1Tes 2:8 - MKPAMAṄ AMVOE Nouveau Testament en langue Ewondo 2012

⁸ nala ngò biyii mina du; biyili hm na biayi mina vë, së ki hë mbëmbë foe Zamba, dzam da tò enyiṅ dzaan ben, mbol angabë na bingadiṅ ya mina eyëgan.

1Tes 2:8 Iomraidhean Croise

Lk 7:2

Ndzoe ntèd bëzimbi mbòg angabë abëlë olò angabë adiṅi, olò te okònò ha abui, bëkon bëlindigi, bëyëmë bëlindigi;

Roma 1:1

Ma , Paulus, olò Yesus Kristus, mëloeban na mëbò man apostel, mëtòbëban asu mbëmbë foe Zamba,

Roma 10:1

A babëdzaṅ, e dzam nnëm watam ma ai e ngogëlan makogëlan ai Zamba asu daban bisë binë asu akode daban.

Roma 15:29

Amu mayaṅan na eyòṅ mazu abë mina, mazu ai nsalan Kristus ntud.

2Kor 12:15

Mayi na mayaan asu daan, bëkuan fë ai ma asu daan. Ngë mabulu mina diṅ a bui, yë mayean ki ai ediṅ nga?

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

Galati 4:19

A bòn bama, a mëbëlë mintye mi abye ai bò akëlë kui anë Kristus anòṅ nyòl abë mina!

Filipi 1:8

Amu Zamba anë ma wusnèt akyaè mayi mina bësë du a nnëm Kristus Yesus.

Filipi 2:17

Dzam da, ngë mëki mama mayean soeban anë efaè mëtunëṅa asu ṅyëbë waan, mawog dò mintag, mëtaga fë ai mina bësë.

Filipi 2:20

Mabëlë ki mod mfë anë nyè, ya anë dzam mvaman ai mina mfaṅ.

Filipi 4:1

A babëdzaṅ ya madiṅ, mëyii fë mina du, mintag miama ai ekad-olugu dzama, antoa hm na, boan minkanga nala abë Nti.

Kolosi 1:28

Kristus te ṅnyè bia biayedan, bilëbë mod osë a fëg esë, asu yë na bilëdë mod osë ntud abë Kristus.

Kolosi 1:7

Akyaè ya mingayègè abë Epafras, ndindiṅ mvoe bisye wama; anë mbò esye afidi Kristus a mëyian man,

Kolosi 4:12

Epafras, mod ya abë mina, asug mina; anë mbò esye Kristus Yesus, aluman fò asu dan kòm esë a ngogëlan asu yë na mitëbë a kpiim, mitòbò fë tègè ai bisoo a ṅyian Zamba osë.

Filemon 1:1

Ma Paulus, man mimbog Kristus Yesus, ai madzaṅ Timoteus, biatil ndindiṅ waan Filemon a asye fë ai bia fufulu,

Ebrea 13:17

Boan bëtëbë bë osu baan mëwog, midzòdiban fë abe bò; amu bakala minnëm mian anë e bod bayi tëbë ai dò a nkat, asu yë na bëbò dò ai mintag, tègè wog abe. Amu nala wasëki ai mina mfi ziṅ.

1Yoh 3:16

Eyë hm bingayëm ediṅ na: Angavë enyiṅ dzie asu daan. Ndò bia biayean vë enyiṅ dzaan asu babëdzan.