1Kor 4:5 - MKPAMAṄ AMVOE Nouveau Testament en langue Ewondo 2012

⁵ Asu te, të miatam tsig ntol ziṅ, ntye Nti abëki sò, ṅnyè ayi fyè e byem bisòlò a dibi, akuli miṅyian ya minnëm a ngëëṅ. Abog te Zamba ayi taman mod osë.

1Kor 4:5 Iomraidhean Croise

Mt 10:26

Të miambara bò. Dzom ziṅ esòli ki, a yangâkui ki a ngëëṅ; e dzi enë a asoe yayi yëmban.

Mt 24:30

Abog te hm ndëm mòn mod yayi yenëban a yob, abog te mëyòṅ mësë ya si mayi tòbò a mëlunga, bëngayen mòn mod azaa a minkut ya yob ai ngul, ai duma asë.

Mt 24:46

Mvòm ai mod bisye te ya esya nti ayi sò kòb atoa a asu esye die.

Mt 25:21

Esya nti woe nyè na: Abëṅ adzo, a mbëmbë ewolo mbò esye, mbol oyëm bëlan ai ban mam, mayi wa tele e mam mënë ai mfi abui. Zaa tag ai esya nti woe.

Mt 25:23

Esya nti nyè na: Eyëgan mbëṅ, a mbëmbë ewolo mbò esye, wabò okala ai amëmam, mayi wa bò nkala e mam mënë anen. Zaa tag ai esoa nti.

Lk 6:37

Ndò fë të miatsig ntol, abog te bayi ki mina tsig ntol. Të miakpèè bod a mëdzo, abog te bayi ki mina kpèè a mëdzo. Dzuan, abog te bayi mina dzu.

Yohannes 21:22

Yesus nyè ai nyè na: Ngë mayi na alaṅan akëlë kui anë madugan zu, dze yabëbë wa ete? Mfag woe, biege ma.

Yohannes 21:23

Foe eyaman hm fò a zaṅ babënyaṅ na ṅyègè te ayi ki wu. Yesus nyè andzëki dzo na ayi ki wu, angadzo hë na: Ngë mayi na alaṅan akëlë kui anë mazu, dze yabëbë wa ete?

Yohannes 5:44

Eyë minë dzam ṅyëbë ya, eyòṅ mianòṅan duma a mina mina, dzam da të dzëṅ duma mbaṅ mòn Zamba?

Roma 14:4

Wa onë za na wazu dzòs ezaa mbò-esye? Tò atëlë, tò aku, adzo Nti woe. Ayi hm tëbë, amu Nti abëlë ngul ya atele nyè.

Roma 2:1

Asu te, a e mod watsig ntol, wasëki ai bidzuga. Amu eyòṅ watsig e mod mbòg ntol, wakpèè wamen a adzo, amu e wamen watsig ntol, wabò fë mam mëte.

Roma 2:16

amos ya Zamba ayi tsig ntol e mam më bod ya mësòlò ai mbëmbë foe wama abë Yesus Kristus.

Roma 2:29

dzam da man Yuden anë e dzi esòlò, ndò fë nkëlan ya nnëm onë a nsisim, së ki a e mvende enë ntilan; Olugu woe asò ki a bod, asò abë Zamba.

Roma 2:7

E ba bandzëki ku sòm, bësye mbëṅ, bëdzëṅë hë duma, ai olugu, ai enyiṅ kole, mbò ayi vë enyiṅ kòm,

1Kor 1:7

akyaè yë na e mina ya miayanga na Nti waan Yesus Kristus ayi kulan, tò efaè akab ziṅ yadzëman ki fë mina.

1Kor 11:16

Ngë mod ziṅ atsog na anë dzam laṅëdan adzo di, ma makad mina na tò bia, tò mënda më Zamba mabëlë ki fulu te.

1Kor 11:26

Amu eyòṅ esë miadi mbaṅëla nyò, minyaa fë kòb, miayedan awu Nti akëlë kui anë azu.

1Kor 15:23

Mod osë hm a etye dzie: Kristus anë ntol, a mvus hala, e bod bayi tòbò ai Kristus eyòṅ adugan sò,

1Kor 3:13

esye mod osë yayi kui a ngëëṅ, amu biayi kuban a ndoan. Amu, e kan esë esye mod enë, ndoan yayi dzò fial.

1Kor 3:14

Ngë esye ziṅ ya mod abò mëloṅ elaṅan etoa, ayi bëlë maan.

1Kor 3:8

E mod abè ai e nyò awòdan bënë dzom dzia, dzam da mod osë ya abë bò ayi bi maan moe akyaè angasye.

2Kor 10:18

Amu së ki e mod ataman emen ṅnyè bakam, hë e mod fò Nti ataman.

2Kor 10:9

Mayi ki na mayene anë masii mina ai bëkalara.

2Kor 4:2

bingadzoge fò hë e mam basòli asu osòn, bia të wulu ai mëkëṅ, tò ki a tsende ebug Zamba, dzam da, mbol biakad bëbëla a ngëëṅ ngò wayi bò na bod bëse bëyëbë bia a mis më Zamba.

2Kor 5:10

Amu bia bësë biayi yean kë tëbë a etoa nkat Kristus osu, asu yë na mod osë abëlë maan ya e mam angabò a nyòl, tò mbëṅ, tò abe.

1Tes 5:2

amu mina bëben miatoan yëm na amos Nti wayi sò anë ṅwuwub wazu ai alu.

Ebrea 4:13

ndò fë ekokoma ziṅ esòlò ki a mis moe, dzom esë enë nsò, etoa a ngëëṅ a mis moe; ṅnyè hm biayi dzoan ai nyè.

Yakobus 4:11

A babëdzaṅ, të mialaṅan bibug. E mod alaṅ manyaṅ ebug ngë ki na atsig ntol manyaṅ, alaṅ mvende ebug ndò fë atsig mvende ntol. Ngë watsig hm mvende ntol, wasëki mbaala mvende, ontoa ya ntsigi-ntol.

Yakobus 5:7

Tòbògan hm fin akëlë kui a asò-lë Nti. Tama yen anë mbè mëfub ayanga bibuma ya si, a biabi nyè a nnëm, ai fin esë, akëlë kui anë abi biè abog oyon ngë ki na a mëtye më mbu.

Yakobus 5:9

A babëdzaṅ, të miakòṅan mina mina, asu yë na mizaa bi nkat. Ntsigi-ntol antëlë ya a mbè a si.

Petrus osu 1:7

asu yë na ndëm ṅyëbë waan ebò asu mëngëmë ai duma ai olugu eyòṅ Yesus Kristus ayi kulëban. Ṅyëbë waan te onë ai mfi abui alodo e mvòt ya enë dzam ndaman, dzam da bëngakiègè të wò a ndoan.

Petrus osu 5:4

Eyòṅ ṅnòni nen ayi sò a ngëëṅ, miayi bi ekada e duma lamana ki.

Petrus bèè 3:12

miyanga, mifëbë mëlu më asò-lë amos Zamba; asu amos te ngò yob wayi kab ndoan, omana nyami, byem binganyami ai ndoan.

Petrus bèè 3:4

bò na: Eyë e ngaga asò-lë die enë ve? Amu anë bëtara bëngawu, mam mësë mënë fò hë anë akèègè a mëtari më akomo-lë yob ai si.

Yudas 1:14

Enok angakòbò adzo daban anë profèt, ngongo ebulu atarigi abë Adam, nyè na: Yënë, Nti angasò ai mimfufub minkunda mie,

Ekuli-mam 1:7

Yënë sik, azu ai minkut, ndò dis asë layi nyè yen, tò ben e ba bëngatubulu nyè; abog te mëyòṅ mësë ya si mayi nyè yëb. Owe, amen.

Ekuli-mam 20:12

Ndò mëngayen mimbim, tò bòngò tò bënyia-bodo, bëtëlë etoa-ati osu. Ndò bëkalara bëngayaaban, ndò fë kalara mfë angayaaban, ṅnyè anë kalara enyiṅ, ndò bëngatsig bëwu ntol ai e mam mëngabë ntilan a bëkalara, akyaè ya mimboan miaban mingabë.