ရောမ 9:4 - ဓမ္မသစ်ကျမ်း ဓနုဘာသာစကား

⁴ အေးသူလို့ဟ ဣသရေလူဖြစ်ပင်း ကိုယ်တော်ဟ သူလို့အား လူပဲ့သငယ်များအဖြစ် မွေးစားယွေ့ မိမိရဲ့ ဘုန်းတော်ဟို ဖူးမြော်ခွင့်ပေးအယ်။ ကိုယ်တော်ဟ သူလို့နဲ့ ပဋိညာဉ်များပြုလုပ်ပင်း သူလို့လည်း ပညတ်တော်ဟို ပေးအယ်။ သူလို့ဟလည်း မန်ကန်သော ဝတ်ပြုကိုးကွယ်နည်းနဲ့ ဘုရားသခင်ရဲ့ ကတိတော်များဟို ခံယူရဆိအယ်။

ရောမ 9:4 Iomraidhean Croise

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 21:33

“အခြားပုံဥပမာ တခုဟို နားထောင်ကြလော့” ဟု ယေရှုဟ ပြောအယ်။ “စပျစ်ဥယျာဉ်တခုဟို စိုက်ပျိုးသည့် မြေပိုင်ဆှင် တယောက်ဆိအယ်။ သူဟ စောင်းရန်း ကာယွေ့ စပျစ်သီးနယ်ရာကျင်းဟို တူးပင်း လင့်စင်တခုဟိုလည်း ဆောက်လုပ်အယ်။ အေးနောက် မိမိရဲ့ ဥယျာဉ်ဟို ခြံသမားလို့အား ငှားယွေ့ ခရီးထွက်သွားအယ်။

ယောဟန် 1:17

ဘုရားသခင်ဟ ပညတ်တရားဟို မောရှေအားဖြင့် ပေးအယ်၊ အဲလိုလဲ ကျေးဇူးတော်နဲ့ သမ္မာတရားဟ ယေရှုခရစ်အားဖြင့် ဖြစ်လာအယ်။

ယောဟန် 1:47

ယေရှုဟ သူ့ဆေဟို နာသနေလ လာနေတာ မျော်သောအခါ သူဟ “ဟေမှာ ဣသရေလအမျိုးသားစစ် ဖြစ်အယ်၊ သူ့တွင် ပစာအမားမျှ မဆိမန့်” လို့ ကိုယ်တော်အကျောန်းဟို ပြောအယ်။

တမန်တော် 2:39

အကျောန်းမှာ ဟေကတိတော်ဟ နင်နဲ့ နင်လို့ရဲ့ လူပဲ့များမှ စယွေ့ အဝေးနှိုက်ဆိသော သူအားလုံးဖြစ်ကြသော ငါလို့ရဲ့ ဘုရားသခင် ထာဝရဘုရား ခေါ်သော သူလို့အတွက် ဖြစ်အယ်” ဟု ဆိုလေအယ်။

ရောမ 3:2

အဖက်ဖက်နှိုက် အကျိုးများစွာ ဆိအယ်။ ပထမအနေနဲ့ သူလို့နှိုက် ဘုရားသခင်ရဲ့ နှုတ်ကပတ် တရားတော်များဟို ယုံကြည်အပ်နှံထားအယ်။

ရောမ 8:15

နင်ရဆိသော ဝိညာဉ်တော်ဟ နင့်အား ကျွန်အဖြစ် ပစ်မထားပါ။ နင်လို့ဟ တဖန် ကြောက်တတ်သော စိတ်လည်း ဆိစေတာ မဟုတ်ဘဲ၊ နင်ရဆိထားသော ဝိညာဉ်တော်ရဲ့ တန်ခိုးအားဖြင့် နင်လို့ဟ လူပဲ့သငယ်များ ဖြစ်စေပင်း “အဗ္ဗ၊ အဖ” ဟု ငါလို့ ခေါ်ကြအယ်။

ရောမ 9:6

ဘုရားသခင်ရဲ့ စကားဟ ပျက်သွားမှာ မဟုတ်။ အကျောန်းမှာ ဣသရေလလူမျိုး ဆက်နွယ်သော သူအားလုံးလို့ဟ ဣသရေလလူ အမန် မဟုတ်။

၂ ကောရိန္သု 11:22

သူလို့ဟ ဟေဗြဲလူ ဖြစ်ကြသလော၊ ငါလည်း ဖြစ်အယ်။ သူလို့ဟ ဣသရေလလူမျိုး ဖြစ်ကြသလော၊ ငါလည်း ဖြစ်အယ်။ သူလို့ဟ အာဗြဟံအမျိုးအနွယ် ဖြစ်ကြသလော၊ ငါလည်း ဖြစ်အယ်။

ဂလာတိ 3:16

အခု ဘုရားသခင်ဟ အာဗြဟံနဲ့ သူရဲ့အမျိုးအနွယ်အား ကတိတော်များ ပေးခဲ့အယ်။ ကျမ်းစာတွင် “အမျိုးအနွယ်လို့” ဟု အများသောသူများဟို ပြောတာမဟုတ်ဘဲ တယောက်သောသူဟိုသာ ရည်ညွန်းယွေ့ “နင့်ရဲ့အမျိုးအနွယ်” ဟု မိန့်အယ်။ အဲသူဟ ခရစ်တော် ဖြစ်အယ်။

ဧဖက် 2:12

အေးအချိန်တွင် နင်ဟ ခရစ်တော်နဲ့ ကွဲကွာနေခဲ့ကြအယ်။ ဣသရေလနိုင်ငံသား ဖြစ်ခွင့်မှ ဖယ်ထုတ်ထားသော ကတိတော်ရဲ့ ပဋိညာဉ်များတွင် နိုင်ငံခြားသားများနဲ့ မသက်ဆိုင်၊ ဟေလောကနှိုက် မျှော်လင့်ခြင်း မဆိ၊ ဘုရားမဲ့လျက် နေခဲ့ကြအယ်။

ဟေဗြဲ 9:1

ပထမ ပဋိညာဉ်တွင် ဝတ်ပြုကိုးကွယ်ခြင်းဆိုင်ရာ စီရင်ချက်များနဲ့ လောကနှိုက်ဆိသော သန့်ဆှင်းရာ ဌာနတော်လည်း ဆိအယ်။

ဟေဗြဲ 9:10

အဲအရာလို့ဟ စားစရာ၊ သောက်စရာနဲ့ ဆေးကြောသန့်စင်ခြင်း ဝတ်များနဲ့ဆိုင်အယ်။ ဟေဟာဟ ပြင်ပနဲ့ ဆိုင်လဲ့ စည်းမျဉ်းများ ဖြစ်ယွေ့ ခပ်သိမ်းသောအရာလို့ဟို ဘုရားသခင် အသစ်ပြုပြင်မဲ့ ကာလတိုင်အောန်သာ တည်ဆိနေကြအယ်။

ဟေဗြဲ 9:3

ဒုတိယ ကန့်လန့်ကာနောက်နှိုက် ရမ်းဆာ့ သန့်ဆှင်းရာ ဌာနတော်ဟုခေါ်သော အခန်း ဆိအယ်။

ဟေဗြဲ 9:5

သေတ္တာပေါ်တွင် ဘုန်းအသရေနဲ့ ပြေ့စုံသော ခေရုဗိမ်များ ဆိအယ်၊ အဲသူလို့ဟ ဘုရားသခင် ကိန်းဝပ်ခြင်းဟို သရုပ်ဖော်ကြအယ်၊ သူလို့ရဲ့ အတောင်များဟ အပစ်ဖြေရာ ပလ္လင်ဟို ဖြန့်လျက်နေအယ်။ အဲအရာများဟို အခု အသေးစိတ်ဖော်ပြရန် မလိုပေ။

ဟေဗြဲ 9:6

အေးအရာလို့ဟို ပြင်ဆင်ပီးသောအခါ ယဇ်ပုရောဟိတ်လို့ဟ မိမိလို့ရဲ့ တာဝန်များဟို ဆောင်ရွက်ရာတွင် တဲတော်ရဲ့ ပထမအခန်းဟို နေ့စဉ် ဝင်ရကြအယ်။