1Tes 5:23 - MKPAMAṄ AMVOE Nouveau Testament en langue Ewondo 2012

²³ Zamba mvoè emen afubugu mina ntud ntud; Akalëga fë mina nsisim ai nnëm ai nyòl na bibò a saaṅ a asò-lë Nti waan Yesus Kristus.

1Tes 5:23 Iomraidhean Croise

Lk 1:46

Maria nyè na:

Yohannes 17:19

ndò mafubu mamen, asu yë na bò bëbò mfuban a bëbëla.

Bisye bi Apostel 20:32

Etoa dzi hm, malig mina a mò më Zamba, ai a ebug ntotomamaa woe, ṅnyè anë dzam loṅ, avaa fë ngab elig a zaṅ e ba bësë bënë mimfufub.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.

Roma 15:13

Zamba afidi adzalëga mina ai mintag misë, ai mvoè a ṅyëbë, asu yë na mifuguzu a afidi, ai ngul Mfufub Nsisim.

Roma 15:33

Zamba mvoè abòò ai mina bësë. Amen.

Roma 15:5

Zamba azombo ai evòli avaa mina na mitsog a zaṅ dzaan anë Kristus Yesus,

Roma 16:20

Zamba mvoè ayi fid Satan a mëkol man a si avol. Maa Nti waan Yesus abòòg ai mina.

1Kor 1:2

abë nda-Zamba ya enë a Korinti, a bënë mfuban abë Kristus, bëloeban na bëbò mimfufub , abaman ai e bod bësë baloe dzoe Nti waan Yesus Kristus hom osë, ya anë Nti waban atoa fë engoan.

1Kor 1:30

Ṅnyè abò na mitòbò abë Kristus Yesus ya anë bia e fëg yasò abë Zamba, mëkyëbë ai mfuban, ai akode,

1Kor 14:33

amu Zamba asëki Zamba ndugëlan, anë Zamba mvoè. Akyaè anë a mënda më Zamba mimfufub misë,

2Kor 5:19

akyaè ya Zamba angabë alada si-ndon ai emen abë Kristus, tègè bò laṅ minsem miaban, ndò fë angavë bia ebug elad.

Filipi 1:10

mibindi e dzi yadaṅ mbëṅ, asu yë na mibò mfuban, tègè ai bidzo a amos Kristus Yesus.

Filipi 1:6

mëyëmë fò mbëṅ na e mod angatari abëṅ esye di abë mina ayi dzò dzala akui a amos Kristus Yesus.

Filipi 4:9

E mam ya mingayègè, a bëngavë fë mina, a mingawog, miyënë abë ma, mmò boan. Zamba mvoè nyè fë ayi bò ai mina.

Kolosi 1:22

etoa dzi, alad ya mina a nyòl minson dzie ai awu na miṅyene mimfufub, tègè ai atòn, tègè ai etòm ziṅ a mis moe,

1Tes 2:19

Za hm anë afidi daan, ai mintag mian ai ekada enguṅ dzaan, -së mina a?- a mis më Nti waan Yesus abog ayi sò?

1Tes 3:11

Zamba te emen, esya waan, ban Nti waan Yesus, bëkomo bia zen na bizu abë mina.

1Tes 3:13

asu yë na ayëm mina minnëm a kpiim, mibò të ai atòn a enyiṅ mimfufub a mis më Zamba, esya waan, eyòṅ Nti waan Yesus ayi sò ai mimfufub mie misë. Amen.

1Tes 4:3

Amu ṅyian Zamba, efubu nyòl dzaan, ngò onë na, misaala bisog,

1Tes 5:22

mitubu kan abe asë.

2Tes 3:16

Nti mvoè emen avaa mina mvoè kòm esë ai hom osë. Nti abòò ai mina bësë.

Ebrea 13:20

Zamba mvoè ya azu ai Nti waan Yesus Kristus, mod nnòni mintomba, a bëkon a mëki më amvoe kole,

Ebrea 2:11

Amu e mod afubu ai e bod bafububan, bësë batye abë mod mbòg. Asu te awog ki osòn na aloe bò na babënyaṅ,

Ebrea 4:12

Amu ebug Zamba enë mfaṅ, ndò fë enë ngul, evolo fë alodo e nyamëla okëṅ osë enë minkòṅ mibè, etoa fë dzam sal nnëm ai nsisim a zaṅ, biwonga bi nyòl ai nsòm ya bives, eyëmë mintsogan ai miṅyian ya nnëm,

Yakobus 1:4

Fin dzò esye hm fò ntud, asu yë na mibò ntud, a saaṅ, tègè yaṅan ai dzom ziṅ.

Petrus osu 1:2

Bënë ntòban a etilga Zamba esya abë Mfufub Nsisim asu mëwog ai asu mmiaman mëki me Yesus Kristus. Maa ai mvoè ebòò abë mina etitib.

Petrus osu 5:10

Zamba maa asë ya angaloe mina a duma kole die abë Yesus Kristus ayi mina dugan tone eyòṅ midzugi ya mintye man etun abog, awone mina, avëë mina ngul, atele mina a kpiim.

Petrus bèè 3:14

Asu te, a mindindiṅ miama, mbol miayanga e mam ma, dzëṅan ai ngul esë na akòb mina ai mvoè, tègè ai atòn, tègè ai mvit;

Yudas 1:1

Ma Yudas, mbò-esye Yesus Kristus, manyaṅ Yakobus, matil e ba bëngaloeban, mindindiṅ abë Zamba esya; a bënë na bëngaloe bò asu Yesus Kristus.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,