1Kor 1:10 - MKPAMAṄ AMVOE Nouveau Testament en langue Ewondo 2012

¹⁰ Ndò hm makogëlan ai mina a dzoe Nti waan Yesus Kristus, a babëdzaṅ, na mina bësë mibò kiṅ dzidzia, tègè ai ngam ngam abë mina, na milad nnëm mbòg mbòg.

1Kor 1:10 Iomraidhean Croise

Mt 9:16

Mod wasë ki bede mkpamaṅ abaag a ntu eyie, amu mkpamaṅ afëb eyie wayi lindi eyie, enganyabi abui, alodo anë ehë bë osusua.

Mk 2:21

Bakad ki bede mkpamaṅ abaag a ntu eyie. Bëbò fë nala, abaag layi tonde e hom otëg ya, eyie engafëdan nyabi.

Mk 3:24

Ngë edzoe nkukuma ziṅ ebò fë ngam ngam ai eben, edzoe te esëki dzam tòbò kòm.

Yohannes 10:19

Yuden bëdugan kaban ngam ngam etòm e bibug bi.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 7:43

Nkunda bod ontoa hm kiṅ mëndzaṅ etòm dzie.

Yohannes 9:16

Bod bëziṅ ya bëfarisea bëngadzo na: E mod nyòlò asò ki abë Zamba, amu abaala ki sabbat. Bëvòg ki bò na: Eyë nsëmë minsëm anë dzam bò e kan ndëm nyi ya? Bëntoa kiṅ mëndzaṅ.

Bisye bi Apostel 4:32

Nkunda e bod bënganyian a ṅyëbë ongabë hë nnëm mbòg mbòg, ai nsisim mbòg mbòg, tò mod të dzo na dzom dzie yawoge ai nyè, byem biaban bingabë bò hë fufulu.

Roma 1:13

Mayi ki na miyëgan dò, a babëdzaṅ, na mëngahan hala na mazu abë mina, ndò azaag kui ana, tègè ai zen; asu yë na mëbi fë mfi abë mina anë mayen wò a e bëhaiden bëvòg.

Roma 12:1

A babëdzaṅ, makogëlan ai mina, a ngòl Zamba, na mituni Zamba nyòl dzaan anë abëṅ mëtunëṅa mëvëë; olugu waan ya nsisim nyòlò.

Roma 12:16

Boan kiṅa zaṅ mina mina, të daṅ yag ai e mam mënë a yob abui, midzëṅë e mam mënë edzòdi-nyòl. Të miadaṅ kë kud ongon.

Roma 15:30

A babëdzaṅ, makogëlan ai mina a dzoe Nti waan Yesus Kristus ai ediṅ Nsisim na mibaman ai ma a ngogëlan asu dama abë Zamba,

Roma 16:17

A babëdzaṅ, makogëlan ai mina na mibò okala e bod batsam mina, bësogolo bod a nsëm, bëdzoge ayègè ya mina mingayègè; saalan bò.

1Kor 1:11

A babëdzaṅ, bod ya nda-bod Kloe bëngamana ma kad na mibëlë bitòm a mina mina we.

1Kor 11:18

Amu, e di osu, eyòṅ miakoan a nda-Zamba, mawog na minë ngam ngam. Ndò mayëbë të adzo te nala.

1Kor 12:25

asu yë na të ngam ngam yabò a nyòl, hë da na bidzo bimvaman biè biè a zaṅ dzaban.

1Kor 3:3

amu mingënë bod bë nyòl. Amu, ntye ya zuṅa ai esuṅu minkoṅ bingënë a zaṅ dzaan, nga mingënë bod bë nyòl, miwulugu fë hë anë bod batsog?

1Kor 4:16

Ndò hm makogëlan ai mina: Byean mvulna dzama.

2Kor 10:1

Mamen, Paulus, makogëlan ai mina ai evovoe, ai abëṅ nnëm Kristus, e ma ya mënë edzòdi-nyòl eyòṅ mënë abë mina, mëntoa ayòg eyòn mënë mina oyab.

2Kor 13:11

A babëdzaṅ, a mëmana, tòbògan mintag, tsendëgan mëfulu, bian awonòṅ, boan kiṅ, nyiṅan mvoè, abog te Zamba mvoè ayi bò ai mina.

2Kor 13:9

Amu biatag eyòṅ binë ntëgan, mina mitoa ngul. Asu te biakogëlan: Asu yë na minyiṅ ntud.

2Kor 5:20

Ndò hm binë bëbëgë bë foe asu Kristus, Zamba akòbògò a anyu daan. Biakogëlan ai mina a dzoe Kristus: ladan ai Zamba.

2Kor 6:1

Mbol biasye fufulu ai nyè, ndò biakogëlan ai mina na të mianòṅ maa Zamba a zëzë.

Galati 4:12

Tòbògan anë ma, amu ma fë mënë anë mina, a babëdzaṅ, makogëlan ai mina. Miandzëki ma bò abe ziṅ.

Filipi 1:27

Nyiṅan hë mbol wayean ai mbëmbë foe Kristus asu yë na tò mësò, mëyënë mina, tò masëki we, mëwodan minlaṅ mian, na mitëlë a kpiim ai nsisim mbòg, nnëm mbòg, mikëan a ṅyëbë mbëmbë foe,

Filipi 3:16

E hom osë bikë ya kui, nkaṅan ai nala osu.

1Tes 5:13

mikam bò eyëgan a ediṅ asu esye dzaban. Nyiṅan mvoè abë bò.

2Tes 2:1

A babëdzaṅ, biadzaè mina, mfag adzo asò-lë Nti waan Yesus Kristus, ai mbol biayi tòbò ai nyè fufulu,

1Tim 5:21

A mis më Zamba ai Kristus Yesus ai mintòban benglès, mabende wa a ngëëṅ na obaala e mam ma tègè fyal, të wabò mò ai ewu-dis.

2Tim 4:1

Matëbëlë wa, a mis më Zamba ai a mis më Kristus Yesus ya ayi bò nkat bënyiṅ ai bëwu a asò-lë die ai edzoe dzie.

Petrus osu 2:11

A mindindiṅ miama, makogëlan ai mina anë bëdzin ai batòbò nnam na, misaala miṅyian mi nyòl a mialuman ai nsisim waan.

Petrus osu 5:10

Zamba maa asë ya angaloe mina a duma kole die abë Yesus Kristus ayi mina dugan tone eyòṅ midzugi ya mintye man etun abog, awone mina, avëë mina ngul, atele mina a kpiim.