1Tes 1:3 - MKPAMAṄ AMVOE Nouveau Testament en langue Ewondo 2012

³ bitsogo esye ṅyëbë dzaan kòm esë, ai tuṅ, ediṅ a i mban afidi miafidi Nti waan Yesus Kristus a mis më Zamba ai tara waan,

1Tes 1:3 Iomraidhean Croise

Yohannes 14:15

Ngë miadiṅ ma, miayi baala mëmvende mama.

Yohannes 15:10

Ngë mibaala mëmvende mama, miayi laṅan a ediṅ dzama, anë mëngabaala mëmvende më Tara, ndò mëtoa a ediṅ dzie.

Bisye bi Apostel 10:31

nyè na : A Kornelius, Zamba awog ngogëlan dzoe, ndò fë abaala akab doe ;

Bisye bi Apostel 3:19

Vëṅan hm, midugan mfag minsëm miavaaban mina,

Roma 12:12

mifono ai afidi, mibò fin a mindzug, mibò mban a ngogëlan,

Roma 15:13

Zamba afidi adzalëga mina ai mintag misë, ai mvoè a ṅyëbë, asu yë na mifuguzu a afidi, ai ngul Mfufub Nsisim.

Roma 15:4

E mam mësë mëngatilban okoba, mëngatilban asu ayëgëlë daan, asu yë na bibi afidi ai azombo ai evòli yasò a ntilan.

Roma 16:26

ndò ekulan etoa dzi ai mintilan bëprofèt, ai abende Zamba kole ya abò na bëyëm nyè, asu mëwog më ṅyëbë ya bëhaiden bësë,

Roma 16:6

Sugan Maria, ya angasye abui asu daan.

Roma 2:7

E ba bandzëki ku sòm, bësye mbëṅ, bëdzëṅë hë duma, ai olugu, ai enyiṅ kole, mbò ayi vë enyiṅ kòm,

1Kor 13:13

Etoa dzi hm byem bialigi na ṅyëbë, afidi, ediṅ, mbiè bilè bili. Ediṅ ndzò hm yalod bisë.

1Kor 15:58

A mindindiṅ mi babedzaṅ, antoa hm na, boan nkanga, të tëg, mibulugu bò esye Nti kòm esë, miyëmë na ndzug waan osëki zëzë abë Nti.

2Kor 2:17

Amu biasëki anë abui bod bakuan ai ebug Zamba, bia biasye a tëtëlë, biakòbò a nloman Zamba, a mis më Zamba, abë Kristus.

Galati 1:4

ya angakab emen asu minsëm mian, asu ye na akode bia a mbë si-ndon bitoa nyi, a ṅyian Zamba esya waan,

Galati 5:13

Bëngaloe mina asu fili, a babëdzaṅ. Të miadzoge na fili dzaan ekë mina a mam më nyòl, dzam da syean mina mina asu ediṅ.

Galati 5:6

Amu, abë Kristus Yesus, tò akële anë tò asëki, nala wabò ki dzom, hë ṅyëbë ngò wabò esye a ediṅ ete.

Galati 6:9

Të biaku sòm abò mbëṅ, amu, a mbëmbë abog, biayi fumi ngë biandzëki ku sòm.

1Tes 3:6

Etoa dzi hm a Timoteus adugan abë bia, asòòg mfag minë, mbol akad bia abëṅ foe ṅyëbë waan ai ediṅ dzaan, ai na miatsog bia mbëṅ kòm esë na miyii fë du na miayen bia, anë biayi na biayen mina,

2Tes 1:11

Asu te ndò hm biakogëlan kòm esë asu daan asu yë na Zamba abò na mikyëbë ai nloe waan, ai na adzala ṅyian osë ya miayi a abëṅ nnëm, ai esye ṅyëbë a ngul,

2Tes 1:3

A babëdzaṅ, biayean kaṅ Zamba kòm esë asu daan mbol wayean, amu ṅyëbë waan wasam, ediṅ mod osë ya abë mina asu e ba bëvòg enaṅa fë,

1Tim 1:14

Maa Nti waan angafuguzu ai ṅyëbë, ai ediṅ ya abë Kristus Yesus.

1Tim 2:3

Nala ngò onë mbëṅ, onyëbë fë Zamba nkode waan a mis,

Ebrea 10:36

Miayaṅan ai fin asu yë na eyòṅ miabò ṅyian Zamba, mibi hm ngaga.

Ebrea 11:17

A ṅyëbë, ndò Abraham angayi tuni Isaak eyòṅ bëngabobolo nyè, ndò angatuni mbaṅ mòn, nyè ya angabë ngaga,

Ebrea 13:21

avaag mina e dzom esë enë mbëṅ asu yë na mibò ṅyian woe, asye abë bia e dzi yanyëb a mis moe abë Yesus Kristus; ṅnyè duma abòò ai nyè a bisëb bisëb. Amen.

Ebrea 4:11

Ndzëṅan hm ai ngul na binyian a awaè te, asu yë na të mod ziṅ adzaṅ anë e bod bali ya bëngabë tègè ai ṅyëbë.

Ebrea 6:15

Nala ngò hm angabò fin, ndò angabëlë ngaga.

Petrus osu 3:4

Nyanga dzaan ebòò e dzom esòlò a nnëm, abëṅ-nnëm ya landaman ki, evovoe nsisim; e mod anë ai mfi abui a mis më Zamba.

1Yoh 3:18

A bòngò, te biadiṅ hë ai anyu, tò ki ai oyëm, ndiṅan ai mimboan, ai bëbëla.

1Yoh 3:21

A mindindiṅ miama, ngë minnëm mian miandzëki bia kpèè a nkat, bibëlë afidi abë Zamba,

1Yoh 3:3

Ndò e mod ose abëlë afidi abë nyè afubu emen, akyaè emen anë mfuban.

1Yoh 5:3

Ediṅ Zamba dzi, na bibaala mëmvende moe, ndò hm mëmvende moe mësëki adid.

Ekuli-mam 2:19

Mayëm mimboan mie ai ediṅ, ai ṅyëbe, ai esye, ai fin dzoe, ndò fë mimboan mi mvua mie mialod e mi mi osu.

Ekuli-mam 3:10

Amu ongabaala ebug fin dzama ndò fë ma mayi wa kala a awola mëbobëla layi sò a si esë, na babobolo e bod bëtoa a si.