1Kor 6:11 - MKPAMAṄ AMVOE Nouveau Testament en langue Ewondo 2012

¹¹ Nala ngò bëvòg ya abë mina bëngabë. Ndò mingawòbòban ya, mintoa mimfufub, mikyëbë a nkat a dzoe Nti Yesus Kristus ai abë Nsisim Zamba waan.

1Kor 6:11 Iomraidhean Croise

Mt 20:4

Nyè ai bò na: Mina fë kaṅan a afub wayn dama, mayi yaan ai mina mbol wayean.

Lk 18:14

Makad mina: e nyò angadugan a nda dzie mfuban alodo e nyò mbòg. Amu e mod osë abede emen ayi dzòdiban, e nyò adzòdi emen ayi bedëban.

Yohannes 13:10

Yesus nyè ai nyè na: E mod awòbò ya ayaṅan ki ai mëwòbò, ayaṅan hë ai nsoban mëkol, amu anë mfuban mfuban. Ndò fë mina minë mfuban; së hm ki mina bësë.

Yohannes 13:8

Petrus nyè ai nyè na: waangâsob ki ma mëkol tò eyòṅ. Yesus nyè ai nyè na: Ngë mandzëki wa sob mëkol, wabëlë ki ngab ai ma.

Yohannes 5:4

]

Bisye bi Apostel 13:39

e mod osë ayëbë nyè, abi mëkyëbë.

Bisye bi Apostel 22:16

Ndò hm, etoa dzi, asu dze wayanga? Kodogo a si, oduuban, minsëm mie mivaaban eyòṅ waloe dzoe die.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.

Roma 3:24

ndò hm bakyëbë a nkat a zëzë ai maa woe ya ayenëban a akode lëngasò abë Yesus Kristus.

Roma 4:5

Asu e mod andzëki sye, ayëbëgë e mod abò na mbë mod akyëbë a nkat, ṅyëbë woe walaṅëban nyè na akyëbë a nkat.

Roma 5:1

Ngë biakyëbë a nkat etòm ṅyëbë, bibëlë mvoè ai Zamba a zaṅ Nti waan Yesus Kristus;

Roma 5:9

Abadan afëdan na, bikyëbë a nkat ai mëki moe, ayi bia kode a olun woe.

Roma 8:30

E ba ya angatòb nala, mbò fë angaloe. E ba ya angaloe, mbò angatele a etye sosoo, mbò angavë duma.

Roma 8:33

Za ayi sòman e ba ya Zamba angatòb? Zamba ṅnyè hm atele a etye sosoo.

1Kor 1:2

abë nda-Zamba ya enë a Korinti, a bënë mfuban abë Kristus, bëloeban na bëbò mimfufub , abaman ai e bod bësë baloe dzoe Nti waan Yesus Kristus hom osë, ya anë Nti waban atoa fë engoan.

1Kor 1:30

Ṅnyè abò na mitòbò abë Kristus Yesus ya anë bia e fëg yasò abë Zamba, mëkyëbë ai mfuban, ai akode,

1Kor 12:2

Miayëm na, hala mingënë bëhaiden, mingabë fò hë atoṅ mimvumvug bëzëzë bëzamba.

Galati 2:16

Biayëm na mod abëlë mëkyëbë asu mimboan ya mvende, hë asu ṅyëbë Yesus Kristus, ndò bia bingayëbë Yesus Kristus asu yë na bibëlë mëkyëbë a ṅyëbë biayëbë Kristus, së ki a mimboan mi mvende.

Galati 3:11

Na Zamba atele ki mod a etye sosoo hë asu mvende, biayen dò ha na: Sosoo mod ayi nyiṅ hë a ṅyëbë.

Galati 3:24

e kan yë na mvende engabò bia nlëdë-zen abë Kristus, asu yë na bibi mëkyëbë mësòò a ṅyëbë.

Galati 3:8

Ntilan ongayen dò osusua na Zamba atele bëhaiden a etye sosoo hë ai ṅyëbë, ndò angatari kad Abraham mbëmbë foe na: Mëyòṅ mësë mayi bi maa abë wa.

Ef 5:26

asu yë na afubu dzò, amana dzò bò mfuban a ṅwòban mëndim a nkòbò,

Ef 5:8

Amu mingabë dibi osusua, etoa dzi, minë mfyè abë Nti. Nyiṅan anë bòn bë mfyè,

2Tes 2:13

Bia biayean hm kaṅ Zamba kòm esë asu daan, a babëdzaṅ ya Nti adiṅ, amu Zamba angatòb mina na mibò mintol asu akode a mfuban ya Nsisim ai ṅyëbë bëbëla,

Ebrea 10:22

nkaṅan hm osu ai mfaṅ nnëm, ai mfaṅ ṅyëbë, bimana vaè mbë sosoo a minnëm, bimana fë sob nyòl a mimfuban mëndim.

Ebrea 10:29

Za akyaè abe endëgëlë miatsog na e mod nyò ayean ai dò, a abisi ki mòn Zamba, akubu fë eboe a mëki më amvoe ya bëngafubu nyè ete, abèan fë Nsisim maa?

Ebrea 2:11

Amu e mod afubu ai e bod bafububan, bësë batye abë mod mbòg. Asu te awog ki osòn na aloe bò na babënyaṅ,

Petrus osu 1:2

Bënë ntòban a etilga Zamba esya abë Mfufub Nsisim asu mëwog ai asu mmiaman mëki me Yesus Kristus. Maa ai mvoè ebòò abë mina etitib.

Petrus osu 1:22

Mbol mingamana ya sob minsisim mian mfuban mfuban a mëwog me bëbëla asu ediṅ babëdzaṅ yasëki mëdugan, diṅan hm mina mina mfaṅ ben, asòò mina a abum a si;

Petrus osu 3:21

Ṅduan ya onganòṅ mvulna ete ngò hm wakode mina etoa dzi, së ki na wavaè mina mvit a nyòl, dzam da onë ndzaan ya biadzaè Zamba nnëm sosoo onë a saaṅ, asu akui-lë sòṅ Yesus Kristus

1Yoh 2:12

A ban bòngò, matil mina asu yë na minsëm mihaban mina asu dzoe die.

Ekuli-mam 1:5

ai abë Yesus Kristus, wusnèt, mod-afidi, ntol bëwu ai ndzoe minkukuma ya si. E mod angadiṅ mina, atii mina a minsëm mian ai mëki moe,

Ekuli-mam 7:14

Ma ai nyè na: A Nti wama, wa wayëm dò. Nyè ai ma na: Mbò basò a mod ndzug eyëgan, ndò bëngamana sob biwòman biaban, bëmana bò na bifum a mëki më ntomba.