1Tes 5:12 - MKPAMAṄ AMVOE Nouveau Testament en langue Ewondo 2012

¹² A babëdzaṅ, biadzaè mina na mikam e bod bëngawu esye abë mina, e bod bënë mina bëtëbë bë osu abë Nti ai eba bavë mina mëlëbëga,

1Tes 5:12 Iomraidhean Croise

Lk 10:7

Tòbògan a nda te, midzaag, minyaag fë e dzom bavë mina. Amu mbò-esye akyëbë ai maan moe. Të miakë miawulu a mënda mënda.

Yohannes 4:38

Mëngalom mina na mikë koe e dzi miandzëki wu ndzug ai dzò. Bod bëfë bëngawu ndzug, ndò miazu nyian a ndzug waban.

Bisye bi Apostel 20:28

Kalëgan mina bëben, ai nkunda osë ya Mfufub Nsisim ongatele mina bë asu zoa na mikala nda-Zamba ya angakus a mëki moe.

Bisye bi Apostel 20:35

Mëngalëdë mina mvulna a dzom esë na eyòṅ mod wasye nala, wavòli mintèd, bitsogo hm fë bibug ya Nti Yesus angakòbò na: Anë maa abui, eyòṅ wavë alodo anë eyòṅ waanòṅ.

Roma 16:12

Sugan Trifana ai Trifosas ya bëngasye abui abë Nti. Sugan ndindiṅ wama Persis ya angasye abui abë Nti.

Roma 16:6

Sugan Maria, ya angasye abui asu daan.

1Kor 12:28

Ndò hm Zamba angatele bod bëvòg a nda-Zamba, atari na apostel, akalan na bëprofèt, e di lala bëyëgëlë, a mvus hala mësimba, a mvus hala bifaè bi akab ya alëdë akòn, avòli bod, alëb bod, akòbò abui minkòbò.

1Kor 15:10

Mënë e dzom mënë ai maa Zamba ndò e maa woe angavë ma andzëki kanga evoe, hë da, mëngawu esye alodo bò bësë, së hm ki ma, e maa Zamba anë ai ma.

1Kor 16:16

Boan kan bod te mëwog, ai e mod osë asye ai bò, awaa fë ndzug.

1Kor 16:18

Bëngavòli ma nnëm, ai minnëm mian fë. Mikama akyaè bod te.

1Kor 3:9

Amu biasye fufulu ai Zamba, mina minë afub Zamba ai nda-Zamba.

2Kor 11:23

Yë bënë bësye bë Kristus? -Mëngakobò ya anë akud- Malod bò! Malod bò a bisye, malod bò a mimbog, malod bò a bibom, abui biyòṅ dili, awu angasubu ma babi!

2Kor 5:9

Asu te biadzëṅ na, tò binë abë nyè, tò binë nyè oyab, binyëb nyè a nnëm.

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

Galati 4:11

Mambara hm të adzo te na mëngasye asu daan a zëzë!

Filipi 2:16

milëdëgë ebug enyiṅ, asu enguṅ dzama a amos Kristus, amu mandzëki mbara mbil a zëzë, ndò fë mandzëki wu esye a zëzë.

Filipi 2:19

Mafidi abë Nti Yesus na mëngayi ya mina lom Timoteus, asu yë na nnëm obò ma ovëves eyòṅ mayi wog mëfoe maan.

Kolosi 1:29

Asu te mawu esye, mëluman a nkoṅ e ngul dzie yasye ma a nyòl ai fim esë.

1Tes 2:9

Amu, a babëdzaṅ, tsogan tuṅ dzaan ai abui esye daan. Bisye ai alu, ai amos, asu yë na biza woe ai mod ziṅ ya abë mina ai ndzug, bingayedan hm mina mbëmbë foe Zamba.

1Tes 4:1

Mfag mbòg hm a babëdzaṅ, biadzaè mina, bikogëlan fë ai mina abë Nti Yesus na akyaè ya bingalëdë mina mbol miayean wulu abë Zamba, minyëbë fë nyè a nnëm, nala ngò fë miwulu, asu yë na midaṅa bò nala mbëṅ.

1Tes 5:14

A babëdzaṅ, biakogëlan ai mina, lëban e bod bënë ndunduman, miwonòṅo eba bënë wòṅ, mivòligi eba bënë ntëgan, mibòò afu-nnëm ai bod bësë.

1Tim 5:1

Të wakòṅan ai nyia-modo-mvia; vòligi nyè anë esoa, obëlan ai bëndoman anë babënyòṅ,

1Tim 5:20

Kòṅan ai bësëm a mis më bod bësë, asu yë na e bod bëvòg bëmbara.

2Tim 2:6

Layean na e mod awòbò ndzug a asye afub, atari bi ngab a mëkoe ya ete.

Titus 1:3

E mëlu ma, akuli ebug dzie a nkadan mbëmbë foe ya bëngavë ma a abende nkode waan;

Titus 1:5

Asu te mëngalig wa a Kreta, asu yë na omana kom e mam mësë mëvòg, otele fë bënyia-bodo a tisòn osë, akyaè mëngabende wa,

Titus 2:15

Kòbògò e mam ma, olëb, okòṅan fë ai bò ai ngul dzoe ese. Të mod abyandi wa hala!

Ebrea 13:17

Boan bëtëbë bë osu baan mëwog, midzòdiban fë abe bò; amu bakala minnëm mian anë e bod bayi tëbë ai dò a nkat, asu yë na bëbò dò ai mintag, tègè wog abe. Amu nala wasëki ai mina mfi ziṅ.

Ebrea 13:7

Tsogan bëtëbë bë osu baan; mbò bëngakad mina ebug Zamba. Yënan anë enyiṅ dzaban engakë mana, minòṅ mvulna a ṅyëbë waban.

Ekuli-mam 1:20

Ndimba atitie zamgbal ya ohë yen a wò mbo-nnomo wama ai bitelëge mëlamba bi mvòt zamgbal. Atitie zamgbal anë benglès mënda më Zamba zamgbal, ndò bitelëge mëlamba binë mënda më Zamba zamgbal.

Ekuli-mam 2:12

Tili englès ya nda-Zamba ya Pergama na: e mod abëlë nyamëla okëṅ yavol, a enë minkòṅ mibè, adzo e mam ma na:

Ekuli-mam 2:18

Tili englès ya nda-Zamba ya Tiatira na: E mam ma mmò mòn Zamba akòbò; ṅnyè abëlë mis anë nkabag ndoan, ndò fë mëkol moe mënë anë ekye yasò a mbuṅ ndoan.

Ekuli-mam 2:3

Onë fin, ongazombo mindzug asu dama, ndò waandzëki ku sòm.

Ekuli-mam 2:8

Otili hm englès ya nda-Zamba ya Smirna na: E mam ma mmò e mod osu ai mod mvua akòbò. Ṅnyè angabë ṅwuan, ndò fë angabi enyiṅ.

Ekuli-mam 3:1

Tili englès ya nda-Zamba ya Sardis na: E mam ma mmò e nyò abëlë minsisim mi Zamba zamgbal ai atitie zamgbal adzo: Mayëm mimboan mie, badzo na ovëë, ndë onë mbim.

Ekuli-mam 3:14

Tili englès ya e nda-Zamba enë a Laodisea na: Bibug bi Amen, mbòòlò ya anë mod-afidi ai mod-bëbëla, mëtari më bikokoma bi Zamba.

Ekuli-mam 3:7

Tili englès ya e nda-Zamba ya Filadelfia na: Mfufubu, bëbëla mod, e nyò abëlë edibiga David, ngë ayaè tègè ai e mod afèd, afëdë tègè ai e mod ayaè, akòbò e mam ma na: