1Kor 9:21 - MKPAMAṄ AMVOE Nouveau Testament en langue Ewondo 2012

²¹ E ba ya babëlë ki mvende, mënyiṅi ai bò anë mabelë ki mvende, ma mëbëlë të mvende Zamba, mbol mënë a mvende Kristus, asu yë na mëdudu e ba babëlë ki mvende.

1Kor 9:21 Iomraidhean Croise

Bisye bi Apostel 15:28

Amu tò bia, tò Mfufub Nsisim, biayen na biayean ki mina dugan bag mbëgë mfë olodo abim layean, na:

Bisye bi Apostel 16:4

A bëkëlë bakë a bëtisòn ha, bëbendëge bò na bëkala oyili ya apostel ai bënyia-bod-mvia bëngayili a Yerusalem.

Bisye bi Apostel 21:25

Asu e bëhaiden bëngavëṅan, bia bëben bingatil bò, biyënë na bayean saala e tsid bëngatuni bëzëzë bëzamba, bësaala mëki, ai mintui biyëm, ai bisog.

Roma 2:12

E ba bësë bëngasëm, të yëm mvende, bò bayi fë dzaṅ të yëm mvende. E ba ki bëngasëm a mvende, bayi bò tsig ntol a mvende.

Roma 2:14

Amu yë na, eyòṅ e bëhaiden ya babëlë ki mvende babò mam më mvende hë mbol nnëm walëdë bò, tò anë babëlë ki mvende, bò bëben bënë mvende dzaban.

Roma 7:22

Amu mawog mintag ai mvende Zamba asu nnëm wama.

Roma 7:25

Maa ai Zamba a dzoe Yesus Kristus Nti waan. Antoa hm na, hë ma ma, masye mvende Zamba a nsisim, ma fë mësye mvende nsëm a nyòl.

Roma 8:4

asu yë na abende nsëm adzalëban abë bia ya biawulu ki anë nyòl yayi, biwulugu anë nsisim wayi.

Galati 3:2

Abim te ndò mayi na mayëm abë mina. Yë minganòṅ Nsisim asu mbaalan mvende, yë asu mingawog ṅyëbë bëyedëgan?

Galati 6:2

Bëgan mina mina mimbëgë, nala ngò miayi dzala mvende Kristus.

Ebrea 8:10

Amu amvoe di ndò mayi lad ai nda Israel a mvus mënda mëte, Nti ṅnyè akòbò nala. Mayi bò fudi mëmvende mama a nnëm, mëtil mò a minnëm miaban, abog te mayi bò Zamba waban, bò bëbò fë ayòṅ dama.