1Kor 1:5 - MKPAMAṄ AMVOE Nouveau Testament en langue Ewondo 2012

⁵ amu abë nyè ngò miabi kan akuma esë, a nkòbò osë ai a ṅyëman osë,

1Kor 1:5 Iomraidhean Croise

Bisye bi Apostel 2:4

ndò bò bësë bëngadzie ai Mfufub Nsisim, bëtari hm na bakòbò a minkòbò mifë, e kan nsisim ongabë obò na bëfala nkòbò.

Roma 11:12

Ngë nsëm waban onë akuma si-ndon, evus dzaban etoa akuma bëhaiden, biyòṅ taṅ ya ngë bò bësë bayëbë ana!

Roma 15:14

A babëdzaṅ, mamen mayëm fò mbëṅ mbëṅ na, mfa waan, midzie ya ai abëṅ nnëm a tuud, mintoa ntud ai ṅyëman osë, ndò fë mibëlë ngul ya avean mëlëbëga.

Roma 15:4

E mam mësë mëngatilban okoba, mëngatilban asu ayëgëlë daan, asu yë na bibi afidi ai azombo ai evòli yasò a ntilan.

1Kor 12:10

mod mfë ayi bi ngul ya abò mësimba, e nyò mbòg abii nkòbò bëprofèt, mfë nyòlò na afas minsisim, e nyòlò na akòbò minkòbò kan kan, e nyò mbòg na atimi minkòbò.

1Kor 12:8

Amu, e mod nyòlò, Nsisim ovë nyè nkòbò fëg, e nyò mbòg, hë Nsisim te ovëë nkòbò ṅyëman;

1Kor 13:2

Ngë mëbëlë ngul ya abò profèt, mëyëmë mam më ndimba mësë, ai ṅyëman osë, ngë mëbëlë ṅyëbë osë na mabodo minkol a si, ma ha tègè ai ediṅ, masëki dzom ziṅ.

1Kor 13:8

Ediṅ enë mvende të dzëman. Mfa esye profèt, yayi sole! Minkòbò ki, miayi man! Ṅyëman fë wayi sole!

1Kor 14:26

Antoa hm ya a babëdzaṅ? Eyòṅ miakoan, mod osë abëlëgë dzia olugu, abëlëgë ayëgëlë, ngë ekuli-mam, ngë nkòbò, ngë mbol atimi nkòbò te. Mam mësë mëbò asu awone.

1Kor 8:11

Amu otala hm na ndëtëg mod ayi dzèèban asu ṅyëman woe; anë hm e manyòṅ ya Kristus angawu asu die!

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

2Kor 6:10

bëbòò na biwog olun ndë biatag, bò na binë mëbua ndë biabò na abui bod bëbi akuma, hë anë bibëlë ki dzom, ndë bibëlë byem bisë.

2Kor 8:7

Ndò mbol ya miafuguzu a dzom esë, a ṅyebë, a nkòbò, a ṅyëman ai a osësa osë, ai a ediṅ bibëlë asu daan, fuguzan fë a esye akab dzi.

2Kor 9:11

Miayi bi akuma asu akab daan asë e kan yë na bingavë Zamba ngaṅ.

Ef 1:17

asu yë na Zamba Nti waan Yesus Kristus, esya duma, avë mina Nsisim fëg ai Nsisim wakuli ayëmë die,

Ef 2:7

asu yë na, e bisëb biazu, mod etòg akuma bifaè woe ayene a afu-nnëm alëdë bia abë Kristus Yesus.

Ef 3:8

E ma ya madaṅ obòbòd a zaṅ mimfufub misë, ma bëngavë e maa nyò, na mëyedan bëhaiden mbëmbë foe akuma Kristus ya anë tègè ai alèè,

Ef 6:19

ai asu dama, asu yë na eyòṅ mayaè anyu, bëvë ma ebug makòbò ai fim esë na mëkad ndimba mbëmbë foe,

Filipi 1:9

Ndò makogëlan na ediṅ dzaan ebui hë mbuan, na miyëm, miyen fë,

Kolosi 2:3

abë nyè ngò akuma fëg ai ayëmë asë asòlò.

Kolosi 3:10

mibòd mkpamaṅ modo, ya odugan ya bò mkpamaṅ na ayëmë akyaè e nyò angakom nyè

Yakobus 3:13

Za anë mfëfëg, za abëlë fëg enyiṅ abë mina? Alëdëgë hm mimboan mie ai evovoe fëg a mbëmbë enyiṅ woe.

Petrus bèè 3:18

Naṅan a maa ai a ṅyëman Nti waan ai nkode waan Yesus Kristus. Duma abòò ai nyè ana ai a amos kole. Amen.