1Kor 2:6 - MKPAMAṄ AMVOE Nouveau Testament en langue Ewondo 2012

⁶ Biakòbò mam më fëg ai e bod bëwolobo ya, së ki fëg ya e si-ndon nyi, ngë ki e nyi e bod bë ndon badzoe e si-ndon nyi.

1Kor 2:6 Iomraidhean Croise

Mt 13:22

E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma.

Mt 19:21

Yesus nyè ai nyè na: Ngë wayi hm fò bò ateen, këlë kuan ai akuma doe, ovë mimbumbua, eyòṅ te wayi bi etòg akuma a yob, abog te ozu watoṅ ma.

Mt 5:48

Tòbëgan a saaṅ anë mbol Tara waan ya yob anë a saaṅ.

Lk 16:8

Ndò esya-nti angataman ndzodzongo nkala-byem hi, amu angasye ai mëkëṅ. Amu bòn bë e si nyi balod bòn bë mfyè a fëg eyòṅ bënë a zaṅ mvòṅ dzaban.

1Kor 1:28

Zamba atòbò e dzi enë dzëdzaa, ai e dzi babyandi a si mu, e dzi balaṅ ki a taṅ, asu yë na asole e dzi balaṅ a taṅ,

1Kor 12:8

Amu, e mod nyòlò, Nsisim ovë nyè nkòbò fëg, e nyò mbòg, hë Nsisim te ovëë nkòbò ṅyëman;

1Kor 14:20

A babëdzaṅ, të miabò bòngò a fëg, boan bòngò a abe, boan mintud a fëg.

1Kor 2:1

A babëdzaṅ, eyòṅ mëngasò abë mina, mandzëki mina sòṅ yedan ndimba Zamba ai abui abëṅ bibug ngë fëg.

1Kor 2:13

Mam mëte mmò fë biakòbò, së hm ki ai e bibug ya fëg mod yayëgëlë, biakòbò mò hë ai e bibug Nsisim wayëgëlë, bitimiṅi e bod bawoge ai Nsisim mam më Nsisim.

1Kor 2:8

e nyi ya tò mod ziṅ mbòg ya bëdzoe bë e si nyi andzëki yëm. Amu, ngë bëyëm, ngë bandzëki bomë Nti a klos.

1Kor 3:1

A babëdzaṅ, mfag wama, mëngabë ki dzam kòbò ai mina anë e bod ya Nsisim, makòbò ai mina anë bod bë si, anë ban bòngò abë Kristus.

2Kor 1:12

Amu etòm enguṅ dzaan enë na: a mbòòlan sosoo waan, ai nnëm mòngò, a saaṅ Zamba, së ki ai fëg bod, ai maa woe ngò fò bingawulu a si-ndon, adaṅ adaṅ a fë abë mina.

2Kor 13:11

A babëdzaṅ, a mëmana, tòbògan mintag, tsendëgan mëfulu, bian awonòṅ, boan kiṅ, nyiṅan mvoè, abog te Zamba mvoè ayi bò ai mina.

2Kor 4:3

Ngë eyie ebudu mbëmbë foe waan a asu, ebudu nala asu e bod bakë a ndzaṅ.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Kolosi 1:28

Kristus te ṅnyè bia biayedan, bilëbë mod osë a fëg esë, asu yë na bilëdë mod osë ntud abë Kristus.

Kolosi 4:12

Epafras, mod ya abë mina, asug mina; anë mbò esye Kristus Yesus, aluman fò asu dan kòm esë a ngogëlan asu yë na mitëbë a kpiim, mitòbò fë tègè ai bisoo a ṅyian Zamba osë.

Ebrea 5:14

Mimfaṅ bidi minë asu bënyia-bodo, e ba ya fulu emana ya bò yëmëlë, bëngayëm fyal abe ai mbëṅ.

Ebrea 6:1

Asu te, ntaman dzoge e mam ya mëtari a mabëbë Kristus, bikë a e mam mëwon ya, tègè fë ai na biadugan tele tin mfim asu ntsendan enyiṅ, a mimboan ya minë ṅwuan, ai asu ṅyëbë biayëbë Zamba,

Yakobus 3:15

Fëg te yasò ki a yob, enë fëg ya si, e nyi ya nyòl, fëg Satan.

Yakobus 3:2

Amu biaku abui biyòṅ. Ngë mod ziṅ aku ki mbëg a nkòbò, e nyòlò te anë ntud mod a saaṅ, anë fë dzam ban nguma nyòl osë.

Petrus osu 5:10

Zamba maa asë ya angaloe mina a duma kole die abë Yesus Kristus ayi mina dugan tone eyòṅ midzugi ya mintye man etun abog, awone mina, avëë mina ngul, atele mina a kpiim.