1Tim 4:6 - MKPAMAṄ AMVOE Nouveau Testament en langue Ewondo 2012

⁶ Ngë oyëgëlë babëdzaṅ e mam ma, wayi bò mbëmbë mbò-esye Kristus Yesus a bënganèè ai bibug bi ṅyëbë, ai mbëmbë ayëgëlë ya ongënë obiege a zut ana.

1Tim 4:6 Iomraidhean Croise

Mt 13:52

Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo.

Lk 1:3

ndò hm ma mëyen na anë mbëṅ na mëbie mam mëte mësë a zut atarigi a mëkèè mbëṅ mbëṅ ai evag esë, mëtil wa, a ndindiṅ Teofil,

Bisye bi Apostel 1:15

Mëlu mëte, ndò Petrus angatëbë a si a zaṅ babënyaṅ, (Nkunda bod ongabë nkoan hom mbòg ha dzam bò ntèd ai mëwom mëbè) nyè na:

Bisye bi Apostel 20:31

Asu te hm, mikalëga, mitsogo na, mimbu mimbu milè, mandzëki mina vòd lëb, ai bibëga a mis, mbombòg mbombòg.

Bisye bi Apostel 20:35

Mëngalëdë mina mvulna a dzom esë na eyòṅ mod wasye nala, wavòli mintèd, bitsogo hm fë bibug ya Nti Yesus angakòbò na: Anë maa abui, eyòṅ wavë alodo anë eyòṅ waanòṅ.

Roma 15:15

Dzam da, mëtil mina ai kiṅ mvam a mëboda mëziṅ na mëdugan mina dò tsog, ai e maa Zamba angavë ma

1Kor 4:17

Asu te malom mina Timoteus; anë ndindiṅ mòn afidi wama abë Nti, ṅnyè ayi mina dugan tsog mëzen mama abë Kristus Yesus, akyaè mayëgëlë hom osë a nda-Zamba esë.

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

2Kor 3:6

ṅnyè angatele bia na bibò bësye bë mkpamaṅ elad, së ki elad enë ntilan, edzi Nsisim. Amu ekanga ekanga ya kalara yawoe, Nsisim wavë enyiṅ.

2Kor 6:4

dzam da bialëdë bia bëben anë bësye bë Zamba, ai abui fin, a mindzug, a mëyaṅan, a wòṅ,

Ef 6:21

Asu yë na miyëm mbol mënë ai esye mabò, ndindiṅ madzaṅ Tukikos ya anë fë mbò-esye afidi abë Nti ayi mina mana kad,

Filipi 2:20

Mabëlë ki mod mfë anë nyè, ya anë dzam mvaman ai mina mfaṅ.

Filipi 2:22

Miayëm wò-esye woe, amu angasye ai ma fufulu asu mbëmbë foe anë mòn asye ai esya.

Filipi 3:16

E hom osë bikë ya kui, nkaṅan ai nala osu.

Kolosi 2:19

ndò alad ki ai nlo, ete ngò nyòl esë yatye, ai biwoṅa, ai mëtiṅ, ebëlë mësë, etoa fë nladan, enganaṅ anë Zamba adiṅ.

Kolosi 3:16

Ebug Kristus etòbògò abë mina abui, miyëgëlë, milëban fë mina mina ai fëg esë, a minnëm mian ai gratsia, miyiègè Zamba bia bi ongëmë, bia bi olugu, bia ya nsisim.

Kolosi 4:7

Tukikos, ndindiṅ madzaṅ, ai mbò esye afidi ai mvoe esye dzama abë Nti ayi mina mana lèè minlaṅ miama,

1Tes 3:2

ndò bingalom Timoteus, manyaṅ waan, asye fë ai Zamba fufulu a mbëmbë foe Kristus asu yë na awone mina, avòli fë mina a ṅyëbë waan,

1Tim 1:10

bod bisog, e fam yaboman bò bò, bëdzibi bod, bod minnal, bëkanëṅi sòṅ a mëdugan, bëbòò e mam mëfë maluman ai mfaṅ a yëgëlë,

1Tim 4:16

Otoan kala wamen ai ayëgëlë doe, oyëm ete a kpiim. Amu eyòṅ wabò nala, wayi kode wamen ai e bod bavogolo wa.

1Tim 6:3

Ngë mod ziṅ ayëgëlë mbol mfë tègè toṅ mimfaṅ bibug bi Nti waan Yesus Kristus ai ayëgëlë olugu Zamba a nten,

2Tim 1:6

Asu te madugan wa tsog na odugan yoṅolo efaè akab Zamba ya enë abë wa ai mbedan mò wama.

2Tim 3:10

Mfag woe, mbol ongatoan bie ayëgëlë dama, a fulu, a e dzi biatoṅ, a fin, a ediṅ, a azombo,

2Tim 4:3

Amu abog lazu, a bayi ki fë ṅyëbë mbëmbë ayëgëlë, dzam da mëlò mëyaaban bò, bayi wolo bëyëgëlë akyaè ya miṅyian miaban minë.

Titus 2:1

Mfag woe, kòbògò e mam mayean ai mfaṅ dòkten.

Petrus osu 2:2

Anë minkëṅëlë mi bòn, dzëṅan fò mënyaṅ më nsisim ya masëki dzam ndaman, asu yë na minaṅ ete asu akode.

2Yoh 1:9

E mod osë ya akë osu, të tòbò a ayëgëlë Kristus, abëlë ki Zamba. E nyò atòbò abë Zamba, abëlë esya ai mòn.

Yudas 1:5

Mayi na madugan mina tsog, tò anë mbol miayëm mësë na, Nti angakode nnam eyòṅ dzidzia a si Egipten, eyòṅ bèè ndò angadzèè e ba bandzëki yëbë;