1Tes 1:10 - MKPAMAṄ AMVOE Nouveau Testament en langue Ewondo 2012

¹⁰ ai na miyanga mòn woe, a asò a yob, e nyò angavëlë a bëkon, Yesus ya akode bia a olun ya wazu.

1Tes 1:10 Iomraidhean Croise

Mt 1:21

Ayi bye mòn, oyolëge nyè dzoe na Yesus. Amu ṅnyè ayi kode ayòṅ die a minsëm miaban.

Mt 16:27

Mòn Mod ayi sò a duma esya ai bënglès boe, abog te ayi yaan ai mod osë anë mbol mod angasye.

Mt 16:28

Makad mina bëbëla na bod bëziṅ bëtëtëlan va, a bëngâyen ki awu, së na bëyen anë Mòn Mod azu a edzoe dzie.

Mt 3:7

Ayen angayen abui bëfarisea ai bësadukea bëzaa asu ṅduan woe, ndò adzo ai bò na: «A mvòṅ nyòò nyi, za alëb mina na mitub olun wazu?»

Lk 2:25

Ndò hm, mod ziṅan gabë a Yerusalem dzoe na Simeon, mod te atoa sosoo, atoa fë mod ngogëlan, ayanga evòli Israel, Mfufub Nsisim atoa abë nyè.

Lk 3:7

Angabë adzoo ai e bod bëngamana bugi na bazu duuban abë nyè na: A mvòṅ nyòò, za alëb mina na mitub olun wazu?

Bisye bi Apostel 1:11

bò na: «A Bod ya Galilea, dze mitëlë, mibëbëgë a yob? E Yesus ya avaaban mina a yob nyò, nala ngò ayi sò, e kan mihë yen akëlë a yob».

Bisye bi Apostel 17:31

amu angatele amos ya ayi tsig si-ndon ntol a sosoo, abë e mod angatele, avëë nyè ndi a bod bësë, mbol angakuli nyè a bëkon.

Bisye bi Apostel 2:24

ṅnyè hm Zamba angakuli a sòṅ, atii angatii mësuṅ më awu, mbol awu angabë ki nyè dzam bi nkom.

Bisye bi Apostel 2:32

Yesus te ṅnyè Zamba avëlë a bëkon, ṅnyè bia bësë binë bëbòòlò boe.

Bisye bi Apostel 3:15

mingawoe mbonde enyiṅ; ṅnyè Zamba akuli a bëkon, ndò bia bënë bëbòòlò boe.

Bisye bi Apostel 3:21

ṅnyè yob layean soan ai nyè, akui abog e mam mësë Zamba angakòbò a kòm ya kòm a anyu mimfufub bëprofet boe matoban.

Bisye bi Apostel 4:10

mina bësë hm, ai ayòṅ Israel asë, yëman na a dzoe Yesus Kristus man Nazaret ya mina mingabomë a klos, ndò Zamba angavëlë nyè a bëkon, a dzoe die ngò e mod nyò atëlë mina mvoè osu.

Roma 1:4

bëtele nyè na anë mòn Zamba ai ngul mfag ya Mfufub Nsisim, atarigi a akui-lë sòṅ bëwu, Yesus Kristus Nti waan;

Roma 2:7

E ba bandzëki ku sòm, bësye mbëṅ, bëdzëṅë hë duma, ai olugu, ai enyiṅ kole, mbò ayi vë enyiṅ kòm,

Roma 4:25

Yesus te angakabëban asu minsëm mian, ahëlëban asu mëkyëbë man.

Roma 8:34

Za ayi kpèè a adzo? Kristus Yesus angawu, abadan afëdan, akui a sòṅ, ṅnyè anë a mbo-nnomo esya, akogëlan asu daan.

1Kor 1:7

akyaè yë na e mina ya miayanga na Nti waan Yesus Kristus ayi kulan, tò efaè akab ziṅ yadzëman ki fë mina.

Galati 3:13

Kristus angakode bia a eyòg ya mvende, ndò emen angavëṅan eyòg asu daan, mbol anë ntilan na: Amala ai e mod osë akëlë a ele,

Filipi 3:20

Amu dzal daan anë a yob, awe ngò fë biayanga nkode, Nti Yesus Kristus,

Kolosi 1:18

Anë nlo nyòl, nyòl ya enë nda Zamba. Ṅnyè anë mëtari, ntol ya bëkon, Asu yë na atëbë osu a mam mësë,

1Tes 1:7

e kan yë na mintoa ya mvulna asu bëyëbe bësë a Masedonia ai a Akaia.

1Tes 2:16

bëkaman ai bia na bilèè ai bëhaiden asu yë na bëkodeban, asu te badzala taṅ minsëm dzaban kòm esë. Olun osò ya bò a nyòl ntud ntud.

1Tes 2:7

tò anë mbol bibëlë ngul ya alëdë ngul dzaan na binë apostel bë Kristus, dzam da ndò bingavëṅan ban bòngò a zaṅ dzaan, anë eyòṅ nyia-ntòṅ afolo bòn boe,

1Tes 5:9

Amu Zamba andzëki bia komëzan asu olun, angakomëzan bia asu yë na bibi akode asu Nti waan Yesus Kristus,

2Tim 4:1

Matëbëlë wa, a mis më Zamba ai a mis më Kristus Yesus ya ayi bò nkat bënyiṅ ai bëwu a asò-lë die ai edzoe dzie.

Titus 2:13

biyanga mvomvòm afidi ai asò-lë duma Zamba nen ai nkode waan Yesus Kristus

Ebrea 10:27

hë na biayanga nkat ai mësis, ndò fë ngul ndoan yayi digi e bod ya ngam ya ayat.

Ebrea 9:28

nala ngò fë Kristus ya bëngatuni eyòṅ dzidzia ayi sò eyòṅ bèè, asu yë na avaè minsëm mi abui bod, së ki asu adzo minsëm; azu asu yë na akode e ba ya bayanga nyè mfaṅ.

Petrus osu 1:21

Asu die ngò mibële afidi abë Zamba ya angavëlë nyè a bëkon, avëë nyè duma, antoa hm na ṅyëbë waan ai afidi daan binë abë Zamba.

Petrus osu 1:3

Ngaṅ ai Zamba esya Nti waan Yesus Kristus ya angabò na, a ṅyian abui ngòl die, midugan byali a vëvëë afidi ai akui-lë sòṅ Yesus Kristus a bëkon,

Petrus osu 2:21

Amu ndò bëngaloe mina ai dò, amu Kristus angadzugi mintye asu daan, aligi mina mvulna asu yë na mibie nyè e hom atele mëkol,

Petrus osu 3:18

Amu Kristus emen angabi mintye asu minsëm hë eyòṅ dzia, sosoo mod asu bod bë nkòt, asu yë na akë ai bia abë Zamba; bëngawoe nyè a nyòl, adugan bëlë enyiṅ a nsisim.

Petrus bèè 3:12

miyanga, mifëbë mëlu më asò-lë amos Zamba; asu amos te ngò yob wayi kab ndoan, omana nyami, byem binganyami ai ndoan.

Petrus bèè 3:14

Asu te, a mindindiṅ miama, mbol miayanga e mam ma, dzëṅan ai ngul esë na akòb mina ai mvoè, tègè ai atòn, tègè ai mvit;

Ekuli-mam 1:18

e mod avëë, mëngabë ṅwuan, dzam da yënë, mëvëë a bisëb bisëb, ndò fë mëbëlë bidibiga ya awu ai e bi ya Hades.

Ekuli-mam 1:7

Yënë sik, azu ai minkut, ndò dis asë layi nyè yen, tò ben e ba bëngatubulu nyè; abog te mëyòṅ mësë ya si mayi nyè yëb. Owe, amen.