1Tim 4:1 - MKPAMAṄ AMVOE Nouveau Testament en langue Ewondo 2012

¹ Nsisim watoan ma kad na, a mëbog më mvua, bod bëvòg bayi ku a ṅyëbë, bëngabie minsisim mëdugan ai ayëgëlë bësatan,

1Tim 4:1 Iomraidhean Croise

Mt 18:7

Amala ai si asu mbë mvulna. Amu, tò të anë mbëṅ mvulna asëki ai asaala, hë da amala ai e mod avë mbë mvulna te.

Lk 17:1

Nyè ai bëyègè boe na: asëki dzam bò na mëbobëla mëbò të bò, dzam da amala ai e mod azu ai mò.

Yohannes 16:13

Eyòṅ hm e nyòli ayi sò, nsisim bëbëla, ayi mina lëdë zen a bëbëla osë. Amu ayi ki kòbò ai emen, dzam da, e ma mësë ayi wog, ayi mò kòbò, ndò fë ayi mina bende e mam mayi sò.

Bisye bi Apostel 13:2

Bëluugu Nti, bëkii fë bidi, ndò nsisim wadzo na: Telegan ma Barnabas ai Saulus a mgbag asu esye ya mëngaloe ya bò na bëbò.

Bisye bi Apostel 17:18

Mimfëfëg miziṅ ya ngam Epikurea ai a ngam Stoa bëngafëdan ai nyè, bëvòg bëngadzo na: Ayiyi na adzo dze ai nlòban alòb hi? Bëvòg bò na: Ayene anë anë mbëgë foe bëzamba bëfë; mbol angabë ayedëgan Yesus ai akui-lë sòṅ.

Bisye bi Apostel 20:23

hë na, Mfufub Nsisim wabòòlò ma a tisòn esë na mësuṅ ai mindzug biayanga ma.

Bisye bi Apostel 21:11

ndò azu abë bia, anòṅò kanda Paulus, atindi emen a mëkol ai a mò, nyè na: Mfufub Nsisim adzo na: E mod anë ai e kanda nyò, na ngò Yuden bayi nyè faṅ ngadag a Yerusalem, bëkalan nyè a mò bëhaiden.

Bisye bi Apostel 28:25

Bëngatsaman hm nala kiṅ kiṅ, ndò Paulus akòbò ebug dzia, na, Mfufub Nsisim akòbò fò mbëṅ ai bëtara a anyu profèt Isaias na:

1Kor 10:20

Ma na, e byem batuni, batuni ki biè Zamba, batuni biè bësatan. Ndò hm mayi ki na mikalan dzom ziṅ ai bësatan.

1Kor 11:19

Amu mimfèt miayean bò a zaṅ dzaan, asu yë na e bod bëbëlë mfaṅ ṅyëbë a zaṅ dzaan bëkui a ngëëṅ.

1Kor 12:11

E mam mësë ma, hë Nsisim mbòg mbòg ngò wabò mò, ngò fë wakab, ovaa anë mod e kan wadiṅ.

1Kor 2:10

Mina hm Zamba angakuli mò abë Nsisim. Amu Nsisim wasoṅ dzom esë, tò mam më ndimba më Zamba.

2Kor 11:3

Mambara na, anë nyò engadug Eva ai mëkëṅ moe, mintsogan mian miza ndaman tègè fë ai miè mfuban ngë ki na anë e mi mi mòngò, abë Kristus.

Kolosi 2:18

Të mod azu mina tele a mgbag ai mbol ayag ai edzòdi nyòl, ai olugu benglès, adzëṅë hë e mam angayen, atoa ndzalan ai evoe mëbun ya mintsogan mi nyòl mie,

2Tim 3:13

Bëbe bë bod ai bod mëdugan bayi kë ai abe daban osu, bëdugu bod, bëdugu fë bò bëben.

2Tim 4:4

Abog te bayi vaè mëlò a bëbëla, bëngakè mò a minaṅ mi mvèt.

Yakobus 3:15

Fëg te yasò ki a yob, enë fëg ya si, e nyi ya nyòl, fëg Satan.

Petrus osu 1:20

Bëngatele nyè nala osusua akomo-lë yob ai si, dzam da angakulan a abog mvua asu daan.

Petrus bèè 2:1

Bë profèt minnal bënë a nnam, anë bëyëgëlë minnal bayi fë bò abë mina; mbò bayi sò ai mam më ngam ngam a mandaman bod, bëngasie Nti ya angakus bò. Bazu ai bò bëben amala lavol bòban.

Petrus bèè 3:3

E di osu, yëman na a mëmos më mvua, bod bë fyanga bayi sò ai fyanga, bënyiṅi të hë ai miṅyian miaban,

1Yoh 2:18

A bòngò, awola mvua di. Akyaè mingawog na Anti-Kristus azu, minziziṅ-mi-Kristus misò ya hm, asu te biayëm na awola mvua di.

1Yoh 4:6

Bia biawoge ai Zamba; e nyò ayëm Zamba awog bia. E nyò awoge ki ai Zamba awog ki bia. Nala ngò biayëm Nsisim bëbëla ai nsisim mëdugan.

Yudas 1:18

Bëngakad mina na: A mëlu më mvua, bod bë fyanga bayi bò hala, bëtoṅo hë miṅyian miaban a miabisi ki Zamba.

Yudas 1:4

Amu bod bëziṅ bënganyian omomoa; bëngabë nkomëzan asu nkat te okoba; balugu ki Zamba; batsende maa Zamba waan entoa ebamba, bësiege ṅyëgëlë waan etam ai Nti waan Yesus Kristus.

Ekuli-mam 13:14

ndò adug e bod bëtoa a si ai mëndëm ya bëngavë nyè ngul na abò a mis më tsit afan, akada e bod bëtoa a si na bëkom bivëgëlë asu e tsit afan bëngabali ai nyamëla okëṅ, enyiṅ ifë.

Ekuli-mam 16:14

Amu bëngabë minsisim bësatan bëbòò mësimba, a bakë a minkukuma ya si esë na bakoan bò asu bita ya amos nen Zamba ngul mësë.

Ekuli-mam 18:2

Ndò angabam ai ngul esë na: Aku ya, Babilon nen aku ya, ndò fë avëṅan ya mvog bësatan, mbog nsisim mvit osë, ai mbog onòn mvit osë, ai mbog mvit tsit esë a bavini nnëm,

Ekuli-mam 18:23

mfyè alamba të fë bad fyè abë wa, të fë wog kiṅ bëlug abë wa, amu bod bë makit boe bëngabë mimfaṅ mi bod ya si, amu mëyòṅ mësë mëngakë a ndimi ai mëbiaṅ moe,

Ekuli-mam 19:20

Ndò bëngabi tsit afan, fufulu ai nyè ha, bëbii fë profèt minnal ya abò mësimba a mis moe, ete ngò bëkëlë a ndimi ai e bod bënganòṅ ndëm tsit afan ai e ba bëngabë bëluugu evëgëlë dzie. Ndò bëngawoa bò bësë bëbè bëtala a etëtag ndoan yadig ai sulfur.

Ekuli-mam 2:11

E mod abële mëlò awogo e dzam nsisim wadzo ai mënda më Zamba. E mod anë zingi aangabi ki nkat ya awu bèè.

Ekuli-mam 2:17

E nyò abëlë mëlò, awogo e dzam Nsisim wakad mënda më Zamba. Mayi vë zingi e manna asòlò, mayi fë nyè vë man ngòg afumu, mkpamaṅ dzoe ya mod ziṅ mfë ayëm ki, sësala hë e nyò anòṅ dzò, atoa ntilan a man ngòg te.

Ekuli-mam 2:29

E nyò abëlë mëlò, awogo e dzam Nsisim wakad mënda më Zamba.

Ekuli-mam 2:7

E mod abëlë mëlò, awogo e dzam Nsisim wadzo ai mënda më Zamba. E mod ayi kui zingi, mayi nyè vë ngul ya adi ebuma ya ele enyiṅ, a etëlë a Paradis Zamba.

Ekuli-mam 20:10

Ndò e Satan angadug bò angawoaban a etëtag ndoan ai sulfur e hom tsit afan ai profèt minnal bënë, bëngatibili bò tò ai alu, tò ai amos a bisëb bisëb.

Ekuli-mam 20:8

abog te ayi kui, akë adug mëyòṅ a mëbug më si mënyii, Gog ai Magog, angakoan bò asu bita. Taṅ dzaban enë anë nsëlëg ya maṅ.

Ekuli-mam 3:13

E mod abëlë mëlò awogo e dzam Nsisim wadzo ai mënda më Zamba.

Ekuli-mam 3:22

E mod abëlë mëlò awogo e dzam Nsisim wakad mënda më Zamba.

Ekuli-mam 3:6

E mod abëlë mëlò, awogo e dzam Nsisim wadzo ai mënda më Zamba.

Ekuli-mam 9:20

E bod bëvòg, a bandzëki wu a bindëgëlë bi, tègè vëṅan a bëbe mimboan baban, asu yë na të badugan lugu bësatan, ngë bëzamba bë mvòt, ngë e ba bë silba, ngë e ba bikye, ngë e ba mëkòg ngë ele, a babëlë ki ngul ya ayen, ngë awog, ngë awulu,