1Tes 2:4 - MKPAMAṄ AMVOE Nouveau Testament en langue Ewondo 2012

⁴ dzam da akyaè ya Zamba angafëb bia, asò hm bia vë mbëmbë foe, kan te endzò biakòbò, së ki të hë anë biayi na bianyëb bod a nnëm, Zamba ṅnyè biayi na bianyëb a nnëm, ṅnyè fë angafëb bia minnëm.

1Tes 2:4 Iomraidhean Croise

Lk 12:42

Nti nyè na: Za mbëmbë ai mfëfëg nkala-byem Nti ayi tele na adzoe bëbò bisye boe, asu yë na akad kab bidi eyòṅ abog akui ya?

Lk 16:11

Ndò hm, ngë miayëm ki sye ai akuma dzongo, za ayi mina vë mfaṅ a kuma?

Yohannes 21:17

Ndò akad nyè eyòṅ lala na: A Simun man Yohannes, yë wadiṅ ma? Petrus antoa fò a mëlunga na asili nyè eyòṅ lala na: Yë wadiṅ ma? Nyè ai nyè na: A Nti, wayëm mësë, wayëm na madiṅ wa. Yesus nyè ai nyè na: Nònëṅi bënyia mintomba bama.

Roma 8:27

E mod asoṅ minnëm ayëm akyaè ṅyian onë a nsisim, amu akogëlan asu daan e kan Zamba adiṅ.

1Kor 7:25

Asu mintud mi bininga, mabëlë ki nguma mvende Nti ziṅ, dzam da makad mina akyaè ya matsog, anë e mod afidi ya Zamba, ayënë ngòl.

1Kor 9:17

Amu, ngë mëbò esye te a ṅyian wama, mëmbëlë ya maan. Ngë mabò hm dzò a enòdi, bëngavë ma esye te na mëbò.

2Kor 2:17

Amu biasëki anë abui bod bakuan ai ebug Zamba, bia biasye a tëtëlë, biakòbò a nloman Zamba, a mis më Zamba, abë Kristus.

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

2Kor 5:11

Mbol biambara Nti, ndò biadudu bod, Zamba nyè angadudu bia. Mafidi na mëtëlë a ngëëṅ a ṅyënan waan.

2Kor 5:16

Antoa hm na, atarigi etoa dzi, bia biayëm ki mod ziṅ mfag ya nyòl. Tò bingayëm Kristus mfag ya nyòl, etoa dzi, biayëm ki fë nyè nala.

Galati 1:10

Ma na: yë amvoe bod, yë e di Zamba, dze madzëṅ? Yë madzëṅ na mënyëb bod a nnëm? Ngë mënyëbë bod a nnëm, ngë masëki mbò-esye Kristus.

Galati 2:7

hë da, eyòṅ ben bëngayen na ma bëngavë mbëmbë foe asu bëhaiden anë bëngavë Petrus e nyò ya Yuden,

Ef 3:8

E ma ya madaṅ obòbòd a zaṅ mimfufub misë, ma bëngavë e maa nyò, na mëyedan bëhaiden mbëmbë foe akuma Kristus ya anë tègè ai alèè,

Ef 6:6

të miabò nala hë eyòṅ bayen mina, hë anë e bod badzëṅ miṅyene, boan anë bësye bë Kristus, a babò ṅyian Zamba ai nnëm osë,

Kolosi 3:22

Mina bëlò, boan e bod badzoe mina a nyòl mëwog kan esë, të miabò dò hë na bëyen mina, boan dò ai nnëm mòngò, mimbarëga Nti.

1Tim 6:20

A Timoteus, obaala e dzom bëngavë wa, osaala e bod bayëm ki Zamba, a bënë dzëdzaa nkòbò ai bisoo bi ṅyëman mvol;

2Tim 1:14

Obaala mbëmbë dòkten asu Mfufub Nsisim ya atoa abë bia.

2Tim 2:2

Ndò fë, e mam ya ongawog abë ma a mis më abui bëwusnèt, vaa mò bod bë afidi, mbò bayi bò nkoṅ ya ayëgëlë e bod bëvòg.

Titus 1:3

E mëlu ma, akuli ebug dzie a nkadan mbëmbë foe ya bëngavë ma a abende nkode waan;

Ebrea 4:13

ndò fë ekokoma ziṅ esòlò ki a mis moe, dzom esë enë nsò, etoa a ngëëṅ a mis moe; ṅnyè hm biayi dzoan ai nyè.

Petrus osu 4:11

Ngë mod asye babënyaṅ, lëbòò hë anë e ngul ya Zamba avë, asu yë na Zamba abi olugu a mam mësë asu Yesus Kristus; duma ai ngul bibòò ai nyè a bisëb bisëb. Amen.

Ekuli-mam 2:23

mayi fë woe bòn boe mfaṅ a wu. Abog te mënda më Zamba mësë mayi yëm na mamen matsas miṅyian ai minnëm, ndò fë mayi vë mina bësë, anë mod akyaè mimboan mie.