1Tim 6:18 - MKPAMAṄ AMVOE Nouveau Testament en langue Ewondo 2012

¹⁸ Bod bëte bëbòò mbëṅ, bëbulu bò mimbëmbë mi mam, bëbòò akab, bëbii fulu akab;

1Tim 6:18 Iomraidhean Croise

Mt 5:42

Ngë mod adzaè wa, vaa nyè, ngë adzaè wa ekola, të walum nyè mvus.

Lk 12:21

Nala ngò anë ai e nyò osë akag akuma asu die emen, të dò kag abë Zamba.

Lk 3:11

Nyè ai bò na: E mod abëlë biwòman bibè, avaag e nyò abëlë ki; e nyò ki abëlë bidi abòòg fë dzam dëda.

Bisye bi Apostel 10:38

akyaè ya Zamba angawòbò Yesus ya Nazaret mbòn ai Mfufub Nsisim, ai ngul; Yesus te ṅnyè akëlë abò mbëṅ, asye e bod bësë ya Satan angatëgë, mbol Zamba angabë ai nyè.

Bisye bi Apostel 11:29

Mfa ya bëyègè, bëtsigi na mod osë ya abë bò alom e babënyaṅ ya Yudea man dzom, anë mod a nkoṅ ngul woe.

Bisye bi Apostel 9:36

Mininga ziṅan gabë a Yopa, dzoe na Tabita, nala watyan na: Ngòn nkògò. Angabë abòò abui mimbëmbë mi mam, atoa fë akab abui.

Roma 12:13

mivòligi dzala miṅyian mimfufub, midzëṅë afaṅ.

Roma 12:8

ngë na avòli bod, angavòli bò. E mod abò akab, abò dò ai nnëm mòngò, e nyò anë ntëbë-osu, abò dò ai evag, e nyò ayen ngòl abò ai mintag.

1Kor 16:2

Amos osu ya sabbat osë, mod osë ya abë mina anyiege man dzom a nda, abim asë abëlë ngul, asu yë na të etogan mòni yabò eyòṅ mayi sò.

2Kor 8:12

Amu eyòṅ osësa onë hala, wayene mbëṅ ai abim ya mod abëlë, së ki abim abëlë ki.

2Kor 8:9

Amu miayëm maa Nti waan Yesus Kristus, mbol angavëṅan mëbua, atoa nkukuma, asu yë na mina fë mibi akuma mëbua te.

Galati 6:10

Ndò hm, ntye bibëlë abog, mboan bod bësë mbëṅ, adaṅ adaṅ a e ba ya mënda më bod më ṅyëbë.

Ef 4:28

Të ṅwuwub wabad dzib, anòṅò nòṅò ndzug ya asye ai mò moe, abò mbëṅ, asu yë na eyòṅ ambëlë ya ai mò, avë e mod anë a mëyaṅan.

1Tim 5:10

awumu ai mimbëmbë mimboan: ngë anganèè bòn, ngë angabëlan ai bëyëṅ mbëṅ, ngë angasob mimfufub mëkol, ngë angavòli e bod bëbëlë mindzug, ngë angamvaman ai abëṅ dzam asë.

Titus 2:14

ya angakaban asu daan, asu yë na akode bia a nkòt osë, ai na afubu nyè emen akyaè ayòṅ etam, a lamvaman ai mimbëmbë mi mam.

Titus 3:8

Ebug enë bëbëla; Mayi na matoan wa baala e mam ma, na e bod bëngafudi afidi daban abë Zamba bëdzëṅ na bëmvaman ai mimbëmbë mi mam. Mam mëte mënë mbëṅ, mëtoa fë ai mfi asu bod.

Ebrea 13:16

Të miavoan na mibò mbëṅ, mikab fë e byem mibëlë, amu kan mëtunëṅa te endzò yanyëb Zamba a nnëm.

Yakobus 2:5

Vogolan, a mindindiṅ mi babëdzaṅ. Së Zamba ṅnyè angatòb mimbubua ya si na mibò minkukuma a ṅyëbë a, ai na bëbi elig a edzoe angakag eba badiṅ nyè a?

Petrus osu 3:11

alumu bò mvus, abòò hë mbëṅ, adzëṅë mvoè, atoṅo dzò a zut.

1Yoh 3:17

E nyò abëlë byem bi mò abëbëgë e manyaṅ anë a mëyaṅan, afëdë nyè nnëm woe, eyë ediṅ Zamba enë dzam laṅan abë nyè ya?

3Yoh 1:11

A ndindiṅ wama, obë yègè e dzi enë abe. Yègè e dzi enë mbëṅ. E nyò abò mbëṅ a sò abë Zamba; e nyò abò abe andzëki yen Zamba.