bia bisë abui abui na bitag ai biè.

2Tim 2:26

bëngadugan kë sòṅ a mëlam më Satan a mvus yë na angabi ya bò na bëbò ṅyian woe.

Titus 2:12

ayëgëlë bia, asu yë na bitam dzoge tëb Zamba etòm miṅyian mi si, bizu hm nyiṅ evovoe, ai sosoo, ai fulu ngogëlan e si nyi,

Petrus bèè 2:3

a ndòg a yob, bayi dian ai mina ai e mam batye a nlo. Nkat waban wazuzu ya wabò esye, ndò fë amala daban lakë ki oyò.

Yudas 1:11

Amala ai bò, amu bëngawulu a zen Kain, asu ndòg akuma ndò batoṅ evus Balaam, bëngawu a mëlò më Korah.