1Tim 1:17 - MKPAMAṄ AMVOE Nouveau Testament en langue Ewondo 2012

¹⁷ Olugu ai duma bibòò ai Zamba ya anë mbòg, a bayen ki, a atsende ki, nkukuma yob ai si a bisëb bisëb, amen.

1Tim 1:17 Iomraidhean Croise

Mt 25:34

Eyòṅ te nkukuma ayi dzo ai e ba ya mbo-nnomo na: Zaan, a mina ya Tara angafubu, zaan nòṅ ngab-elig ya edzoe ya engakomëzan asu dan atarigi a akomo-lë yob ai si.

Mt 28:20

miyëgëlë bò na bëbaala e mam mësë mëngabende mina. Ndò fë, mamen mënë ai mina mëmos mësë, akëlë kui a amana si.

Mt 6:13

Të wakë ai bia a mëbobëla, okodëge bia a mbë dzam.

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 5:44

Eyë minë dzam ṅyëbë ya, eyòṅ mianòṅan duma a mina mina, dzam da të dzëṅ duma mbaṅ mòn Zamba?

Roma 1:20

Amu, e byem ya basëki dzam yen abë nyè, atarigi a akomo-lë si-ndon, bënë biè dzam yen a bikokoma, anë ngul kole dzie ai azamba die, antoa hm na, mod abëlë ki bidzuga,

Roma 1:23

ndò bëngafòlan duma Zamba kole ai bihëgëlë bi mod ndon dzom, ai ebi bi anòn, ai tsit mëkul, ai e nyi yawòṅ a si.

Roma 11:36

Amu byem bisë biatye abë nyè, bitoa ai ngul dzie, ndò fë biakë abë nyè. Duma ai nyè a bisëb bisëb, amen.

Roma 16:27

olugu ai Zamba fëg etam, a dzoe Yesus Kristus a bisëb bisëb. Amen.

Roma 2:10

Duma, ai olugu, ai mvoè bia bitoa ai e mod osë abò mbëṅ, atarigi ai man Yuden, akalan ai man Grek.

Roma 2:7

E ba bandzëki ku sòm, bësye mbëṅ, bëdzëṅë hë duma, ai olugu, ai enyiṅ kole, mbò ayi vë enyiṅ kòm,

Kolosi 1:15

Anë nsisim e Zamba ya bayen ki, Ntol bikokoma bisë,

Ebrea 11:27

A ṅyëbë ngò angakodo a Egipten, tègè mbara ayòg nkukuma. Amu angabò fin hë anë ayen e nyò asëki ai ayene.

Ebrea 2:7

Ongabò na benglès bëlod nyè man ntye, obòdò nyè ekadi duma ai olugu,

Petrus osu 5:11

Ngul ebòò ai nyè a bisëb bisëb, amen.

Petrus bèè 3:18

Naṅan a maa ai a ṅyëman Nti waan ai nkode waan Yesus Kristus. Duma abòò ai nyè ana ai a amos kole. Amen.

1Yoh 4:12

Mod ziṅ abë ya ki yen Zamba. Ngë biadiṅan bia bia, Zamba alaṅan abë bia, ndò fë ediṅ dzie enë fò abë bia mfaṅ.

Yudas 1:25

abë Zamba ya anë etam, nkode waan, abë Yesus Kristus Nti waan, duma, ati, ngul, edzoe, osusua bisëb ai etoa dzi ai a bisëb bisë. Amen.

Ekuli-mam 15:3

Bëyiègè dzia Moses, mbò-esye Zamba, ai dzia ntomba, bò na: Mimboan mie minë anen, minë adzo minkamaṅ, a Nti Zamba ngul mëse. Mëzen moe mënë sosoo ai bëbëla, a nkukuma mëyòṅ.

Ekuli-mam 17:14

Mbò bayi luman ai ntomba, ndò ntomba wayi bò tègè, amu anë Nti bëti ai nkukuma minkukuma, e bod bënë ai nyè fufulu bëtoa nloan, ntòban, bëtoa bod bë afidi.

Ekuli-mam 19:1

A mvus te, ndò mëngawog dzom hë anë mod kiṅa bui bod a yob, bëdzoo na: Alleluia, akode ai duma ai ngul binë abë Zamba waan,

Ekuli-mam 19:16

Dzoe anë nyè ntilan a abè ai a eyie na: Nkukuma minkukuma ai Nti bëti.

Ekuli-mam 19:6

Ndò mëngawog hë anë kiṅ mod nkunda, ndò fë hë anë eduṅ abui mëndim ai anë eduṅ mod nkulu na: Alleluia, amu Nti Zamba waan ngul mësë adzoe, anë nkukuma.

Ekuli-mam 7:12

bò na: Amen, maa, ai duma ai fëg, ngaṅ ai olugu ai ngul ai fim bibòò ai Zamba waan a kòm ya kòm esë, Amen.