1Kor 3:10 - MKPAMAṄ AMVOE Nouveau Testament en langue Ewondo 2012

¹⁰ Ai e maa Zamba bëngavë ma, ndò mëngamana fag bibe, mëtari mëloṅ anë mfëfëg nloṅo-mënda, mod mfë angazu kë ai mëloṅ osu. Mod osë abò okala akyaè abò mëloṅ.

1Kor 3:10 Iomraidhean Croise

Mt 24:45

Za anë mfëfëg ai mbëmbë mod bisye ya esya nti atele na abaala nyè akuma, avaa bod ya nda bidi a abog layean?

Mt 7:24

E mod osë awog bibug biama anyiṅi fë anë biadzo, bëngahëg nyè ai mfëfëg mod ya ongaloṅ nda dzie a nkom.

Lk 11:35

Bò hm okala na të mfyè ya onë abë wa ovëṅan dibi.

Lk 21:8

Nyè na: Boan okala na të miadimi. Amu abui bayi sò a dzoe dama, bò na: Mamen, ai na: Abog asubu ya babi. Të miakë miatoṅ bò!

Bisye bi Apostel 18:27

Mbol ayi na adaṅ a Akaia, babënyaṅ bëwogo fò nala mbëṅ, ndò batil bëyègè na bëbëlan ai nyè; Angayi kui we, angavòli bëyëbë abui ai maa.

Roma 1:5

Abë nyè ngò binganòṅ ntotomamaa ai esye apostel asu yë na, a dzoe die, biyëgëlë abò mëwog a ṅyëbë a zaṅ bëhaiden bësë.

Roma 12:3

Amu makòbò ai mod osë ya abë mina a ngul e maa ya bëngavë ma, na të miadaṅ kam mina bëben alodo anë mod onë dzam tsog, dzam da tsogan abim layean ai nnëm, akyaè ya Zamba angavëg mèra ṅyëbë asu mod osë.

Roma 15:15

Dzam da, mëtil mina ai kiṅ mvam a mëboda mëziṅ na mëdugan mina dò tsog, ai e maa Zamba angavë ma

Roma 15:20

ndò mëngayag na mëyedan mbëmbë foe e hom ongabë na babë ya ki yëm dzoe Kristus, asu yë na mëzaa kë loṅ e hom mod mfë angatari mëloṅ,

1Kor 3:11

Mod asëki dzam tele tin mfim ziṅ fë alodo anë e nyi entëlë ya, ndzò hm enë Yesus Kristus.

1Kor 9:2

Tò masëki man apostel asu e bod bëvòg, mënë man apostel asu daan. Amu minë tiga esye apostel dzama abë Nti.

2Kor 10:15

Biabò ki enguṅ nnëmëna ai eza esye, dzam da afidi daan anë na, anë ṅyëbë waan waanaṅa bë mina, esye dzaan enaṅ fë nala abui.

Ef 2:20

amu e nda minë, engaloṅëban a apostel ai bëprofèt a yob, Yesus Kristus ṅnyè anë nnom andie ya mëloṅ mëte,

Kolosi 1:29

Asu te mawu esye, mëluman a nkoṅ e ngul dzie yasye ma a nyòl ai fim esë.

Kolosi 4:17

Kadan Arkipus na: Odzëṅ na odzala esye ya ongabi abë Nti.

1Tes 3:2

ndò bingalom Timoteus, manyaṅ waan, asye fë ai Zamba fufulu a mbëmbë foe Kristus asu yë na awone mina, avòli fë mina a ṅyëbë waan,

1Tim 4:16

Otoan kala wamen ai ayëgëlë doe, oyëm ete a kpiim. Amu eyòṅ wabò nala, wayi kode wamen ai e bod bavogolo wa.

2Tim 2:15

Luman fò ai ngul na obò zingi a mis më Zamba, mbò-esye ya abëlë akalëga osòn, akada ebug bëbëla a kpaam.

Yakobus 3:1

A babëdzaṅ, të abui ya abë mina babò esye bëyëgëlë, amu miayëm na e bia ya biabò esye te biayi bi nkat onë alèd abui.

Petrus osu 4:11

Ngë mod asye babënyaṅ, lëbòò hë anë e ngul ya Zamba avë, asu yë na Zamba abi olugu a mam mësë asu Yesus Kristus; duma ai ngul bibòò ai nyè a bisëb bisëb. Amen.

Petrus bèè 3:15

Yënan fë na fin Nti waan enë akode, akyaè ndindiṅ madzaṅ Paulus angatil mina ai e fëg bëngavë nyè,

Ekuli-mam 21:14

Mfim obëlë tin mimfim awom ai ebè, moe awom ai mëbè më apostel awom ai bëbè; Moe mëte mëtoa ntilan ete.

Ekuli-mam 21:19

Tin mimfim mi tisòn nloṅan ai kan abëṅ mëkòg esë. E tin osu: yaspa; e nyi bèè: safir; e nyi lala: kalsedon; e nyi nyiina: maragda;