1Tes 2:19 - MKPAMAṄ AMVOE Nouveau Testament en langue Ewondo 2012

¹⁹ Za hm anë afidi daan, ai mintag mian ai ekada enguṅ dzaan, -së mina a?- a mis më Nti waan Yesus abog ayi sò?

1Tes 2:19 Iomraidhean Croise

Mt 16:27

Mòn Mod ayi sò a duma esya ai bënglès boe, abog te ayi yaan ai mod osë anë mbol mod angasye.

Mk 8:38

Amu, e mod awog osòn asu dama ai asu bibug biama a e ngongo bod b'ebamba ai minsëm ba, mòn mod nyè ayi fë wog osòn asu die abog ansò a duma esya ai mimfufub benglès.

Yohannes 21:22

Yesus nyè ai nyè na: Ngë mayi na alaṅan akëlë kui anë madugan zu, dze yabëbë wa ete? Mfag woe, biege ma.

1Kor 15:23

Mod osë hm a etye dzie: Kristus anë ntol, a mvus hala, e bod bayi tòbò ai Kristus eyòṅ adugan sò,

1Kor 4:5

Asu te, të miatam tsig ntol ziṅ, ntye Nti abëki sò, ṅnyè ayi fyè e byem bisòlò a dibi, akuli miṅyian ya minnëm a ngëëṅ. Abog te Zamba ayi taman mod osë.

2Kor 1:14

anë mingayëm bia hë etun, na binë dzom enguṅ dzaan, anë mina fë asu daan a amos Nti waan Yesus.

Filipi 2:16

milëdëgë ebug enyiṅ, asu enguṅ dzama a amos Kristus, amu mandzëki mbara mbil a zëzë, ndò fë mandzëki wu esye a zëzë.

Filipi 4:1

A babëdzaṅ ya madiṅ, mëyii fë mina du, mintag miama ai ekad-olugu dzama, antoa hm na, boan minkanga nala abë Nti.

1Tes 2:20

Amu mina minë duma daan ai mintag mian.

1Tes 3:13

asu yë na ayëm mina minnëm a kpiim, mibò të ai atòn a enyiṅ mimfufub a mis më Zamba, esya waan, eyòṅ Nti waan Yesus ayi sò ai mimfufub mie misë. Amen.

1Tes 4:15

Amu biakad mina dò a ebug Nti na e bia ya bivëë, a binë bëligi akëlë kui a asò-lë die, biayi ki lod e bod bënë oyò osu.

1Tes 5:23

Zamba mvoè emen afubugu mina ntud ntud; Akalëga fë mina nsisim ai nnëm ai nyòl na bibò a saaṅ a asò-lë Nti waan Yesus Kristus.

2Tes 1:4

antoa na bia bëben bingabò enguṅ dzaan a mënda më Zamba asu azombo daan ai ṅyëbë waan a efema esë mibëlë ai a mindzug ya miadzibi,

2Tes 1:7

avaa e mina ya batibili man evovoe ai bia, eyòṅ Nti ayi kulan a yob ai benglès bë ngul dzie,

2Tes 2:1

A babëdzaṅ, biadzaè mina, mfag adzo asò-lë Nti waan Yesus Kristus, ai mbol biayi tòbò ai nyè fufulu,

Titus 2:13

biyanga mvomvòm afidi ai asò-lë duma Zamba nen ai nkode waan Yesus Kristus

Yakobus 5:7

Tòbògan hm fin akëlë kui a asò-lë Nti. Tama yen anë mbè mëfub ayanga bibuma ya si, a biabi nyè a nnëm, ai fin esë, akëlë kui anë abi biè abog oyon ngë ki na a mëtye më mbu.

Yakobus 5:8

Mina fë boan hm fin, mibò nkanga a minnëm, amu asò-lë Nti antoa ya babi.

Petrus osu 5:4

Eyòṅ ṅnòni nen ayi sò a ngëëṅ, miayi bi ekada e duma lamana ki.

Petrus bèè 1:16

Amu biandzëki lèè minlaṅ mi mvèt minë ntaan ntaan mbëṅ, eyòṅ bibòò na miyëm ngul ai asò-lë Nti waan Yesus Kristus; dzam da, bia bëben bingayen ati-ati die ai mis.

Petrus bèè 3:4

bò na: Eyë e ngaga asò-lë die enë ve? Amu anë bëtara bëngawu, mam mësë mënë fò hë anë akèègè a mëtari më akomo-lë yob ai si.

1Yoh 2:28

Etoa dzi hm a bòngò, laṅan abë nyè asu yë na, eyòṅ ayi kulëban, bibëlë azombo, bibò te bi osama a asò-lë die.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,

Ekuli-mam 1:7

Yënë sik, azu ai minkut, ndò dis asë layi nyè yen, tò ben e ba bëngatubulu nyè; abog te mëyòṅ mësë ya si mayi nyè yëb. Owe, amen.

Ekuli-mam 22:12

Yënë, mëngavol ya zu; mëbëlë maan mama a mavë mod osë anë mimboan mie minë.