1Tim 5:1 - MKPAMAṄ AMVOE Nouveau Testament en langue Ewondo 2012

¹ Të wakòṅan ai nyia-modo-mvia; vòligi nyè anë esoa, obëlan ai bëndoman anë babënyòṅ,

1Tim 5:1 Iomraidhean Croise

Mt 23:8

Mfa waan, të baloe mina na Rabbi, amu ṅyëgëlë waan anë hë mbòg, mina bësë mitoa babënyaṅ.

Bisye bi Apostel 14:23

Ndò bëngatòb bënyia-bod-mvia, anë e nda-Zamba nyili, bëngakogëlan, bëkii bidi, ndò bayome bò abë Nti ya bëngayëbë.

Bisye bi Apostel 15:4

Akui bëngakui a Yerusalem, ndò nda-Zamba yasoan ai bò, tò fë apostel ai bënyia-bod-mvia, bëngalèè e mam mësë Zamba abò ai bò.

Bisye bi Apostel 15:6

Apostel ai bënyia-bod-mvia bëkoan hm na batoan yen adzo te.

Bisye bi Apostel 20:17

Atoa a Miletus, ndò angalom loe bënyia-bod-mvia ya nda-Zamba a Efesi.

Roma 13:7

Yaan ai mod osë ekola dzie, miyaan toya ai e mod anë ai nyè, miyaan ntòlò abë e mod awoge ai nyè; e mod miayean kam, mingakam, e mod miayean lugu, mingalugu.

Galati 6:1

A babëdzaṅ, ngë bëhë dilan mod a evus ziṅ, mina bod bë nsisim, dugan tele mod te a zen ai nsisim evovoe; Obò okala na wamen oza kuu a mëbobëla.

1Tim 5:17

E bënyia-bodo ya babò esye dzaban mbëṅ bayean ai maan biyòṅ bibè, adaṅ adaṅ a e ba bawu esye ai ebug, ai ayëgëlë.

1Tim 5:2

obëlan ai bënyia bininga anë bënyoa, bëngòn anë bënyò bëkal a mfuban osë.

Titus 2:2

Okad minnom mi bod na të banyu mëyòg, bëbòò e bod bakam, evovoe, bëbëlë mfaṅ ṅyëbë, mfaṅ ediṅ, mfaṅ fin.

Titus 2:6

Dzam dëda, lëbë fë binanga na bëyëm ban nnëm

Yakobus 3:17

Fëg yasò a yob; e di osu, enë mfuban mfuban; a mvus hala, enë mvoè, evovoe, enë mëwog, enë ndzalan ai nnëm ngòl, ai mimbëmbë bibuma, tègè ai dzò ebom-kama, tègè ai dzò mëdugan.

Yakobus 5:14

Ngë mod ziṅ akòn abë mina, alomo loe bënyia-bodo-mvia ya nda-Zamba, bò bëkogëlan asu die, bëwòbò nyè mbòn a dzoe Nti.

Petrus osu 5:1

E ma fë mënë nyia-modo-mvia ai mbòòlò mintye mi Kristus, mëbëlë fë ngab a e duma layi kuli a ngëëṅ, makogëlan ai bënyia-bodo-mvia.

2Yoh 1:1

Ma nyia-modo-mvia, matil Mkpëgë Elòmò ai bòn boe ya madiṅ a bëbëla, së ki ma etam, dzam da e ba bësë bëngayëm bëbëla,

3Yoh 1:1

Ma nyia-modo-mvia, matil ndindiṅ wama Gaius ya madiṅ a bëbëla.

Ekuli-mam 4:4

Bitoa mintèd minyii bingabë etoa-ati edinga a nyòl; a bitoa mintèd minyii bi, minnom mi bod mitoa, mibëgë mimfum biwòman, bikada bi olugu bi mvòt a minlo a yob.