1Kor 6:2 - MKPAMAṄ AMVOE Nouveau Testament en langue Ewondo 2012

² Nga miayëm na mimfufub miayi tsig ntol si-ndon? Ndò hm ngë mina miayi tsig ntol si-ndon, mina tègè ai e ngul miatsig ban mëdzo nga?

1Kor 6:2 Iomraidhean Croise

Mt 19:28

Yesus nyè ai nyè na: Makad mina bëbëla na, e mina ya miabie ma, a enyiṅ yazu, eyòṅ mòn mod ayi tòbò a etoa duma dzie, mina miayi tòbò a bitoa awom ai bibè na miatsig mënda më bod më Israel awom ai mëbè ntol.

Lk 22:30

asu yë na midi, minyu a tëbëlë wama a edzoe dzama, mitòbò fë a bitoa bi edzoe, mitsigi ntol mënda më bod më Israel awom ai mëbè.

Roma 6:16

Nga miayëm na, eyòṅ miavëṅan mod ziṅ olò na miawog nyè, mintoa fë olò e mod miawog, ngë olò nsëm, mikëlë a awu, ngë olò mëwog, mikëlë a mëkyëbë?

1Kor 1:20

Mfëfëg onë hm ve? Nsaṅa bëkalara anë ve? Mod mimfèd ya e ndon nyi anë ve? Zamba andzë ya vëṅan feg ya e si nyi akud a?

1Kor 1:21

Amu, mbol ya si-ndon, ai fëg dzaban, bandzëki yëm Zamba a fëg dzie, ndò Zamba angayen dò mbëṅ na akode e bod bayëbë ai akud foe bayedan di.

1Kor 6:4

Eyòṅ mibëlë akyaè ban mëdzo di, yë miatele e bod bënë tègè ai ndòṅ a nda-Zamba na mbò bëtsig ntol te?

2Kor 4:18

biabëbë ki e byem bayen, biabëbë e bi bayen ki. E byem bayen binë ndon, e bi bayen ki binë kole.

1Tes 3:13

asu yë na ayëm mina minnëm a kpiim, mibò të ai atòn a enyiṅ mimfufub a mis më Zamba, esya waan, eyòṅ Nti waan Yesus ayi sò ai mimfufub mie misë. Amen.

Ekuli-mam 20:4

Ndò mëngayen bitoa bi ati, bod bëtoa ete, a bëngavë bò nkat, ai minsisim mi e bod bëngatsig minlo asu mbòòlan ya babòòlò Yesus ai asu ebug Zamba; Bò bandzëki lugu tsit afan ngë evëgëlë dzie, ndò fë bandzëki nòṅ ndëm a mvòm-asu dzaban ngë a wò waban. Ndò bënganyiṅ, bëdzoe ai Kristus anë minkukuma a taṅ tòzin bisëb.

Ekuli-mam 3:21

Mayi bò na zingi etòbò ai ma a etoa-ati dzama, akyaè ya mamen mëngakui zingi, mëtòbò fë ai Tara a etoa-ati dzie.