1Tes 5:15 - MKPAMAṄ AMVOE Nouveau Testament en langue Ewondo 2012

¹⁵ Boan okala na të mod abò bivudëga asu e dzam bëbò nyè, dzam da, dzëṅan hë mbëṅ kòm esë asu mina mina ai asu bod bësë.

1Tes 5:15 Iomraidhean Croise

Mt 5:39

Ma makad mina na, të mialuman ai Mbe. Dzam da, ngë mod abimi wa a amaṅ ya mbo-nnomo, lëdëgë fë nyè e di avòg.

Lk 6:35

Ndò hm, diṅan minziziṅ mian, boan mbëṅ, mikolëge, të fidi dzom efë. Eyòṅ te maan man mayi bò abui, miayi bò bòn bë e nyò ya yob ete, amu anë afu-nnëm ai e bod bë ngèt ai bëbe.

Bisye bi Apostel 16:28

Ndò Paulus azu dzo a yob ete na: Obë bò wamen abe ziṅ, amu bia bësë binë ha.

Roma 12:9

Të ediṅ dzaan yabò e dzi mëdugan. Mitubu abe, milad ai mbëṅ,

Roma 14:19

Ndzëṅan hm mam më mvoè ai mam më eka a zaṅ dzaan.

1Kor 14:1

Byean ediṅ a zut, dzëṅan fë bifaè bi akab ya Nsisim, adaṅ adaṅ a na mikòbò anë bëprofèt.

1Kor 16:10

Ngë Timoteus asò, dzëṅan na të adugan kòn wòṅ. Amu nyè fë abò esye Nti anë ma.

1Kor 6:7

Kë anë dzam osòn ben na mibëlë dzam mësòman a zaṅ dzaan a! Nga minë dzoge na bëbò mina abe? Nga minë dzoge na bëfadi mina byem?

Galati 6:10

Ndò hm, ntye bibëlë abog, mboan bod bësë mbëṅ, adaṅ adaṅ a e ba ya mënda më bod më ṅyëbë.

Ef 5:15

Toan yen akyaè mianyiṅ; të mianyiṅ anë mëkud, nyiṅan anë mimfëfëg,

Ef 5:33

Ndò hm mod osë ya abë mina adiṅi ngal anë adiṅ emen, ngal nyè fë ambarëga nnom.

1Tes 2:12

bilëbë, bifologo, bikogëlan ai mina na miwulu anë Zamba adiṅ, e Zamba aloe mina a edzoe dzie ai a duma die.

1Tes 5:21

bindigan mam mësë, milad ai e dzi enë mbëṅ,

1Tim 6:11

Mfag woe, a mod Zamba, tubu e mam ma. Biege mëkyëbë a zut, ai olugu Zamba, ai ṅyëbë, azombo, afu-nnëm.

2Tim 2:24

Mbò-esye Nti ayean ki bò bitòm, ayean bò evovoe ai bësë, ayëmëṅë yëgëlë, adzibigi,

Titus 3:2

të bamgbali mod ziṅ, të badzëṅ bitòm, bëbò evovoe, bëlëdëgë bod bësë afu-nnëm daban;

Ebrea 12:14

Dzëṅan na mitòbò mvoè ai bod bësë, midzëṅ fë enyiṅ mimfufub; ngë tègè ai dzò, mod ziṅ ayi ki yen Nti.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus osu 2:17

Kaman bod bësë; diṅan anyaṅ; mbarëgan Zamba; kaman Kaiser.

Petrus osu 3:9

tègè dugan mod ziṅ abe asu abe angabò mina, tò ki atè asu atè, dzam da mifubugu bò, amu asu te ndò bëngaloe mina asu yë na mibi ngab-elig a maa.

3Yoh 1:11

A ndindiṅ wama, obë yègè e dzi enë abe. Yègè e dzi enë mbëṅ. E nyò abò mbëṅ a sò abë Zamba; e nyò abò abe andzëki yen Zamba.

Ekuli-mam 19:10

Ndò mëngalaban a mëkol moe a si, na malugu nyè. Nyè ai ma na: Obë dò bò! Mabò esye fufulu ai wa, ai e babënyòṅ bëbëlë mbòòlan Yesus. Zamba ṅnyè olugu. Amu mbòòlan Yesus onë nsisim esye profèt.

Ekuli-mam 22:9

Nyè ai ma na: Të wabò dò! Mabò esye te fufulu ai wa, ai babënyòṅ bëprofèt ai e ba babaala bibug ya e kalara nyò. Zamba ṅnyè olugu.