1Kor 15:2 - MKPAMAṄ AMVOE Nouveau Testament en langue Ewondo 2012

² ṅnyè akode mina ngë mitoan nyie e bibug mëngayedan mina nyè ete, ngë anë na miandzëki ṅyëbë ṅyëbë Angòg.

1Kor 15:2 Iomraidhean Croise

Lk 8:13

E ba ya bikok mbò banòṅ ebug ai abui mintag eyòṅ bawog dzò, ndò hm babëlë ki minkaṅ, bayëbë hë man etun, a abog mëbobëla, bëmana ku a ṅyëbë.

Bisye bi Apostel 2:47

bëluugu Zamba, bod bësë bëkama bò. Nti abaag bò e bod bëkodeban a yob amos osë.

Bisye bi Apostel 8:13

Ndò fë tò Simun nyè angayëbë, ndò angaduuban, angalad hm fò Filip a nyòl ha, akama eyòṅ ayënë mëndëm ai mam më ngul mënen mëbòòban.

Roma 1:16

Amu mawog ki osòn asu mbëmbë foe, amu anë ngul Zamba asu akode e mod osë ayëbë, atarigi ai man Yuden, a mvus hala, man Grek.

Roma 11:22

Yënë anë Zamba anë afu-nnëm, atoa fë ayòg. Anë ayòg ai e ba bëngaku. Afu-nnëm Zamba anë wa a nyòl, ngë obò mban a afu-nnëm; ngë tègè ai nala, wayi tsigiban.

1Kor 1:18

Amu anë hm na, asu bod ya ndzaṅ, ebug klos enë nkòbò akud, etoa hm ngul Zamba asu bia ya binë nkodan.

1Kor 1:21

Amu, mbol ya si-ndon, ai fëg dzaban, bandzëki yëm Zamba a fëg dzie, ndò Zamba angayen dò mbëṅ na akode e bod bayëbë ai akud foe bayedan di.

1Kor 11:2

Mataman mina mbol ya miatsog ma a mam mësë ndò fë miabaala e mëtum ya mëngakalan mina.

1Kor 15:14

Ngë Kristus andzëki hm kui a sòṅ, mbendan biabende foe onë evoe, ṅyëbë waan fë hë evoe.

2Kor 2:15

Amu binë mbëmbë enyum Kristus asu Zamba tò a e bod bakodeban, tò e ba bakë a ndzaṅ,

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

Galati 3:4

Yë mingabi mindzug a zëzë? Ndë lëngabë hm fò a zëzë a!

Ef 2:8

Amu minë nkodan a akab a yob ai a ṅyëbë. Dzam te latye ki abë mina, anë efaè Zamba.

Kolosi 1:23

ngë milaṅan a kpiim a ṅyëbë tègè tigibi, tègè fëṅëlan a afidi mbëmbë foe mingawog, a bëngakad a ekokoma esë ya enë a si, mbëmbë foe te hm ma Paulus masye.

2Tes 2:15

Antoa hm na, a babëdzaṅ, tëbëgan a kpiim, mibaala fë e mëtum ya mingayègè, tò a nkòbò waan, tò a kalara waan.

2Tim 1:9

ya angakode bia, aloe fë bia mfufub nloe, së ki hm asu mimboan mian, dzam da mbol emen angadiṅa i asu e maa ya bëngavë bia abë Kristus Yesus osusua bisëb bisëb;

Ebrea 10:23

Ṅyëman a kpiim ai mfaṅ emëm-afidi, amu e mod angavë ngaga anë mod afidi,

Ebrea 2:1

Asu te biayean toan baala e mam bingawog, asu yë na biza kë a elëlëb.

Ebrea 3:14

Amu binganòṅ ya ngab abë Kristus ngë biayëm a kpiim ai azombo ya mëtari akëlë kui a mëmana,-

Ebrea 3:6

Kristus nyè angabë hm mod afidi a nda dzie a etye mòn. Bia hm binë nda dzie, ngë bibëlë azombo ai enguṅ a fidi daan.

Ebrea 4:14

Mbol hm bibëlë mod fada-nen ya angamana daṅ yob, Yesus, mòn Zamba, ṅyëman a kpiim ai emëm-ṅyëbë.

Yakobus 2:14

A babëdzaṅ, mfi dze onë ete, ngë mod ziṅ adzo na abëlë ṅyëbë, hë da tègè bëlë mimboan? Yë ṅyëbë onë nyè dzam kode?

Yakobus 2:17

Nala ngò fë ṅyëbë onë; ngë obëlë ki mimboan, onë fò ṅwuan a nnëm ete.

Yakobus 2:26

Akyaè ya nyòl enë mbim ngë tègè ai nsisim, nala ngò fë ṅyëbë onë mbim ngë tègè ai mimboan.