1Kor 3:9 - MKPAMAṄ AMVOE Nouveau Testament en langue Ewondo 2012

⁹ Amu biasye fufulu ai Zamba, mina minë afub Zamba ai nda-Zamba.

1Kor 3:9 Iomraidhean Croise

Mt 15:13

Ndò angayalan na: Ele esë ya tara ya yob andzëki bè, yayi tieban a si.

Mt 16:18

Ndò makad wa na: Onë Petrus, ndò mayi loṅ nda dzama a akòg te a yob. Ngul mimbè ya tolendoṅ yangâtègè ki dzò.

Mt 9:37

Ndò azu dzo ai bëyègè boe na: Mëkoe bidi mënë abui, bëbò bisye abòd.

Mk 16:20

Bò bëtye hm na bakë bayedan mbëmbë foe hom osë, Nti asye ai bò, ebug dzò elada minkaṅa i mësimba mëbòban ete. Amen.

Bisye bi Apostel 4:11

Ṅnyè anë akòg ya bia bëloṅ bë nda binga woa a fyè, ndò avëṅan ya nnomo akògò.

1Kor 3:16

Nga miayëm na minë tempel Zamba ai na Nsisim Zamba otoa abë mina?

1Kor 3:6

Ma mëngabè, Apollos awòdan mëndim, dzam da Zamba ṅnyè angabò na enaṅ.

1Kor 6:19

Nga miayëm na nyòl dzaan enë tempel Mfufub Nsisim ya atoa abë mina, a Zamba angavë mina, ndò miawoge ki ai mina bëben?

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

2Kor 6:16

Oyili mfe onë a zaṅ tempel Zamba ai tempel bëzëzë bëzamba? Bia bëben binë tempel Zamba ya avëë, akyaè ya Zamba adzo na: Mayi tòbò abë bò, mëwulugu bò a zaṅ, Mayi bò Zamba waban, Bò bëbò ayòṅ dama.

Ef 2:10

Amu binë ekokoma dzie, bingakomban abë Kristus Yesus asu mimbëmbë mimboan ya Zamba angatari komëzan asu yë na biwulu ete.

Kolosi 2:7

milada minkaṅa bë nyè, mingabedëban anë mimfim abë nyè, miyëmë a ṅyëbë anë bëngayëgëlë mina, mifuguzu a mvëṅan ngaṅ.

1Tim 3:15

Ngë mëtëgëlan, oyëm hm mbol wayean bò a nda-Zamba, endzò enë nda e Zamba avëë, nnom andie ai tin bëbëla.

Ebrea 3:6

Kristus nyè angabë hm mod afidi a nda dzie a etye mòn. Bia hm binë nda dzie, ngë bibëlë azombo ai enguṅ a fidi daan.

Petrus osu 2:5

mina bëben, mbol minë bëvëvë mëkòg, boan na bëloṅ mina anë nda ya nsisim, asu yë na mivëṅan mfufub ayòṅ bëfada, mituni Zamba mëtunëṅa më nsisim ya ayëbë asu Yesus Kristus.

3Yoh 1:8

Mfag waan, biayean kè kan bod te, asu yë na bibò esye dzia ai bëbëla.