1Tes 1:5 - MKPAMAṄ AMVOE Nouveau Testament en langue Ewondo 2012

⁵ amu mbëmbë foe waan andzëki laṅan hë nkòbò nkòbò abë mina, angayene fò ai ngul, a Mfufub Nsisim ai mfaṅ ṅyëman, akyaè miayëm akyaè bod bingabë abë mina, asu daan.

1Tes 1:5 Iomraidhean Croise

Mk 16:20

Bò bëtye hm na bakë bayedan mbëmbë foe hom osë, Nti asye ai bò, ebug dzò elada minkaṅa i mësimba mëbòban ete. Amen.

Lk 1:1

Mbol abui bod bëdzo ya na batòṅ ndòṅ e mam mëngayënan a zaṅ dzan,

Bisye bi Apostel 11:21

Wò Nti ongabë ai bò; abui dzam bëngayëbë, bëvëṅan abë Nti.

Bisye bi Apostel 16:14

Ndò mininga ziṅ, dzoe na Lidia, (abòò makit ai eyie abui mòni yavie), asòò a Tiatira, ambarëga Zamba, angavogolo ha; Nti angayaè nyè nnëm na avogolo e mam ya Paulus angabë akòbògò.

Bisye bi Apostel 2:33

Mbol mbo-nnomo Zamba angabede nyè, ndò anganòṅ ekaa Mfufub Nsisim abë esya, asoe nyè, akyaè ya miayen, miwogo fë di.

Roma 1:16

Amu mawog ki osòn asu mbëmbë foe, amu anë ngul Zamba asu akode e mod osë ayëbë, atarigi ai man Yuden, a mvus hala, man Grek.

Roma 15:13

Zamba afidi adzalëga mina ai mintag misë, ai mvoè a ṅyëbë, asu yë na mifuguzu a afidi, ai ngul Mfufub Nsisim.

Roma 2:16

amos ya Zamba ayi tsig ntol e mam më bod ya mësòlò ai mbëmbë foe wama abë Yesus Kristus.

1Kor 1:24

dzam da, asu e ba bëngaloeban, tò Yuden, tò Grek, Kristus anë ngul Zamba ai fëg Zamba.

1Kor 10:33

akyaè ya mamen madzëṅ na mënyëb bod bësë a nnëm a mam mësë, ma tègè dzëṅ e dzi enë ai ma mfi, mëdzëṅë hë mfi abui bod, asu yë na bëkodeban.

1Kor 3:16

Nga miayëm na minë tempel Zamba ai na Nsisim Zamba otoa abë mina?

1Kor 3:6

Ma mëngabè, Apollos awòdan mëndim, dzam da Zamba ṅnyè angabò na enaṅ.

1Kor 4:20

Amu edzoe Zamba esëki a nkòbò, enë a ngul.

1Kor 9:14

Nala ngò hm fë Nti angabende na e bod bayedan mbëmbë foe bëdian ai mbëmbë foe.

2Kor 3:6

ṅnyè angatele bia na bibò bësye bë mkpamaṅ elad, së ki elad enë ntilan, edzi Nsisim. Amu ekanga ekanga ya kalara yawoe, Nsisim wavë enyiṅ.

Galati 2:2

Mëngabed we etòm dzam ziṅ ya mëngayen a nlo. Ndò mëngamana bò lèè mbëmbë foe ya makad bëhaiden; mëngalèè ai mimfaṅ mi bod we a mgbag, mëmbarëga na mbil wama mëngakë ai e hi mëkëlë ozaa bò evoe.

Galati 5:5

Mfag waan, a nsisim, biayanga afidi mëkyëbë lasò a ṅyëbë.

Ef 2:10

Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

Ef 3:20

Abë e nyò abëlë ngul ya abò abui ai e ngul yasye abë bia alodo anë biasili ngë atsog,

Filipi 2:13

Amu Zamba ṅnyè asye abë mina, ndò fë ayi sye asu mbëmbë ṅyian.

Filipi 4:9

E mam ya mingayègè, a bëngavë fë mina, a mingawog, miyënë abë ma, mmò boan. Zamba mvoè nyè fë ayi bò ai mina.

Kolosi 2:2

asu yë na bëbi evòli a minnëm miaban, bëlad a ediṅ, ai asu akuma yë na bëtoan yëm mbëṅ, bëyëm ndimba Zamba ya enë Kristus;

1Tes 2:13

Ndò hm asu te biakaṅ Zamba abog asë, amu eyòṅ minganòṅ ebug mëwog Zamba abë bia, minganòṅ dzò, së ki anë ebug bod, minganòṅ dzò anë enë mfaṅ, anë ebug Zamba, endzò yasye abë mina bëyëbë.

2Tes 2:14

asu te angaloe mina ai mbëmbë foe waan asu yë na mibi duma Nti waan Yesus Kristus.

2Tim 2:10

Asu te madzibi mësë asu e bod bënë ntòban, asu yë na bò fë bëbi akode ya anë abë Kristus Yesus ai mintag mi kòm.

2Tim 2:8

Otsogo Yesus Kristus ya anë nkuan a bëkon, mod ya mvòṅ David, akyaè mbëmbë foe wama adzo,

Ebrea 10:22

nkaṅan hm osu ai mfaṅ nnëm, ai mfaṅ ṅyëbë, bimana vaè mbë sosoo a minnëm, bimana fë sob nyòl a mimfuban mëndim.

Ebrea 6:11

Amu biayi du na mod osë ya abë mina alëdë osësa ya abi afidi daan akui a mëmana,

Petrus osu 1:12

Ndò hm bëngakulan bò na bëngabë ki bësye e mam ma asu bò bëben, asu daan ngò bëngabë bësye mò, mam mëte mmò e bod bëngakad mina mbëmbë foe bëndëm mina kad abë Mfufub Nsisim ya angalomban a yob, mam mëte mmò benglès bayi na bayen.

Petrus osu 1:3

Ngaṅ ai Zamba esya Nti waan Yesus Kristus ya angabò na, a ṅyian abui ngòl die, midugan byali a vëvëë afidi ai akui-lë sòṅ Yesus Kristus a bëkon,

Petrus osu 5:3

të miabò dò hë anë miadzoe e bod bawoge ai mina, boan anë e bod miavë nkunda mvulna.

Petrus bèè 1:10

Asu te a babëdzaṅ, daṅan mvaman na mibò na nloe waan ai ntòban waan bibò a kpiim. Eyòṅ miabò nala, miangaku ki mbëg.

Petrus bèè 1:19

Ndò fë bibëlë ebug nkòbò profèt a yadaṅdaṅ fò ete. Miayi bò mbëṅ ngë mivogolo dzò anë alamba ya lafyè a e hom onë dibi, akëlë kui anë kidi yalende, otitie kidi otye mina a minnëm;