1Tim 6:4 - MKPAMAṄ AMVOE Nouveau Testament en langue Ewondo 2012

⁴ mod te anë akud, ayëm ki dzom, adzëṅ hë minsili ai moman, ete ngò e mam ma masò na: mëkomëṅa, zuṅa, bikag, bëbe mintsogan ai e mod mbòg,

1Tim 6:4 Iomraidhean Croise

Bisye bi Apostel 15:2

Abui moman ai minkòbò bibolan a zaṅ Paulus ban Barnabas ai bò, ndò bayili na Paulus ai Barnabas ai bod bëfë ya abë bò bëbed a apostel ai bënyia-bod-mvia a Yerusalem asu adzo te.

Bisye bi Apostel 18:15

ngë etòm enë asu ayëgëlë ai moe, ai mvende dzaan, mina bëben yenan. Mayi ki bò ntsigi ntol e mam mala.

Bisye bi Apostel 8:9

Mod ziṅ hala, dzoe na Simun, hala atari ya bò mëngaṅ a tisòn te ha, bod ya Samaria bëngakam, mod te nyè na anë mfaṅ mod,

Roma 12:16

Boan kiṅa zaṅ mina mina, të daṅ yag ai e mam mënë a yob abui, midzëṅë e mam mënë edzòdi-nyòl. Të miadaṅ kë kud ongon.

Roma 13:13

Wulugan tëtëlë anë biawulu ai amos, tègè ai abui ndian ngë mënyu, tègè ai adzo bibòn ngë ebamba, tègè ai zuṅa ngë mëkomga,

Roma 14:1

Nòṅan e mod ṅyëbë woe onë ntëgan ai osësa, tègè daṅ a kë mialaṅëdan.

Roma 2:8

e ba ki badzëṅ hë mfi waban, bëbyandigi bëbëla, bënada a mbë-nnëm, mbò ayi vë olun ai ayòg.

1Kor 11:16

Ngë mod ziṅ atsog na anë dzam laṅëdan adzo di, ma makad mina na tò bia, tò mënda më Zamba mabëlë ki fulu te.

1Kor 11:18

Amu, e di osu, eyòṅ miakoan a nda-Zamba, mawog na minë ngam ngam. Ndò mayëbë të adzo te nala.

1Kor 3:18

Të mod ziṅ adug emen. Ngë mod ziṅ atsog na anë fëg abë mina hala e si-ndon nyi, abòò akud, asu yë na azu bò mfëfëg.

1Kor 3:3

amu mingënë bod bë nyòl. Amu, ntye ya zuṅa ai esuṅu minkoṅ bingënë a zaṅ dzaan, nga mingënë bod bë nyòl, miwulugu fë hë anë bod batsog?

2Kor 11:20

Amu miadzibi ngë mod atibili mina, ngë mod adian ai mina, ngë mod afadi mina dzom, ngë mod adzib mina dzom a mëkëṅ, ngë mod abimi mina a amaṅ.

Galati 5:15

Ngë mialoban, midian mina mina, mikalëga na mizaa mana dzëan mina mina.

Galati 5:26

Të biabò mëbun, të biatsaan bia bia, të nyie olun a nnëm a bia bia.

Galati 6:3

Ngë mod atsog na anë dzom ziṅ, ndë asëki dzò, adug emen.

Filipi 1:15

Bëvòg ya ete bayedan Kristus asu zuṅa ai ziṅ, e ba bëvòg asu mbëmbë ṅyian.

Filipi 2:14

Boan mam mësë tègè ai minaṅëdan ngë mimfèt,

Filipi 2:3

mod tègè dzëṅ mfi woe emen, tègè dzëṅ engëlzëg, dzam da, ai edzòdi-nyòl, telegan e bod bëvòg osu, bëlodo mina;

Kolosi 2:18

Të mod azu mina tele a mgbag ai mbol ayag ai edzòdi nyòl, ai olugu benglès, adzëṅë hë e mam angayen, atoa ndzalan ai evoe mëbun ya mintsogan mi nyòl mie,

2Tes 2:4

ṅnyè aluman, abedëge fë nlo a e dzom esë baloe na zamba ngë a dzom olugu, e kan yë na emen akë tòbò a tempel Zamba, angadzo na emen anë Zamba.

1Tim 1:4

tò ki na bëdzèè abog daban ai minaṅ mi mvèt, ai alaṅ mëbyali tègè ai sug, byem bite biafòṅòlò hë bivoe mintsogan a bod, alodo e kan enyiṅ Zamba ayi a ṅyëbë.

1Tim 1:7

bëyii na babò bëyëgëlë bë mvende, bò ha të wog tò e dzam badzo, tò e mam bakòbò.

1Tim 3:6

Të abò mod ya andëmë nyian a ṅyëbë, aza kud ongon, akuu a ntol Satan.

2Tim 2:14

Otsogo bò e mam ma, otoan bò kad a ngëëṅ a mis më Zamba na të bawoman, nala wasëki ai mfi, nala wabò hë na e bod bawog mam mëte bëdzèè fëg.

2Tim 2:23

Osaala mintsogan mëkud, a miayëm ki dzom, oyëmë na kan mintsogan te yabye bitòm.

2Tim 3:4

bëkuan ai bod, enyënyam, mëbun, bëdiṅi mintag mi si mëyian yë na badiṅ Zamba.

Titus 3:9

Saala ntsogan akud, ai minlaṅ mëbonde mënda më bod, zuṅa ai bitòm asu mam më mvende; Amu masëki ai mfi ndò fë mënë dzëdzaa.

Yakobus 1:19

Yëman nala, a mindindiṅ mi babëdzaṅ. Mod osë abòò avol awog, atòṅ a kòbò, atòṅ a wog olun.

Petrus bèè 2:12

Hë da eba, hë anë e tsit ebëlë ki nlo, bikokoma bi nyòl ya bingabyali hë na babiban, bëwoe bò, bëmgbaligi e mam bayëm ki, bayi mana anë bò fë bamana.

Petrus bèè 2:18

Amu, eyòṅ bakòbò bivoe bi mam bi akud, ai miṅyian mi ebamba miaban ya nyòl fë, basòṅ bod ya bëndëm fò tub eba banyiṅ a ndimi.

Yudas 1:10

Dzam da e ba bamgbali e dzi esë bayëm ki, e byem ya bayëm nala tègè ai fëg anë tsit yabëlë ki nlo yayëm, etere ngò badzaṅ.

Yudas 1:16

Bod bëte mbò balòdan, bësaṅan; batoṅ hë miṅyian miaban, ndò fë anyu daban lakòbò minkòbò mi enguṅ, babòlan bod ai ezëzëk nkòbò.

Ekuli-mam 3:17

Mbol wadzo na: Mëbëlë akuma, ndò fë mazuzu ya mabò nkukuma, mayaṅan ki ai dzom ziṅ, dzam da wayëm ki na wa onë dzëdzaa, mbubua, ndindim ai nsò.