1Kor 5:1 - MKPAMAṄ AMVOE Nouveau Testament en langue Ewondo 2012

¹ Badzo dzo na bisog binë abë mina, e kan bisog esë së ki a zaṅ bëhaiden, na mod ziṅ atoa ai mininga esya.

1Kor 5:1 Iomraidhean Croise

Bisye bi Apostel 15:20

bëtil bò hë ntilan na bësaala bëzëzë bëzamba, ai bisog, ai e tsit bëbòòlò kiṅ, të dzò tsig, ai mëki.

Bisye bi Apostel 15:29

asaala biyëm batuni bëzëzë bëzamba, ai mëki, ai e tsit bandzëki tsik kiṅ, ai bisog; ngë misaala mò, miabò mbëṅ. Mitòbògò mvoe.

1Kor 1:11

A babëdzaṅ, bod ya nda-bod Kloe bëngamana ma kad na mibëlë bitòm a mina mina we.

1Kor 5:11

Mëngatil na të miabaman fufulu ngë mod ziṅ adzo na anë manyòṅ hë da atoa mod bisog, ngë ndòg, aluugu bëzëzë bëzamba, mod bifofodan, ngë nsògò mëyòg, ngë akoe, të miadidi ai akyaè te fufulu.

1Kor 6:13

Bidi biawoge ai osaṅ, osaṅ otoa asu abum. Ndò Zamba ayi ndaman e dzi, andaman fë e dzi evòg. Nyòl yawoge ki ai bisog, yawoge ai Nti, Nti atoa asu nyòl.

1Kor 6:18

Tuban bisog. Nsëm osë mfë mod abò, abò ki wò a nyòl dzie. E mod abò bisog, asëm a nyòl dzie eben.

1Kor 6:9

Yë na miayëgan na bod bë abe bayi ki bi ngab-elig edzoe Zamba? Të miatòbò a ndimi hala: tò bod bisog, tò bëlugu bëzëzë bëzamba, tò bod bë ngòbinda, tò e fam yaboman bò bò, tò e bininga baboman bò bò,

2Kor 12:21

Mambara na eyòṅ mayi dugan sò, Zamba wama adzòdi ma a mis maan, ai na mëbò a mëlunga asu abui bod ya bakë ai minsëm miaban osu, bò të tsende mbë enyiṅ, ai bisog, ai ebamba bëngabë bëbòòg.

2Kor 2:5

Ngë mod ziṅan gabò na bëwog olun, së ki ma angabò dò, dzam da, asu yë na të madaṅ dò yin abui, ndzoan na mina bësë angabò dò.

2Kor 7:12

Ndò, tò anë mëngatil mina, së ki asu e mod angabò abe, ngë asu e nyò bëngabò abe, angabë asu yë na osësa ya abë mina asu daan oyene mina a ngëëṅ a mis më Zamba.

Galati 5:19

Mimboan mi nyòl miayene a ngëëṅ, mmiè minë na: bisog, fulu mvit, tègè ai akomdo,

Ef 5:3

Të batud adzo bisog ngë mam më mvit ngë nnëmëna ziṅ abë mina, akyaè layean bò a zaṅ mimfufub.

Kolosi 3:5

Woean hm bidzo ya si, bisog, enyiṅ mvit, bëbe mintsogan, bëbe miṅyian, ndòg akuma, nala onë olugu bëzamba,

1Tes 4:7

Amu Zamba andzëki bia loe asu mam më mvit, angaloe bia asu mam më mfuban.

Ekuli-mam 2:21

Ndò mavë ya nyè abog na atsende enyiṅ, ndò ayi ki na avëṅan a bisog bie.

Ekuli-mam 21:8

Mfag miṅwowòṅ a i e ba bayëbë ki, e ba babò bëbe bë mam, bëwoe bë bod, bod bë ebamba, bod mëbiaṅ ai e ba balugu bëzamba ai e ba bësë babò minnal, ngab dzaban enë etëtag yadig ndoan ai sulfur; awu bèè dili.