1Kor 13:2 - MKPAMAṄ AMVOE Nouveau Testament en langue Ewondo 2012

² Ngë mëbëlë ngul ya abò profèt, mëyëmë mam më ndimba mësë, ai ṅyëman osë, ngë mëbëlë ṅyëbë osë na mabodo minkol a si, ma ha tègè ai ediṅ, masëki dzom ziṅ.

1Kor 13:2 Iomraidhean Croise

Mt 13:11

Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban.

Mt 17:20

Nyè ai bò na: Asu ṅyëbë onë mina abòd. Bëbëla emen makad mina na, ngë mibëlë ṅyëbë okui anen anë fes ndoṅ, mikada nkol hi na: Kodogo ha, okë ali, ngë onkodo ana. Tègè ai e dzom ziṅ yakad mina. [

Mt 21:19

Ndo angayen ele bibuma a mgbag ndzòṅ, asubu na afad, tègè ai ebuma, hë kie. Nyè ai ele na: ebuma engabad ki wum abë wa tò eyòṅ. Ele emana fò kot etye etye te.

Mt 21:21

Yesus nyè ai bò na: Makad mina bëbëla na, ngë mibëlë ṅyëbë, tègè soo, miayi bò mam alodo anë e di ele dzi, mitoa dzam dzo ai nkol hi na: Kodogo, owoaban a maṅ, hë abòban nala.

Bisye bi Apostel 13:1

Bëprofèt bëngabë a nda-Zamba a Antiokia na: Barnabas, Simeon ya bëloege fë na Niger, Lukius man Sirenea, Manas ya anganaṅ ai Herodes, adzoege efas nnam, ai Saulus.

Roma 11:25

A babëdzaṅ, mayi ki fò na miyëgan e ndimba nyi, asu yë na mibindi ai fëg, na alèd-nnëm anë a ngab ziṅ a Israel, akëlë kui anë bëhaiden bësë bamana nyian,

Roma 15:14

A babëdzaṅ, mamen mayëm fò mbëṅ mbëṅ na, mfa waan, midzie ya ai abëṅ nnëm a tuud, mintoa ntud ai ṅyëman osë, ndò fë mibëlë ngul ya avean mëlëbëga.

Roma 16:25

Olugu abòò ai nyè ya abëlë ngul ya awone mina asu mbëmbë foe ai ṅyedan Yesus Kristus, asu nkulan ndimba engabë esòlò bisëb bisëb,

1Kor 11:4

E fam esë yakogëlan ngë ki na yakòbò nkòbò profèt, ebëgë dzom a nlo (anë ntom), yabyandi nlo woe.

1Kor 12:28

Ndò hm Zamba angatele bod bëvòg a nda-Zamba, atari na apostel, akalan na bëprofèt, e di lala bëyëgëlë, a mvus hala mësimba, a mvus hala bifaè bi akab ya alëdë akòn, avòli bod, alëb bod, akòbò abui minkòbò.

1Kor 13:1

Ngë makòbò minkòbò mi bod ana ai e mi benglès, ma tègè ai ediṅ, kë mëntoa ya e ngòm etubi, mëbò hë eduṅ anë etug angonga.

1Kor 13:3

Tò mëmana kab akuma dama asë, mëvëë fë nyòl dzama na bedigi dzò a ndoan, ma ha tègè ai ediṅ, masëki ai mfi ziṅ.

1Kor 13:8

Ediṅ enë mvende të dzëman. Mfa esye profèt, yayi sole! Minkòbò ki, miayi man! Ṅyëman fë wayi sole!

1Kor 14:29

Bëprofèt bëkòbògò bëbè ngë bëlè, e bod bëvòg bëngafyal.

1Kor 14:39

A babëdzaṅ, antoa hm na, dzëṅan ai ngul na mikòbò anë bëprofet, ndò fë të miakaman ai na bod bëkòbò minkòbò.

1Kor 14:4

E mod akòbò minkòbò awone emen. E nyò akòbò anë profèt awone nda-Zamba.

1Kor 15:51

Yënan sik, ndimba ndzò makad mina nyi. Bia bësë biayi ki wu, dzam da bia bësë biayi tsende,

1Kor 16:22

Ngë mod ziṅ adiṅ ki Nti, amala ai nyè. Maranatha (Zaag a Nti).

1Kor 4:1

Asu te bod bayean bia nòṅan ë bësye bë Kristus ai bëbaala bë ndimba mam më Zamba.

1Kor 7:19

Adzo yë na mod anë nkëban, ndò asëki nkëban, asëki dzam! Hë mbaalan mëmvende më Zamba ngò onë ai mfi.

1Kor 8:4

Adzo yë na mod adi e tsit bëtsig bëzamba, biayëm na bëzamba basëki a si-ndon, ai na Zamba anë hë mbòg mbòg.

2Kor 12:11

Mëngabò akud, mina miabò ma nala. Amu mina mingabë yean ma taman. Amu mimfaṅ mi apostel mialod ki ma hom, tò anë masëki dzom ziṅ.

Galati 5:16

Ma na: Nyiṅan a Nsisim, tègè ai adzo yë na miadzëṅ miṅyian mi nyòl.

Galati 5:22

Bibuma bi nsisim binë na: ediṅ, mintag, mvoè, fin, abëṅ-nnëm, afu-nnëm, ṅyëbë,

Galati 6:3

Ngë mod atsog na anë dzom ziṅ, ndë asëki dzò, adug emen.

Ef 3:4

ai maa te, eyòṅ mialaṅ, minë dzam wog ntsogan wama a ndimba Kristus;

Ef 6:19

ai asu dama, asu yë na eyòṅ mayaè anyu, bëvë ma ebug makòbò ai fim esë na mëkad ndimba mbëmbë foe,

Kolosi 1:26

e ndimba engabë esòlò atarigi a bisëb bisëb, atarigi fë anë miè bod minë, etoa dzi, yakulan asu mimfufub mie,

1Tim 3:16

Ndimba olugu Zamba enë hm fò anen bëbëla: Akulan a ngëëṅ a minson, abii mëkyëbë a nsisim, ayene benglès, bëyedan nyè a bëhaiden, bëyëbë nyè a si-ndon, akëlë a yob a duma ete.

1Yoh 4:8

E nyò adiṅ ki andzëki yëm Zamba, amu Zamba anë ediṅ.